نهار الحربي
22-02-2011, 01:37 PM
لاصار اخوك اللي اقرب الناس ناسيك=اصبر على مر الضروف وغثاها
يفرح ليا شاف الزمان امتحديك=ويرتاح لاجتك الضروف بعصاها
اضرب مثل واللي نصا الناس ناصيك=ولاأذم خلق الله ولاأطرد وراها
ياوقت وش علمك على الناس وش فيك=خليت خلق الله توسع اخطاها
لاوالله اللي تو بانت مواريك=وسود الليالي قام يدرج رحاها
دام اخر العربان يفزع ويعطيك=واللي قريِب حاجتك ماقضاها
لاعاد ترجيلك صديق يصافيك=خلك بحالك والعيون بشقاها
اصبر على وقتك وحسْب ابلاويك=ويرزقك رزاق الوحوش بعشاها
اصدق مع المولى ترى الله يغنيك=والناس لوتتعب ماتدرك ارضاها
يفرح ليا شاف الزمان امتحديك=ويرتاح لاجتك الضروف بعصاها
اضرب مثل واللي نصا الناس ناصيك=ولاأذم خلق الله ولاأطرد وراها
ياوقت وش علمك على الناس وش فيك=خليت خلق الله توسع اخطاها
لاوالله اللي تو بانت مواريك=وسود الليالي قام يدرج رحاها
دام اخر العربان يفزع ويعطيك=واللي قريِب حاجتك ماقضاها
لاعاد ترجيلك صديق يصافيك=خلك بحالك والعيون بشقاها
اصبر على وقتك وحسْب ابلاويك=ويرزقك رزاق الوحوش بعشاها
اصدق مع المولى ترى الله يغنيك=والناس لوتتعب ماتدرك ارضاها