عزيز النفس العبيدي
19-02-2011, 07:37 PM
هذه قصيدة الشاعر / حمد بن ناصر أبوظهير قالها في الشيخ / حمود الجهيمي وذلك تقديراً لمواقفه المشرفه مع شاعرنا . والقصيدة نقلاً من أحد أقارب الشاعر
يقول من قوله قوىٍ ومثبوت =قولٍ قويٍ قايله مايخونه
يختار بيتٍ واحد ويفهق بيوت =ويدققه وينقي أغلا فنونه
جلاب ولا أريـــــد ســــــــــوق الغلا يفـــــــــوت =والطيّبه فيها الثمن يدفعونه
وامدح بها إللي فالقسا يرخص القوت =وجه السعد مكرم ضيوفٍ يجونه
أسمه على روس المراقيب منحوت =حمود الجهيمي كلكم تعرفونه
من يوم خلق الله على الهجن وفروت =واسم الجهيمي بالكرم يذكرونه
من كبر بيته كن ماحوله بيوت =عمار يا قصرٍ وساعٍ ركونه
عساه يبطي حي ما قربه الموت =ذخرٍ لمن شاف العما في عيونه
ذكره تعلا فوق ظل البراشوت =وعلم الحيا بين العرب ينقلونه
وكرامته ما هي بكيكٍ وبسكوت =فقار مفرودٍ ثقال ٍ صحونه
وكرامته لو هو بلندن وبيروت =ضيفانها ما وقفوا يحترونه
ودرب المراجل دونه جبال وخبوت =عدٍ قصار الحبل ما يجذبونه
وكلٍ يموت وسمعة حمود ما تموت =ما دام نور الشمس يشعق بلونه
شيخٍ يفك رقاب لما اعتلا الصوت =لا ضــــــاع حكيٍ فالســعة يجمعونه
يا فزعة المحتاج لا صار مكبوت =لا شاف من سود الليالي مهونه
البشت ما يلبس على متونة الكوت =والراس راسٍ ما ترده متونه
يفداك من طيبه من الوجه مسلوت =وان شاف ضيفٍ سكَّر الباب دونه
وثوب البخل ما يستره خمسة بشوت =يبين شق الثوب لو يرقعونه
أخذ الكلام إللي ما يبنيه سربوت =نوادرٍ ما احتجت فيها معونه
ما هي سوالف شاهي ودق بيلوت =على رصيفٍ جعلكم ما تجونه
أمثال شعرٍ طعمها طعم نبوت =من ارجال عرفٍ بيتهم يصخرونه
وتم الكلام إللي بنيته على أوت =وباقي لنا بيت وابي تسمعونه
لا صار تالي العمر للطين والحوت =ياجب على الرجال ذكره يصونه
أخوكم الشاعر / حمد بن ناصر أبو ظهير
يقول من قوله قوىٍ ومثبوت =قولٍ قويٍ قايله مايخونه
يختار بيتٍ واحد ويفهق بيوت =ويدققه وينقي أغلا فنونه
جلاب ولا أريـــــد ســــــــــوق الغلا يفـــــــــوت =والطيّبه فيها الثمن يدفعونه
وامدح بها إللي فالقسا يرخص القوت =وجه السعد مكرم ضيوفٍ يجونه
أسمه على روس المراقيب منحوت =حمود الجهيمي كلكم تعرفونه
من يوم خلق الله على الهجن وفروت =واسم الجهيمي بالكرم يذكرونه
من كبر بيته كن ماحوله بيوت =عمار يا قصرٍ وساعٍ ركونه
عساه يبطي حي ما قربه الموت =ذخرٍ لمن شاف العما في عيونه
ذكره تعلا فوق ظل البراشوت =وعلم الحيا بين العرب ينقلونه
وكرامته ما هي بكيكٍ وبسكوت =فقار مفرودٍ ثقال ٍ صحونه
وكرامته لو هو بلندن وبيروت =ضيفانها ما وقفوا يحترونه
ودرب المراجل دونه جبال وخبوت =عدٍ قصار الحبل ما يجذبونه
وكلٍ يموت وسمعة حمود ما تموت =ما دام نور الشمس يشعق بلونه
شيخٍ يفك رقاب لما اعتلا الصوت =لا ضــــــاع حكيٍ فالســعة يجمعونه
يا فزعة المحتاج لا صار مكبوت =لا شاف من سود الليالي مهونه
البشت ما يلبس على متونة الكوت =والراس راسٍ ما ترده متونه
يفداك من طيبه من الوجه مسلوت =وان شاف ضيفٍ سكَّر الباب دونه
وثوب البخل ما يستره خمسة بشوت =يبين شق الثوب لو يرقعونه
أخذ الكلام إللي ما يبنيه سربوت =نوادرٍ ما احتجت فيها معونه
ما هي سوالف شاهي ودق بيلوت =على رصيفٍ جعلكم ما تجونه
أمثال شعرٍ طعمها طعم نبوت =من ارجال عرفٍ بيتهم يصخرونه
وتم الكلام إللي بنيته على أوت =وباقي لنا بيت وابي تسمعونه
لا صار تالي العمر للطين والحوت =ياجب على الرجال ذكره يصونه
أخوكم الشاعر / حمد بن ناصر أبو ظهير