العيد

[ماجد المقبل]

العيد لاقابلت انا الزين بالعيد
=واخص لاجاني على المغربيه
الله لايبعده عن عيني بعيد
=ويالله تهبنا كل يوم سويه
لان الوصل بيزود الحب تزويد
=ولا الهجريدمر عيوني عليه
وش فايدة ذا العيد لاصار تنكيد
=والصبر ماني ياوليفي خويه
لاناحت طيور الخلا بالتغاريد
=اقول انا طير الخلا ياهنيه
وأذا تذكرت الغضي والمواعيد
=هلت عيوني والسبايب خفيه
ودي بها سنه وشرع وتوكيد
=واقضي معه ساعات لوهي شويه
ولا انت يالجوال قربك وش يفيد
=ان جيت ولا رحت عندي سويه

[فهد الهباش]

ولا انــت يالـجـوال قـربـك وش يـفـيـد
ان جـيـت ولا رحـــت عـنــدي سـويــه

الظاهر انهم دايم كذا وانا خووووووووووك
ماجد الوضع سوى سوى
مايمديها وانا خوك شرع ولا سنة ولا توكيد
اعذرني يو تاخرت
لكن ماخلى الجوال يتقفل الا مادل عليه معنى هذه القصيدة
اشوفك على الايميل عندي لك علووووووووووووم واجد
تحياتي يالغالي الله لا يفرقنا