سنام المجد

[فارس آل غراب]

رائعة (سنام المجد)
كلمات الشاعر الكبير : ناصر بن عوض المهداني
اداء المنشد المبدع : عبدالعزيز الرفيدي

http://www.youtube.com/watch?v=7yjPm0kl9Jw

بارق ٍ قـام يتكشـف وسـط نـوه
حقتـه عينـي وترجمتـه معانـي
شاعرٍ عندي على الجزلـه جـروه
والهزيلـه مـا يقربهـا لسـانـي
بيني وبين الشعر حلـف وعنـوه
مثل حلفٍ بيـن يامـي وإقحطانـي
فوق عشرين وعشر عشره وخـوه
ما مهنتـه مـع تقـلاب الزمانـي
احترم معناه واجهـد فـي سمـوه
ما هدمت بناه وإن ناديـت جانـي
ارتكـي للقـاف واهــودي وادوه
لين تكمـل فكرتـي وانـا مكانـي
وارتفع عن سقطة الجاهل وامـوه
لو عناني قلـت مـا كنـه عنانـي
وش علي من سقطتـه والا دنـوه
حد عرفـه شذبـة فـلان وفلانـي
تايـهٍ مغـرور يعجـز مـا يتـوه
توهـوه الـي وسيعيـن البطانـي
شغلته لما استوى المجلـس تفـوه
يهمز ويلمـز عريبيـن المجانـي
وإنكشف عن وجهه قنـاعٍ مشـوه
مـا وراه الا الضغينـه مضغنانـي
لولـه والثانيـه مـا كـف سـوه
ابتـلا نفسـه بنفسـه وابتلانـي
لا رفـق ولا نسـب ولا مــروه
مثل ما قال المثـل شفـرة يمانـي
يوم صكات الزمن ما شـب ضـوه
ضاريٍ ع الهون راضيٍ بالهوانـي
اتحاشاء بعـض الاشيـاء وأتئـوه
في طرفه رجال في حسبة خوانـي
كان ماهـون فأنـا خلفـه وتـوه
انبري بسيـوف صلـبٍ هندوانـي
دون من يوم العرب ضعفٍ وقـوه
مثل راس طويق مزبن كـل جانـي
حن سنام المجد حن عالـي علـوه
حن مقابيس الوغا يـوم الوحانـي
حفنا في الجهل معلن عـن جلـوه
في طرف نجران له منـزال ثانـي
اما انا فإني انـا وان جيـت نـوه
يكفي ان جدي الوحش واني مهداني