قصيده ضيدان بن قضعان رد على سلطان الهاجري

[حمد ال جميح]

القصـــيده عــن الطيــاره)



راكب اللي حسها تسمعه من كـل صـوب=مثل زلزال الرعد فـي المـزون المظلمـه

كنها يـوم استـدارت وضاقـن الـدروب=فرخ شيهانٍ على الطلع ينهـض مقدمـه

تلها جورج الخواجه وعرضهـا الهبـوب=وأعلنوا بإطفاء الزقايـر وربـط الأحزمـه

إسم كبتنها خواجة ماهـو بلبـاس ثـوب=أخذ من االفوتكا سك ومن الشـي عدمـه

من سلايل شايبٍ ما جمع غيـر الذنـوب=والديانة عكس الإسـلام ماهـي مسلمـه

مايعرف يقول هـذي شمـال وذي جنـوب=الدليلـة بوصلـة والحـروف مترجـمـه

واهني اللي علـي رحلتـه يلقـي ركـوب=إن رجع وألاتوفـى عسـى الله يرحمـه

إن نوى في مشرق الأرض وألا في الغروب=المهـم ينفـذ الـلازم الـلـي يلـزمـه

فاقدٍ لي شيـخ قـوم غالـي ومحسـوب=محزمٍ في الضيق يابعـز منهـو محزمـه

والجفا من بين الأصحاب عيب من العيوب=والصداقـة مـن بنـى بيتهـا مايهدمـه

والغلا والكره ما تسكـن إلا فـي القلـوب=بس مابـه قلـب فيـه الثنيـن مخيمـه

والرجل لاصار بيـت مـذرى ومحجـوب=استوى عنـد النشامـا وجـوده وعدمـه

أتحمل مزح الأصحـاب عذبيـن السلـوب=وأتخيـر وآكـل التمـر واطـش عجمـه

وأعرف الكذبة إليا جات من فـم الكـذوب=لاقعـد يرفـع لسانـه ويرخـي برطمـه

والطرب لامن جرفني مع اللحن الطـروب=أنسف البيت المدمدم علـى اللـي دمدمـه

واقفل الجوال عن راعي الغـوج الهـذوب=وأفصل التعميـم عـن بيجـري واعممـه

زلة الطيب مـا تجـرح متينيـن الجنـوب=عقب اللـي زلـةٍ مـن صحيبـه تفحمـه

ايه ياضيدان والنـاس حـارب ومحـروب=والأعـادي كـل واحـد بحبـره وقلـمـه

صـح لسـان شــاعرهـا:ســلطـان بـن وسـام الهـاجري


تحياتي:)...

[حمد ال جميح]

هذا رد بن قضعان عليه

راكب اللي كنها البرق في عرض النصوب=دايمٍ مسرى الليالي عليه معلمه
بكرةٍ كن خف يدها على الزور مغصوب=لا عقلها اللي عسيفه ماهي بمخزمه
وان تساوت واستعدت لها وصفٍ عجوب=كنها تدي القسم عند قاضي المحكمه
وان رفع ركابها الصوت باسلوبٍ عذوب=ازجلت ماكنها الا هنوفٍ محرمه
وكنها قشعٍ تزبر على صدر الجذوب=لاخذت في صحيح البيد سك ودرهمه
ما شريناها من السوق من جيز الجلوب=من سلايل جيش جدي ذلول مكرمه
تنحر اللي كل ماتبت عيا لا يتوب=صاحبٍ اغليه جدا واعزه واحشمه
صاحبٍ من لابةٍ ما يهابون الحروب=بني هاجر فخر الأمجاد كفو الملحمه
مثل ما تجمع شبابه عتيبه والحروب=بيننا حلف وعهود وعقود مبرمه
كان يا سلطان ناسيه واصياحك طنوب=مرحبا بك وانتبه والدروب ملغمه
والجفا من بين الاصحاب ياالصاحب ماهوب=عيب لاكن غيره العيب يااللي تفهمه
والصداقة كنز ماهيب تسمل سمل ثوب=وللصديق ان صار ما صار ما ذوق لحمه
وله علي ان حده الوقت في الشدات انوب=ولي عليه ان كَره صاحبه لا يظلمه
والرجل لا صار بيته حجر والسور طوب=ما عليه من المنافق ليا رز علمه
عادني من دون روحي ليا شبت شبوب=والا كم وكم دهاني رموزٍ مبهمه
وكم نواني من لصاحيب دجالٍ لعوب=يبي يأخذ خيرة ابلي وانا اخذت اغنمه
ومعرفة بعض الاصاحيب ذنب من الذنوب=علةٍ من علته أون يا مثقل دمه
وعلته ماهي بتنشاف بالميكروسكوب=ودك احياناً ليا طال صوته تكتمه
والرجل لا صار شيخٍ عزيزٍ ومحسوب=استوت زلات رجله وزلات اقدمه
إيه يا سلطان والناس غالب ومغلوب=والأعادي من تحاكى حثينا في فمه

[سفر بن مبارك]

بيض الله وجهك قصايد بما الذهب بارك الله في الجميع ,,,,

[عوض العبيدي]

اشهد بالله انهم الشعراء الكبار والابيات الجزلة

[سعد بن صالح البشري]

لا هنت يا حمد .. استمتعنا فعلاً يجزالة الشعر على الرغم من بعض الغموض الذي واكب القصيدة بين الشاعرين.

لا هنت مرة أخرى وسلمت يمينك يالقرم.

[حمد ال جميح]

بيض الله وجهك قصايد بما الذهب بارك الله في الجميع ,,,,
وجهك ابيض ولاهنت على مرورك الطيب

[حمد ال جميح]

اشهد بالله انهم الشعراء الكبار والابيات الجزلة
لاهنت

[حمد ال جميح]

لا هنت يا حمد .. استمتعنا فعلاً يجزالة الشعر على الرغم من بعض الغموض الذي واكب القصيدة بين الشاعرين.

لا هنت مرة أخرى وسلمت يمينك يالقرم. ارحب مليون ولاهنت على مرورك الطيب العطر