محمد بن حامد بن مايقه
02-01-2011, 08:08 PM
السلام عليكم ورحمة الله وبركاته
البارحه كنيتها بيـن الاضـلاع=والعين مما صار باتـت سهيـره
يقطعك ياللي للرجاجيـل تبـاع=نفسه على الدنعات حثت مسيره
ضعيف جنب وللمناقيد مطـواع=وعلى دروب الهون يشعب بعيره
يتبع هوى نفسه ولاهوب فـزاع=عند المواقيف الصعاب الكبيـره
جعله فدا اللي حزة الهوش قطاع=غيث الفقارى واليدين القصيـره
غيث اللذي قلبه من الوقت مرتاع=لا ضاق به وقته وشاف العسيره
شليتها بالصوت في وافي البـاع=وذكرت طيب القرم في كل ديـره
يالله لا تسفه عديميـن الاطبـاع=اهل المكـارم طيبيـن السريـره
وياماحلا سج الفكر وقت ذعـذاع=يطيب لي بـدع الشعر واتعبيـره
وفي سالف الامثال قولن لهم ذاع=الهرج يكفي صامله عن كثيـره
وسلامتكم
البارحه كنيتها بيـن الاضـلاع=والعين مما صار باتـت سهيـره
يقطعك ياللي للرجاجيـل تبـاع=نفسه على الدنعات حثت مسيره
ضعيف جنب وللمناقيد مطـواع=وعلى دروب الهون يشعب بعيره
يتبع هوى نفسه ولاهوب فـزاع=عند المواقيف الصعاب الكبيـره
جعله فدا اللي حزة الهوش قطاع=غيث الفقارى واليدين القصيـره
غيث اللذي قلبه من الوقت مرتاع=لا ضاق به وقته وشاف العسيره
شليتها بالصوت في وافي البـاع=وذكرت طيب القرم في كل ديـره
يالله لا تسفه عديميـن الاطبـاع=اهل المكـارم طيبيـن السريـره
وياماحلا سج الفكر وقت ذعـذاع=يطيب لي بـدع الشعر واتعبيـره
وفي سالف الامثال قولن لهم ذاع=الهرج يكفي صامله عن كثيـره
وسلامتكم