هذا الزمن غدار ؟؟؟

[منصور بن حيان القحطاني]

هذا الزمن غدار والغدر موجود=مر ٍيفرحني ومر ٍ مراره
لاناشد ٍ عني ولا عنه منشود=قام يتشيطرغير مهنا شطاره
وحبل الشقا والهم والعنف ممدود=حتى بناله وسط قلبي وزاره
واسس قواعدها بلا راي وحدود=وعلى بنات الفكر صدَر شعاره
ممنوع لاتهرب وممنوع لاتعود=سجين مايعرف بليل ونهاره
وقفل مخارجها وجند له اجنود=اجنودتمسك كل ليل ٍ خفاره
تصلب معاليقي بلا ذنب وشهود=لمراع ٍ جيره ولاحق جاره
متسلط ٍ ماقدوته غير نمرود=اللي رماه الله وضيّع وقاره
امضايق ٍ صدري وحاشدله احشود=ودّه يفجر كل يوم ٍ سفاره
متجاهل ٍ ماكان من حلف ووعود=ومغير ٍ في كل ساعه مداره
وفكري حفر قبر ٍ وسيع ٍ وملحود=وقال الزمن دوبه ودوب النعاره
خل الشجاع اليوم تنخربه الدود=وترمي عيونه بالرمد والحجاره
روّح زمان العرف والطيب والجود=غدربهم ابطعنتين من شفاره
وبنا العلاقه بين حاسد ومحسود=ومايوقد النيران غير الشراره
هذا الزمن غدار والسيف مجرود=على رقاب اهل الوفا والطهاره
يالله يللي نزهمه خير منشود=انك تبعدنا عن اهل الخساره
العمر لبن آدم موفّى ومعدود=وموتى الفتى ياتيه دون اختياره

[أبو عساف]

صح لسانك وبيض الله وجهك

قصيده شامخه بقدر شموخك يابو حيان

والله الزمن هذا الوقت يخوف

قصيده تلامس الواقع

تحياتي وتقديري لشخصك الكريم

[عبداالله بن ملحه]

صح لسانك ,, وبيض الله وجهك على القصيدة الشامخة

[المسااافرر]

بيض الله وجهك يا ابو علي

اشهد انك شاعر كفوووو


تحياتي لك وللاخ الفاضل سيف بن على بن حيان

[دام الغلا]

صح لسانك يالرفيدي

وملاحظة أخ
ولاتسبوا الدهر فإن الله هو الدهر وكيف قدوته نمرود ((غدربـهـم ابطعنتـيـن مـــن شـفــاره )) تقبل مروري وحكاي

[منصور بن حيان القحطاني]

اشكرك يابو عساف على المرور الكريم

والكلام الطيب الغير مستغرب من اهله

لاعدمتك

[فهد الهباش]

العـمـر لـبـن آدم مـوفّــى ومـعــدود وموتـى الفتـى ياتيـه دون اختـيـاره
هذااا الكلاام...
صح لسانكـ يالغالي..