المساعد الشخصي الرقمي

مشاهدة النسخة كاملة : قصيده الشاعر حسين بن حلاص بن ملحه آل قير الخنافر


صعاق
29-10-2005, 09:36 PM
الشاعر حسين بن حلاص بن ملحه آل قير الخنافر القحطاني شاعر لم يعطه الاعلام حقه نورد لكم قصيدة من قصائده رداً على من
يدعي بان رجوع الكويت كان بفضل امريكا ورئيسها بوش ونسي دور
السعوديه وما قامت به من فتح بيوتها للكويتيين واراضيها لقوات التحرير
ســـــــــنـــــ1991ـــــــة
يا جاحـد الـمعروف يا مادح بوش = لـولا الفهد ماجاك بوش وغـيره
كل الـدول بأمر الفهد جات للهـوش = وصدام بأمرالله ثعى الله مريـره
وين انت ماشفناك في ملتقى الهوش = لاحـامي نـفـسـك ولا فـيك غـيـره
انشهد انك صرت نذل ومر بـوش = ياجاحد المعروف وجه العـثيره
طقيت من منزلك والبيت مـفروش = وخـليت فـردك طايحٍ في جفيره
حـكـامـنا ال سـعـود يا مـادحٍ بـوش = عـمـت جــمايـلهـم عـلى كل ديره
عيال السعود مطوعت كل شاووش = الي حـمـو بالـسيـف كل الجزيره
فـهـد وعـبـدالله وسلـطـان يابوش = يـاسـعـد مـنـهـم فزعته وتعـبيره
حنا لهم خدام واخوان في الهوش = يـوم عـلى صدام عسكر ذخـيره
احلفاك ياصدام راحوا مع الطوش = والـكـل مـنـهـم قام يلعن شويـره
تـشـامـتـو مـابين غش ومغـشوش = والله كشف منهم ثياب الـستـيـره
ياما عطيناهم من المال وقـروش = اهـل الـخيانه والوجيه الشريـره
الله خذلهم واذعنو كنهم جـحـوش = والـكـل مـنهم قام يقصر مـسيره
مـلـفـقـيـن مـالهـم ساس ورموش = والله انتقم منهم اخباث السريـره
النصر باذن الله وحنا له نحـوش = والـله نصرنا واعلنوا بالـكسيره
عاداتنا لاصار هايش ومهـيوش = حـريبـنا نـسقـيه كـاس الـمـريره
حـنـا وقـفنا وقفت الحق بجيوش = ضـد لـمـن هو خاين في قـصيـره
حنا قحاطين ندوش العدو دوش = وكـل الـقـبـايل ماعليهم قـصـيره
وانا من ال محمد عالي عروش = خـنـافـر نـنـطـح شبات الـمـغيره
في هية الخفجي نحوش العدوحوش = مـنـهـم الـلـي زييد يـرفع نـظـيره
مـنـول صـدام لـه عـرف منفوش = والـيـوم عرفه ما يساوي شعيـره
من فـعـل ابـوفيصل غدى كنه مخروش = الـلـي غـلـب فـكره عـلى فكرغيره

محمد الكدادي
30-10-2005, 02:52 AM
اخوي صعاق الله لايهيينك على هذه القصيده

واللي يقول ان الفضل كله لامريكا في تحرير الكويت من

الغزو العراقي الغاشم

ناقص معرفه

ولكن الفضل يعود على كل الدول المجاوره والصديقه والعريبه

والدول الحليفه لدول الكويت

وهذا الذي لاينكر وهو بصمه شرف يفتخر فيها كل كويتي
لووقوف اخوانه العرب والمسلمين في صفهم


تقبل مني خالص الشكر والتقدير


اخووك : محمد الكدادي .

صعاق
08-11-2005, 07:42 AM
لا هنت على مرورك يامحمد