محمد الدحيمي ..

[سعد الشواطي]

السلام عليكم ورحمه الله


ياعيد ما تسوى بلا ريحة أمي ..


العيد غـربه .. والفرح ثوب مشقوق
يالمـّة الخــــلاّن ... ياريحـــة أمي

من عادة العاشــق يناجــيه معشـوق
وانا التــناجي بين عيني وفمي

النوم : حلمٍ تطرده لهفة الشوق
والوجد بعــروقي يخـــاويه دمي

واليوم مثل البارح غروب وشروق
لمّي ثــمار العمــر يــاروح لمّي

احدي هجوسي مثل من يحدي النوق
واحمل عناقيد الندم وسط كمي

وارقـب نجوم الليل بعيون مخنوق
والفــجر لا حـولي ولا هو بيمّي

أماّ زماني ساقـنـي للشقا سـوق
أو زادنـي هم ٍ على غـير همي

ثوبي جديدٍ .. مير ياعيـد مشقوق
ياعيــد : ما تسوى بلا.. ريحة أمي

[صالح بن ناعمه]

تسلم ويسلم الشاعر محمد الدحيمي " ابو بدر"

قصيدة جزله

[أبو عساف]

لاهنت ياسعد على ايراد القصيده

ومحمد الدحيمي الشهري

شاعر جزل ومبتعد عن الاعلام

وصح لسانه قصيده معبره فالام وتستاهل اكثر

تحياتي

[حد السيف]

لاهنت ياسعد

وصح السانك والسان الشاعر

[سفر بن مبارك]

صح الله لسانك ولسانه

لاعدمنا تواجدك ,,