اللعب مفتوح

[ابن اللميع]

اعداد ماتبرق وترعد مرحبا باسم قحطان

ترحيبة ثنيتها واهديتها كل الحضور

اللي يبى يلعب معي يقدم ونعطيه الامان

ردية تبني لها فالوقت بيبان وقصور

[محمد بن سنحان]

ابك البقا واهل العلوم الطيبه تُعطى ضمان=ماني بشارهه شرهتي يم الذيابه و النمور
انا وصلتك وانشدك وين العرب يا ترجمان=البيت ما يبنى ولا يعمر على نصب القبور

[ابن اللميع]

اخلفتني وازعلتني وانته مكاسيبك سمــــان

ياطيب السمعه ترى الدنيا دبور في دبور


السوق حامي والفقارى من طمان في طمان

وليا شكينا قالو الشكوه لها جسر وعبور

[محمد بن سنحان]

ترى الزعل مرفوع والدنيا لها ظهر وبطان=مثل المطيه والمطيه مالها غير الجزور
لاترفع الطامن ولا تطرد ورا المقفي جبان=بعض النفوس الزايده توطى ولا توطى الصقور

[ابن اللميع]

العام كومنا الشعير واليوم لاحي يا ليحان


والحمله اللي فالبلد جابوها بريال وكسور


الله يعين اللي يعيشهم على عنز وظان


بيع حلاله وانحسر لابارك الله فالعسور

[محمد بن سنحان]

بنت الهلالي لو بدت ما عاد ترغب بالمكان=وانا على بنت الهلالي ياعرب قلبي غيور
نعطي ولا نمتن لاهلت مقابيس الزمان=والعلم يِعرف من مطاليعه وقلب العور عور

[ابن اللميع]

يا بن سنحان اذا رديت علي تطلع الصفحه عندي بيضا بدون كتابه الا اذا حطيت على اقتباس يظهر الرد تعرف السبب؟؟؟؟؟؟

[محمد بن سنحان]

لا والله ما اعرف السبب

[ابن اللميع]

بنت الهلالي لو بدت ما عاد ترغب بالمكان=وانا على بنت الهلالي ياعرب قلبي غيور
نعطي ولا نمتن لاهلت مقابيس الزمان=والعلم يِعرف من مطاليعه وقلب العور عور


مالومكم في حبها وانته تدور لك ضمان



والعين ماتعلى على الحاجب على مر العصور



الوقت مايرحم ولا ياوي عسانا مانهان




رحمتـك يارب عليم بخافية كل الامور

[محمد بن سنحان]

لا تلومني لو لمتني لا تنتظر لفتة عيان=لو يحلق الاصلع شعر لحيته ما يطلع شعور
الصقر اله مخلاب واجناحه يكسبه الرهان=وعند العرب ياهول فعله يوم له فعل(ن) جسور
والختام عندك

[ابن اللميع]

لا تلومني لو لمتني لا تنتظر لفتة عيان=لو يحلق الاصلع شعر لحيته ما يطلع شعور
الصقر اله مخلاب واجناحه يكسبه الرهان=وعند العرب ياهول فعله يوم له فعل(ن) جسور
والختام عندك


من خاطري كنيتها والجرح يبريه الزمان = والعافيه تاج عليانا واخرتنا للقبور

ابنصحك ياصاحبي والعشر ماترجع ثمان=صلاة ربي والسنن والصحبه اللي ماتبور

وسلامتك .........