مساجله السديري و عبدالله سلوم

[محمد بن مسفر بن جليد]

ـاقــي مـــن الـذكــرى رســــوم لــلاطــلال
هــــوج الــريــاح الـعـاتـيــة مـــــا مـحـتـهــا
اظـنــهــا تـبــقــى عــلـــى مـــــر الاجــيـــال
تــفــيــد عــــــن قـــــــدرة يـــديــــن بـنــتــهــا
ارض نـشــا فـيـهــا مــــن الـخـلــق نــــزال
وشخـص عشقتـه عـاش فــي ناحيتـهـا
ان غبت عنها شفت مـن ضيقـة البـال
مــــا يـلـحــق الـنــفــس الـعـلـيــة عـنـتـهــا
وان جيتـهـا عـقـب التبـاطـي والامـهــال
فـرجـلـي تـسـيـر الـيــن تـاصــل جـهـتـهـا
واقــف عليـهـا وارســل الـطـرف يـجـتـال
والـــرجـــل مـــاكـــن الـبـسـيـطــة تـحـتــهــا
تــمـــوج كــنـــي واقـــــف فــــــوق زلــــــزال
وعـيــنــي تــضــيــق بــعــبــرة حـابـسـتـهــا
اخــــاف يــــدري بــــي حــســود وعـــــذال
حـيــث الـعـيـون دمـوعـهـا هــــي لـغـتـهـا
يــا شـيـخ واقلـبـي علـيـه الصـبـر طـــال
وراحــــــت مــســراتـــه ســـريــــع فــوتــهـــا
يــا شـيـخ كـلـن قــدر مــا يحتـمـل شـــال
وانــــا حـمـولــي كــيــف نـفـســي قـوتــهــا
نفـسـي لـهـا عــن لـــذة الـعـيـش ســـلال
تـــتـــوق لاخـــبــــار الــقــديـــم وسـنــتــهــا
ولا الــغـــرام بـعـشـقـتــي طـــقـــه الـــجـــال
واصــبـــح جــنـــازه والـسـنـيــن اقـبـرتــهــا
ولاعـاد لـي ملحـوظ فــي الــواو والــدال
فـلـت يــدي صـفـحـة والاخـــرى طـوتـهـا
واصبحت من عقب المخاطر والاهوال
اجـــنـــب الــحــيــة واعــــــاف شـجــرتــهــا
يـــا مــيــر بـيـنــت الـسـبــب لــــك ولا زال
في النفـس حاجـة وانكفـت مـا قضتهـا
يـا ميـر شخـصٍ يـاصـل الحـبـل بحـبـال
وشــخــصٍ يــســره يــــوم يـقـطــع بـتـتـهـا
وانـــت الـعـديـم مـعــرب الــجــد والــخــال
ونـفـســك مـراقــيــب الـشـهـامــة عـلـتـهــا
خـذهــا شـهــادة واحـــد مــــا بــعــد قــــال
كــلــمـــة نــــفــــاق يــرتـــجـــي مـنـفـعـتــهــا
والـنـاس يـابـو زيــد مــن كــل الاشـكــال
مـــن شـــاف عـثــرة عـاثــر مـــا غمـتـهـا
الا الـــــــذي مــالــلـــردا فـــيــــه مـــدخــــال
هــــذاك ابــــو نــفــس يـحــصــل بـخـتـهــا
وقـت مضـى لـه حـال والـيـوم لــه حــال
وارجــي مــن المـولـى حـسـن خاتمـتـهـا






رد السديري





لابـاس يـا لابــس مــن الــود سـربـال
يـالــلــي بـيــوتــك حـكـمــتــك فـاتـلـتـهــا
مثل الذهب ما ضعفت بيت ولا مـال
مــن الجـواهـر فـيـض عقـلـك نحتـهـا
ابيـات عـن شعـر لغيـرك بـهـا انـفـال
ابـــدعـــت بــأولــهــا وفــــــي تـالـيـتــهــا
ماجـور يـا شاكـي هـوا زيـن الاقبـال
الـجــادل الـلــي لـــك تـعــوج ارقـبـتـهـا
الـيـاس لا يبـعـدك يـــا ذرب الافـعــال
اتعـب قـدم رجلـك علـى مـا شتهتـهـا
الـرجـل سقـهـا بالـرجـا وطـلـب الـفـال
وسـعـدك بتـالـي خـطـوة قــد خطـتـهـا
وانــا مـعـك بـالـحـال والـــراي والـمــال
وارجي عسى المولـى يحـل شركتهـا
اقطـف زهـر مـالاق والعمـر باسمـال
والــحـــق هـــــوا روح لـــــروح بـغـتـهــا
عـب الهـوا عبـه علـى كــل الاحــوال
واخـلـص لـمـن بـالـود عيـنـك رجتـهـا
اشرب يابـن سلـوم مـن در الاهجـال
والـنــفــس وصـلــهــا لـــــدار دعــتــهــا
الـنـفــس روضــهــا والايـــــام بـاقــبــال
تـوذيـك كـــان ان الـهـمـوم سهجـتـهـا
وعـن الكـرا عينـي بهـا ذعـر وجفـال
وشــواطــن مــــن سـهــرهــا داعـبـتـهــا
شـواطــن مــــا بــيــن نــــازل ورحــــال
الـبــارحــه يـــــوم الــطـــواري حــدتــهــا
يــوم انـهـا شـافـت غريـبـات الامـثـال
ابــيــات مــــن نــظــم غــريــب قـرتــهــا
تـاهـت لنـجـم الـجـدي باللـيـل تخـتـال
وســبــع الـنـعـايــم كـنــهــا حـاضـنـتـهـا
العين هاجـت واصبـح القلـب يجتـال
وذكــــرت دار قــبــل رجــلــي وطـتـهــا
انـشـد وتلقـانـي مـــن الـحــب مـكـتـال
وعـيـنـي غـزيــرات الــدمــوع ذرفـتـهــا
يجذبني الهاجوس في راس ماطـال
وكــل هضـبـة رجــل العـنـا مشرفـتـهـا
وقلبـي بـحـرف الــواو والــدال مــازال
يـهــيــم بــريـــاض الــغـــرام وسـعـتــهــا
لــو كـنـت بـايــام شـديــد بـهــا الـــلال
الـنـفــس لــــذات الــهــوا مــــا نـسـتـهـا
عـسـى يسقيـهـا مـــن الـغـيـث هـمــال
مــن مـزنـة تـمـطـر والأخـــرى قفـتـهـا
شوف الزهور وريحها ينعش الحال
وكــم غـرسـة بـيـدي قطـفـت ثمـرتـهـا
لـلـريـم فـيـهـا يــابــن ســلــوم مــدهــال
وغـــــر الــمـــزون بـوبـلــهــا عـلـلـتـهــا
شاحـت لهـا عينـي وقلبـي لـهـا مــال
تـــــذكـــــرت خـــلانـــهــــا واعــرفــتـــهـــا
شـاحــت تـراعــي لـلـروابـي والاقـــذال
بــايــام طــــرد الـصـيــد يــامــا رقـتــهــا
بالقلـب ذكراهـا صبـغ صبـغـة الـخـال
فـــي خـــد عــــذرا خـلـقــة الله زهـتـهــا



وسلامتكم
والسموحه كان نسيت شي

[سفر بن مبارك]

صح الله لسانك ولسانه

بارك الله فيك وبيض الله وجهك ع الاختيار الموفق ,,,

[مقبل السحيمي]

اختيار موفق ورائع

لاهنت ياغالي