المساعد الشخصي الرقمي

مشاهدة النسخة كاملة : دام عـزك ياوطـن


حامد القريشي
06-03-2011, 02:41 PM
مد النظر كم تبصر اشكال واجناس=وفيها كمال ابداع ماشي يخلٌه
وبيده تعالى افراح خلقه والاتعاس=والكل يرجي رحمته خاضع ٍ لٌه
والخير خير الله هنا ساير الناس=وعيش السعد ماظن عاقل يملٌه
الوضع في تونس وفي مصر محتاس=ومده طويله لين يآخذ محلٌه
وتجرعت في ليبيا المر بالكاس=وعقيدهم زود على الطيب بلٌه
ولا عاد وقت ٍ بين هم ٍ ووسواس=يوم الفتن ومزونها مستهلٌه
ولاجات بالطلبه ولا جاك عساس=كود بسيوف ٍ مرهفات ٍ مجلٌه
عبدالعزيز اللي ملكها على ساس=ولم الشتات بدولة ٍ مستقلٌه
حدد معالمها على قب الافراس=وعزُز حبيب الله وغاض المضلٌه
ومن بعده املوك المعزه ونوماس=نوماس للدوله وللشعب كلٌه
وفي ظل ابو متعب تزاهت بالالباس=وياجعل ماقدم لها شافع ٍ لٌه
اهدى لها المرجان واللول والماس=على ثراها ينثره كل حلٌه
عون الضعيف اللي برا حاله الياس=وعماة عين اللي دروبه مخلٌه
جمايله غبة بحر ماله اقياس=وفزعته تبري كل جرح ٍ وعلٌه
وسيرته تاريخ ٍ يخلد ونبراس=لاهل المعزه والشرف والجبلٌه
ولاباس منصاها ملكنا ولا باس=بعد النجوم المرقبات المطلٌه
وعداد ماسامر دجا الليل جلاس=وعداد مايشتاق خل ٍ لخلٌه
اقولها من قلب وشعور واحساس=ومن ناظر ٍ شوفه ترا مايملٌه
وجعل السحاب اللي تقدمه نسناس=مجدول غيثه فوق قصر يفلٌه
ويسلم لنا سلطان جوده قطع ياس=حلم العديم اللي حياته مملٌه
ونايف وللنايف من الطير قرناس=ومن حومته هيبته حتى بظلٌه
وانا صبي قحطان والعز له ساس=وقحطان فاللازم نجوم ٍ مهلٌه
وكل القبايل مالحق عزها افلاس=وفيها الوفا والطيب دقه وجلٌه
ولاجا النهار اللي به الضيم والباس=والدرب عيا كل غاوي يدلٌه
دون الوطن حنا عساكر وحراس=وصف ٍ تكاتف ماشكى من مذلٌه
تمت صلاة الله على صفوة الناس=نبينا اللي ملته خير ملٌه

محمد بن مسفر بن جليد
06-03-2011, 10:33 PM
بيض الله وجهك يا القريشي

حامد القريشي
10-03-2011, 03:27 PM
بيض الله وجهك يا القريشي



ووجهك يابومسفر

مرورك شرف وجعلك سالم

والله يعز وطنا ويكفاه شر من فيه شر

تقبل خالص تحياتي

ظافر عوض آل سعد
10-03-2011, 04:05 PM
لاهنت ياحامد

وابيض وجه

عبدالعزيز الشاطري
10-03-2011, 04:22 PM
الشاعر حامد القريشي


كفو كفو كفو


وبيض الله وجهك


وصح لسااااااااااااانك الى مااااااااالاااااااااا نهاااااااااية على كل حرف فيها




تحيتي لك

حامد القريشي
12-03-2011, 04:39 PM
لاهنت ياحامد

وابيض وجه


الله يحييك اخوي ظافر

ولاهان قايل

ووجهك ابيض

تقبل تحياتي

حامد القريشي
12-03-2011, 04:43 PM
الشاعر حامد القريشي


كفو كفو كفو


وبيض الله وجهك


وصح لسااااااااااااانك الى مااااااااالاااااااااا نهاااااااااية على كل حرف فيها




تحيتي لك

أرحب أخوي عبدالعزيز الشاطري


ماعليك زود وصح بدنك ووجهك ابيض

ومرور شرواك وتعليقه على القصيد ناموس للشاعر

والله يحييك في منتداك وبين أخوانك

اشكرك واشكر لك مرورك

تقبل خالص تحياتي