... سجــــة فكـــــر ...

[عبدالله بن عايض الفهري]

السلام عليكم ورحمة الله وبركاته


مشاركة آمل أن ترتقي لمستوى الذائقة



مع غيبة الشمس علق فكري سراجه = نوى يسج الخيال ويطوي فجوجه
حرٍ وحريته فـ..حدود منهاجه = ورقيب ذاته يفلتر كل منتوجه
علق قيوده على الباقي من سياجه = وحطم حواجز طريقٍ عزّم يبوجه
ولانت الـ..عزمه جيوش السحر وافواجه = سحر البيان وبيان السحر ممزوجه
وبحر المعاني ضحك في وجهه حجاجه = الموجه اتزَف له واتزِف له موجه
بالروس قامت تناطح عالي امواجه = كنْهَا تنافس على خوّته وهروجه
لنّه لا خاوى القصيده جات وهّاجه = ولا طرق سمعها كلمات ممجوجه
يقول الاعصاب حطيها بثلاجه = واوعدك الابداع نتمشى على مروجه
وهي بعض الاحيان تقرب حروة إزعاجه = من الميانه وجيه الخوف مسهوجه
كنْهَا ما بين المحاني فوق زلاجه = صدره شمالي وهي عوبا ومرجوجه
واقل ما يقبله منها بمعراجه = عصماً لها حجةٍ ما هيب مفلوجه
وارقاب روسٍ من الاعجاب منعاجه = لفرايدٍ من خيال الفكر منسوجه
غير الصريح الصراحه سبة احراجه = يقول والصدق له لبواب مهجوجه
يا ليت ما الله كتب شوفه ولا امواجه = معَكْ يا بنت القصيد بعالي بروجه
باب الاحاسيس في قلبك بمزلاجه = قلب انتحاري نبت في صدر عمهوجه
ساقت من الـ..مدخله يحسب ومخراجه = الخطوه الـ..دارك. وعوّد ومنتوجه
مشيٍ بلا لازمٍ حاضي ولا حاجه = لو سميت تمشيه ترى اسمها دوجه


وسلامتكم

عبدالل بن عايض بن رده الفهري

[محمد بن مسفر بن جليد]

ارحب يا بو عا يض بيض الله وجهك متميز تقبل مرورونا خوك

[سعيد ابن دماث]

صح لسانك وكل مايجي من ابدااااااااااااع بمعنى الكلمة
الشاعر دائما متميز وكما نعرفك في قمة التميز والابداع
والقصيده روعه في كيانها ونسقها واشكر على ابدااعك من جد تذوقت شعر
تقبل مروري واحترامي

[منصور بن حيان القحطاني]

لاهنت على القصيده الطيبه


تقبل تحياتي ومروري