ثياب .. "بن نخي"

[ماجد الخليفي]

خام ثوب سعر المتر ٤٢٥٠ دينار كويتي

تقرير عن محل بن نخي للخامات الفاخرة الموجود بمجمع الصالحية عنده خام سعر المتر4250 د.ك

يعني اذا بتفصل ثوب تحتاج 3 متر أضربهم ب 4250 يطلع عليك الثوب 12 ألف و 750 دينار بس.

المحل عندهم خامات تحتوي على خيوط ذهب عيار 22 و خامات مخلوطه بالألماس والحرير وفي بعض الخامات مصنوعة من جلد حيوانات نادرة !!

مادري يمكن ديناصورات ؟

والي على قده حالة ترا عنده خامات 800 دينار للمتر و في 700 دينار وفي 300 دينار.

شوفوا التقرير ... اللبناني لقى من خفاف العقول يضحك عليهم ..

http://www.youtube.com/watch?v=vsR2symtVNI&feature=player_embedded


نفرض فصلت ثوب متره بـ 4000 دينآر كويتي

يعني تقريبآ يجي بالسعودي تقريبآ بـ 60 ألف ريآل

طبعآ المتر بـ 60 ألف ريآل .. طيب .. الثوب كم يجي .. نقول ثلاث امتآر .. يعني 180 ألف ريآل ..

طيب نفرض انك فصلت ثوبين مثلا .. يطلع لك بـ 360 ألف ريآل على ثوبين فقط ؟؟

طيب نفرض فصلت لعيالك ٢ صغار على ثوب ثوب وكل واحد يحتاج مترين يعني بـ 120 ألف ريآل ..

يعني الثنين بـ 240 ألأف ريآل ..

طيب ثوبك وأثياب عيالك = 600 ألف ريآل

لآتعليق .. 600 ألف ريآل تقدر تبني فيهآ بيت والله ... لا وبدون قرض بعد .

[عبدالرحمن المشجري]

طيب وين الفرق طال عمركـ؟؟

انا اخذ طاقه القماش فيها 7 ثياب مدري كم متر بالضبط من "سوق الصواريخ" مول سنتر بـ 150 ريال
وأفصل الثوب بـ 70 ريال
يعني يكلفني الثوب تقريبا 108 ريال وهذا بـ 180 ألف ريال

الله يرزقنا وإياك يا بوعصام والسامعين أأقصد القارئين :)

[ماجد الخليفي]

صباك عسل يا عبد الرحمن

شكلك تكشخ في التحلية ... طاقتك ب ١٥٠

[الظور]

يالين ياخذون ابن نخي واموله ويسلمونه الشيخ عبدالرحمن السميط

ثم يقوم الشيخ السميط باخذه هو وماله الى افريقيا يوزع المال على الجوعى ويكلف ابن نخي بالاشراف على مطابخ الجوعى وعمل الاكل لهم

تحيتي يابو عصام

[منصور العبدالله]

وش المشكله يابو عصام

انا مفصل العام عندهم سته ثياب

عادي يابو عصام


هههههههههههههههه


والله اربعة ثياب بقيمة بيت


شف ابوريان يفصل عند خياط


ثوب ب 100 ريال والثاني مجاني


وماشاء الله عليه


برنس في كشختة


شكرا اخوي ابو عصام


شيء واستخفاف بعقول هؤلاء


لاهنت يابو عصام


شكرا جزيلا يالغالي

[عوض العبيدي]

يا اخواان الفلوس بنقوول فيه شبعان فيده شلفة لكن وش حكم الذهب والفضة

والله هذا ااخر الزمان

[منصور العبدالله]

يا اخواان الفلوس بنقوول فيه شبعان فيده شلفة لكن وش حكم الذهب والفضة

والله هذا ااخر الزمان


ههههههههههههههههههه


اخوي عوض العبيدي


هذا اللي اشغلك ان الذهب حرام


تفصيل الثوب بكبرة حرام


وربي حتى لو كان شبعان


سيحاسب على هدر المال بهذا الشكل


وش رايك اخوي عوض نروح نفصل اثنين بالتقسيط


يسعد قلبك اخوي عوض العبيدي

[عوض العبيدي]

إذا بتحلف وتحاسب ما عندي مشكلة

بس بعد مانرجع من سوريا انا وأبو عصام

[منصور العبدالله]

وش عندكم في سوريا


خذوني معاكم


واحاسب على ثوبك


عاد ابو عصام كان بيننا خطط


بس كل ماقلت مشينا

قال نروح الكاميرون ومدري في افريقيا ونيجيريا


بس سوريا قدام

[عوض العبيدي]

ماا عندك مشاااكل

بس اخاف لا يوهقنا ويودينا

((ساحل العاج ))ههههههههههههههههه

[ماجد الخليفي]

لا تخافون ... لا ساحل العاج ولا افريقيا

موعدنا في باب توما ...

[ابن دغيّم]

الحمدالله انا ما عمري فصلت ثوب

كل ثيابي هدايا ( نصااااااااااب )

الا صدق يابو عصام وربي عندي رحله لليابان بعد كم شهر وابي فزعتك يالذيب

هناك

[آل معمر]

الله لا يربح البايع ولا الشاري

والله اللي يبيع ناقص عقل واللي يشتري أخس منه

[محمد بن مسفر بن جليد]

الله لآإيهينك وبيض الله وجهــك

موٍضوع جمـيل ...

تقبل مروري...

[ماجد الخليفي]

الا صدق يابو عصام وربي عندي رحله لليابان بعد كم شهر وابي فزعتك يالذيب

هناك



حياك ربي في اي وقت

انا في منطقة ناغانو تبعد عن طوكيو ٢٥٠ كيلو ... والمحل محلك

[العبدي]

النّاس كذا توجههم اليوم , وهذي حقيقة تُدرّس

بعيداً عن جودة القماش والتفصيل , يبقى ثوب

لكن " اسم إنّي شريت من المكان الفلاني بالمبلغ الفلاني " وهذي تتفشى لـ وجود الرفاهية عند الأغلبية


إلا بجد يا بو عصام تلبس دشداشة في اليابان ؟

[ماجد الخليفي]

النّاس كذا توجههم اليوم , وهذي حقيقة تُدرّس

بعيداً عن جودة القماش والتفصيل , يبقى ثوب

لكن " اسم إنّي شريت من المكان الفلاني بالمبلغ الفلاني " وهذي تتفشى لـ وجود الرفاهية عند الأغلبية


إلا بجد يا بو عصام تلبس دشداشة في اليابان ؟


لا والله يا العبدي ... لا في اليابان ولا في مملكة الانسانية ... الا بمناسبة