يا حسني مبارك و زين العابدين

[مشاري بن بتال القحطاني]

السلام عليكم ورحمة الله وبركاته


اسعد الله اوقاتكم بكل خير


والعذر من الله ثم منكم على القطاعه واتمنى ان القصيده تشفع لي عندكم


صلوا على النبي ...



ياحسني مبارك و زين العابدين = سلطانكم للمقبره وقبورها
هذا مصير الحاكمين الظالمين = اللي طغت في ظلمها وبجورها
سنين تاكل في حقوق المسلمين = وتروح تبني بالحرام قصورها
وسنين واكثر شعبها مثل السجين = على آمل بكره تزين آمورها
مابين قل وبين فقر وبين دين = عاشت ومات احساسهاوشعورها
الناس مقهوره من الوضع المهين = ومن القهر قامت تفوح صدورها
ثارت قنابلها على روس الثنين = لين إنهدم ستر البلاد وسورها
تهاوت السلطه على المتسلطين = ربك كتب هالحين يلغي دورها
حكومةٍ ماهي على منهج ودين = ماتنصلح لو ينصلح دستورها
يارب هونها على المستضعفين = ياقادرٍ تجبر جميع كسورها
وانك تعين المومنين الصابرين = وترد كيد الشرذمه بنحورها
والا انت ياحسني وزين العابدين = سلطانكم للمقبره وقبورها

[محمد ابن حسين ابو حكام]

ارحب ياابن بتال والله يبيض وجهك
على القصيده الشامخه والله اني
استمتعت في قرائتها عدت مرات
ابدعت وعسى الله ينصر المظلوم

[أبو معتز]

لاهنت يا شاعرنا مشاري ومن واجب الشاعر طرق قضايا الامه وهمومها وانت تتحدث عن حدث مهم وطرحته باسلوبك واجدت في الطرح , تقبل تقديري

[مفلح السلاطين]

صح لسانك يابن بتال
والله يصلح حال المسلمين
ولالظالمين الاالظالمين
انتهى الوضع
ولن يستقر الحال بعد صدام في العراق ولابعد بن علي في تونس
ولا بعد مبارك في مصر والمقبل مقبل اليمن وليبيا والجزاير
وهذي سنة الحياه
لما جاء في السنه
عن الحكام الذين يحكمون في امتي حكم اجباري ثم يظهر السفياني من اولاد خالد بن يزيد بن معاويه وظهور المهدي فلا يعقل انه يظهر السفياني والاوضاع
في امن لازم يسير اضطرابات في البلاد العربيه في الحديث
الاعرج الكندي من المغرب وووالكثير جاء
واللي يبي يستفسر زياده يدخل في الجوجل ويبحث عن علامات ظهور المهدي

[صالح حسن الكيرعاني]

ماذا عساني ان اقول عن هذا النص


بإختصار اقول نص من العيار الثقيل ، اللذي لايكتب عنه الا العمالقه ، وانت منهم

[صبي بني مليك]

صح لسااانك ... ولسان قايلها والله قصيده كفووووووووو