سعيد بن مانع
18-01-2011, 07:20 PM
سلام عليكم
ومساكم مطر .. وخير .. وبركه ..
لا خير في جنبيه إبلا سلّه=لا زيّنت جنبٍ ولا حاميته
مثل الذي يفخر بإسم جدٍ له=وإسمه ردي وأفعاله مردّيته
من لاتعب للطيب مايحصل له=والمرجله ماهي خذاني جيته
ومن ياصلك صيته قبل تاصلّه؟=سلم على خشمه ليا فاييته
هذا دليلٍ يكفي الآدله=بأن المراجل كلها كاسيته
وانا وصلني صيت قمت ارضاّ له=من إحترامي له وانا ماريته
قالوا فخر قحطان قلت اي بالله=شيخٍ منابيع الفخر مرويته
حرٍ شهر في نايفات مطله=من طيب ذكره هاجسي عنّيته
كل المعاني جاتني مندلّه=مدامها تعني : علي بو سكيته
بعض العرب يرسم كروكي حله=وعساك عقب الخارطه دلّيته
والبعض يرسمها بريح الدله=هذي خريطة بو طلال لبيته
قصرٍ مثل رجمٍ يظلل ظله=راعيه ما أوصد دون ضيفه قيته
حجّانه بوجه العرب منفله=وهمومك تبدد ليا حاييته
اليا جلست بمجلسه بمحله=كودٍ ترى وإمقابلك ما أوحيته
من جبرة أركانه ومن كبرٍ له=ومن بُعد ناحيته الى ناحيته
يا وسع صدره عالخطاوي زلّه=وياصبر متكا صدره وموكيته
كن الضباب مغطيّنه كله=من عوده اللي من بُعد شمّيته
انشهد ان الجود فيه جبّله=ولحن المفاخر في علي غنّيته
الكفو من قاصي الديار آجله=وشلون إبن عمي ليا طريته
صلب أقحطان مجنبيّن الخله=عيال عودٍ عالمعالي صيته
مبردّة كبد الخوي من غله=ومدلهة قلبه عن التنهيته
ومصبّحة صدر العدو بالعله=وعلى الونين الجاير مّمسيته
ياشيخ جيتك والقبول من الله=والمدح في مثلك وجب تثبيته
كل الجزايل جاتني مندلّه=من طيب راسك .. يا علي بوسكيته
ومساكم مطر .. وخير .. وبركه ..
لا خير في جنبيه إبلا سلّه=لا زيّنت جنبٍ ولا حاميته
مثل الذي يفخر بإسم جدٍ له=وإسمه ردي وأفعاله مردّيته
من لاتعب للطيب مايحصل له=والمرجله ماهي خذاني جيته
ومن ياصلك صيته قبل تاصلّه؟=سلم على خشمه ليا فاييته
هذا دليلٍ يكفي الآدله=بأن المراجل كلها كاسيته
وانا وصلني صيت قمت ارضاّ له=من إحترامي له وانا ماريته
قالوا فخر قحطان قلت اي بالله=شيخٍ منابيع الفخر مرويته
حرٍ شهر في نايفات مطله=من طيب ذكره هاجسي عنّيته
كل المعاني جاتني مندلّه=مدامها تعني : علي بو سكيته
بعض العرب يرسم كروكي حله=وعساك عقب الخارطه دلّيته
والبعض يرسمها بريح الدله=هذي خريطة بو طلال لبيته
قصرٍ مثل رجمٍ يظلل ظله=راعيه ما أوصد دون ضيفه قيته
حجّانه بوجه العرب منفله=وهمومك تبدد ليا حاييته
اليا جلست بمجلسه بمحله=كودٍ ترى وإمقابلك ما أوحيته
من جبرة أركانه ومن كبرٍ له=ومن بُعد ناحيته الى ناحيته
يا وسع صدره عالخطاوي زلّه=وياصبر متكا صدره وموكيته
كن الضباب مغطيّنه كله=من عوده اللي من بُعد شمّيته
انشهد ان الجود فيه جبّله=ولحن المفاخر في علي غنّيته
الكفو من قاصي الديار آجله=وشلون إبن عمي ليا طريته
صلب أقحطان مجنبيّن الخله=عيال عودٍ عالمعالي صيته
مبردّة كبد الخوي من غله=ومدلهة قلبه عن التنهيته
ومصبّحة صدر العدو بالعله=وعلى الونين الجاير مّمسيته
ياشيخ جيتك والقبول من الله=والمدح في مثلك وجب تثبيته
كل الجزايل جاتني مندلّه=من طيب راسك .. يا علي بوسكيته