.. ! .. ( .. السمــّـع والطـاعـه .. ) .. ! ..

[سالم ابن سعران]

بسم الله الرحمن الرحيم

العيد عاد ودمع الاعياد بيفيض=ياعيد مانفرح بك اليوم لله
وشلون نفرح بك وابو متعب (ا)مريض=ليت المرض فينا ولافيه عله
طهور يا تاج النقاء كاتم الغيض=طهور يا من كلنا تحت ظله
ضيمك خذانا من دفاء الوقت للقيض=شعبك كساه الهم والدمع هله
سلامتك يا مروّض الصعب ترويض=يا سيفنا الي فالمواقف نسله
لا باس يا من شوفته صدق تهييض=للوقت يحكي به بصدق الادّله
بالمجد والنخوه وراياته البيض=وتاريخ الامه فالزمن شاهدٍ له
يا وقت لو تسمح لي بنص تحريض=بحرض الشعب السعـودي واقـله
دون الوطن والدين هبّو مراكيض=من دونها من مات يا عزة ٍ له
موتت شرف ما يلحقه اي تبغض=الصيت يبقى عز واجره على الله
والا غلا بو متعب يزيد ويفيض=يالغافل افطـن لي و حبه وقم له
بالسمع والطاعه مع صك تفويض=باسمه على باقي العمر حاضرٍ له
من باب حب وما نبي منه تعويض=ولجله نسوق ارواحنا فدوةٍ له
ياعيد تسلم فالمقابيل وتعيض=لامن كسا بو متعب الخير كله


وسلامتكم