رد على اخي الشاعر فهد الهباش

[سعيد الهباش]

رد على قصيدة اخي الشاعر فهد الهباش (الهلالية) رد متواضع اتمنى ان ينال اعجابكم ....قصيدة الشاعر فهد تجدونها على هذا الرابط
http://www.qahtaan.com/vb/showthread.php?t=63969


طلبناك يارب الملا عالم الخفى=ولا غيرك بنطلب لما حل نايبه
عظيم الرجا جل وعلا خالق البشر=يغفر لخطا عبده ويستر معايبه
الى الله نلجى ونتضرع ونلتجي=الهي من ظروف الليالي رجاي به
له الفضل سبحانه له الحمد والثنا=له الشكر ماهل المطر من سحايبه
بعدها هواجيس المعنى تواترت=هجوس تخلي ثومة القلب ذايبه
بعد وصلني مرسول درعي وساعدي=رزين الخطا اللي ماتثنى كسايبه
بعيد المدى كف الندى مهجة النظر=تنومس مواقيفه وتامن ربايبه
انا يافهد فيك اعتزي واقهر العدى=انا اخو الفهد فهد (ن)عطيب ضرايبه
هو المحزم المليان والصاحب الخوي=وهو خوي ليحل الزمان بنوايبه
قريت الرساله ثم هاضت مشاعري=بقاف على معنى والاهداف صايبه
الا يافهد لاتشكي الهم للزمن=زمان العجايب لاتهولك عجايبه
الا يافهد وقتك لعبك ولعبــبي =ولااحد على الدنيا بيسلم حرايبه
الا يافهد تعرف عدوك وصاحبك=ومن طابت اخلاقه بتكثر حبايبه
وانا عارف همك وجاهل بسبته=عسى الله لايغفر لمنهي سبايبه
عليك الصبر والصبر مايرث الندم=ولو تهت في بحر الزمان وغرايبه
وانا لك حزام في الشدايد وعزوه=رهين الاشاره منك والنفس طايبه
ولابنثني سقني على المر والحلا=مادام معي شيخ عزيز جنايبه
نهاية جوابي وانت ماتجهل القدى=رهين الاشاره منك والنفس طايبه

وشكرا للجميع

[مجاهد العابسي]

ونعم بكم يا الهباش بيض الله وجهيكم وصح السنتكم وماقصرتوا

[فهد الهباش]

شكــــــــــــــــــ("مــــــــــــــــــــــــ("القلبــــــــــ")ــــــــــــــــــن")ـــــــــــــــــــــــــــرا
صــــــــــــــــــــــــــــــــــــــــــــــــ( لســــــــــانكــــــــ)ــــــــــــــــــــــــــ ــــــــــــــــــــح

[فلاح آل راكان]

الله الله ..

جزل ياسعيد وردك وافي صح الله السانك والسان فهد مدد بلا عدد ..

سجل متابع لروائعكم..

خآلص / ودي

[ماجد المقبل]

شاعر متمكن ووشعر جزل واعجبني البيت اللي يقول
الا يافهد لاتشكي الهم للزمن
زمان العجايب لاتهولك عجايبه

تفبل مروري

[صالح حسن الكيرعاني]

الشاعر سعيد الهباش و الشاعر فهد الهباش


بيض الله وجيهكم بياض الشحم على هذه المساجلة الجزله


وصوت وصدى رائعين


وعجلو بجديدكم لا عدمتكم

[ابن سراع القحطاني]

صح لسانك وابيض وجه

[محمد بن ناصر السحيمي]

هكذا تكتب القصائد



لاهنت وصح لسانك وصح لسان فهد



اطربتني لافظ فوك


طرق نادر تميزك فيه واضح

اجاده متقنه معجم ثري بالمفردات الجزيله


سجل اعجابي وتقبل مروري

[عامر الوهابي]

أرررحبوااا يالهباش

ونعم والله فيكم جميع

الشاعر سعيد الهباش و الشاعر فهد الهباش


بيض الله وجيهكم بياض الشحم على هذه المساجلة الجزله


وصوت وصدى رائعين

وكم أطرب إذا سمعت هذا الطرق

تقبل مروري...

[ناصر آل جمان]

ارحب ياخوي سعيد بيض الله وجهك

طله بهيه وقصيده هلاليه ذكرتني بروائع الخلاوي

[سعيد الهباش]

اشكر الجميع على مرورهم بيض الله وجيه الجميع