المشاركه الأولى

[محمد بن ناصر السحيمي]

السلام عليكم ورحمة الله وبركاته



اقدم لكم مشاركتي واتمنى ان تصل الى سمو ذائقتكم

وهي رد على الشاعر محمد المشدق العتيبي:

يامرحبا واعداد ما لاعب الــــدوح

غربي يحركها شويه ...شويّه

برسالة ٍ تجتاح خافي الحشا جوح

من غالين عندي وله مقدريّه

عينه تعاف الخلق واتصدّ واتشوح


من قال له هذيك .. يقول ذيّه

حسبي على من سبّب لصدرك جروح

ولاحيت من فرقــــــاه للراعبيـه

ارتك يابو بندر وعنّز على صـــوح

وانا عـــزومي يارفيقي قويّه

ان كانها بالوجه والجاه والروح

كيّف عمس راسك من الشاذليّه

وان كانها فرقا وهدّانة صروح

مافي يدك حيلة ولا في يديّه

تلعب بنا الفرقا كما الموج واللوح

قيس الملوح فارق العامريّه

صدري من الفرقا مع صدرك ايفوح

بين الضلوع العوج مقلع طميه





وسلامتكم[/grade]

[فهد الهباش]

مشاركة جزلة من شاعر جزل..... صح لسانك ولاهنت.......وبالتأكيد ننتظر جديدك....أعجبتني هذه الابيات واضم صوتي لصوتك ايضا. فيها:

ان كانها بالوجه والجاه والروح=كيّف عمس راسك من الشاذليّه
وان كانها فرقا وهدّامة صروح=مافي يدك حيلة ولا في يديّه
تلعب بنا الفرقا كما الموج واللوح=قيس الملوح في هوى العامريّه
صدري من الفرقا مع صدرك ايفوح=بين الضلوع العوج مقلع طمية