ما هو مشبب جعل همه يدقه

[عبدالله مسعود الوهابي]

المدح والنوماس والطيب والكار
ما يكسبه يا كود من يستحقه
من ياصل القمة و ياقف بمقدار
في عالي القمة محلة و حقه
و من ينزل بعلمه و لا يوقد النار
ماهو مشبب جعل همه يدقه
نويت نيه و الله ان آخذ الثار
من هاجسي لاغاب والدرب عقه
و انا من اول رحلتي طايعن بار
ما فيه يوم اشرشحه يوم اعقه
يا هاجسي ماني بخابرك غدار
خابرك رجلن فيك عزه و رقه
و اليوم لك نية تبي تترك الدار
و الله ما ترحل دام فالروح نقه
هذا محلك داخل الجوف فالغار
احفظ محلك لين فيك اتفقه
انت الخوي لا روّح الصاحب و بار
و انت الخوي نعم الخوي المنقه
انت الرفيق اللي معك كشف الاسرار
و اللي غدا ضدك بسيفي اشقه




. . . . .




تحياتي اخوكم عبدالله مسعود مشبب ال جعثم الوهابي

[فهد الهباش]

صح لسان الشاعر

[ناصر آل جمان]

:1107953448: :1107953448: :1107953448: صح الله لسانك وننتظر جديدك

[عبدالله مسعود الوهابي]

صح بدن ابن هباش

[عبدالله مسعود الوهابي]

صح بدنك يا بن هباش