المساعد الشخصي الرقمي

مشاهدة النسخة كاملة : يانجـــــد حبــــك باجــــد مهجتــــي بجـــــد


عامر الوهابي
08-01-2011, 04:08 PM
السلام عليكم ورحمة الله وبركاته

مساكم /صبحكم الله بالخير ..... قصيدة جميلة وأعجبتني

لأخي وصديقي الشاعر : هادي بن محسن بن جليغم
ويحن لـــ نـــجــــد العــذيــــــة :

يانجد والله إنك على البال يا نجد=أغيب عنك شهور وألا ليالي
عز الله إن قلبي تولع من الوجد=من كثر ماغنيت ياوجد حالي
جعل السحاب اللي رعوده لها رجد=ينثر عليك الماء جنوب وشمالي
أنا أشهد إنك منبع العز والمجد=لامرني طاريك يرتاح بالي
يانجد حبك باجد مهجتي بجد=إليا ذكرتك رحت أغني لحالي
بيني وبينك فرجة مشيها سجد=على فخامات الجيوب التوالي
اصبر علي يومين وأجيك يانجد=حبك قديم ومن سكن فيك غالي

علي بن مسفرالحبابي
08-01-2011, 05:15 PM
أنا أشهد إنك منبع العز والمجـد
لامرنـي طاريـك يرتـاح بالـي

الله الله الله

صح الله لسان ابن جليغم

قصيده وافيه وفي حبيبه تستاهل الحب نجد

لاهنت ياعامر وبيض الله وجهك

عرفت تختار يالنشمي

عامر الوهابي
08-01-2011, 06:07 PM
أنا أشهد إنك منبع العز والمجـد
لامرنـي طاريـك يرتـاح بالـي

الله الله الله

صح الله لسان ابن جليغم

قصيده وافيه وفي حبيبه تستاهل الحب نجد

لاهنت ياعامر وبيض الله وجهك

عرفت تختار يالنشمي



أرررحب يابو فيصل ووجهك أبيض

والله لايهينك على المرور

فهد الهباش
08-01-2011, 07:10 PM
بيض الله وجهك ياعامر وصح الله لسانك يابن جليغم

هادي محسن جليغم
08-01-2011, 07:36 PM
الف شكر يابوسعيد عامر الوهابي ولاهنت على ماقدمت
ارحب بطرحك واقدر اختيارك واتشرف بوجودك واتمتع باسلوبك الراقي
000000000000وارحب باخواني اصحاب المرور علي بن مسفر الحبابي وفهد الهباش والله لايهينهم على الردود واتشرف بهم قولا وفعل

حمد بن هادي
15-01-2011, 07:33 PM
يانجد حبك باجـد مهجتـي بجـد إليا ذكرتك رحت أغنـي لحالـي

روووعه وصح لسان ابن جليغم

ابو سلطان العبيدي
21-01-2011, 09:09 AM
الله الله

صح لسانك ولسان ابن جليغم

قصيده وافيه وفي حبيبه تستاهل الحب نجد

لاهنت ياعامر وبيض الله وجهك