المساعد الشخصي الرقمي

مشاهدة النسخة كاملة : يمه


القحطاني علي
02-11-2004, 07:22 PM
بسم الله الرحمن الرحيم
السلام عليكم ورحمة الله وبركاته
سلام يارجال


من قصايد ---- الشاعر: ناصر القحطاني


يمه اذنبت ونزحت من العشيره =

وان تمنو توبتي مانيب تايب

مابي لدنيا الغنادير اي سيره =

طايح من عام الاول في مصايب

يمه اللي حب له طفله صغيره =

ويش يسوي لاغدا فيها مصايب

طفلتن ماكانت بحبي جديره =

بس كانت غير عن كل الحبايب

كنت اسميها العنود المستذيره =

ليت اهلها العام سموها عجايب

كنت اجيها مثل الامطار الغزيره =

كنت اضيع بجوها مثل الهبايب

وادعي الله هي متى تصبح كبيره =

تفهم اشلون المكان يصير ذايب

ان تغنت تصبح الطرقه قصيره =

وان تغلت تصبح جروحي عطايب

صنتها مثل البحر لابعد جزيره =

ماتركت علومها لاهل الركايب

ديرة ماهي بها ماهيب ديره =

لو ثراها عشب واعلاها سحايب

يمه اتحبين طايلة الضفيره؟؟ =

ااااه والله ياعليها اشقر ذوايب

قالت ان جا الراس شايب فيه خيره =

قلة يابنت الحلال الراس شايب

قالت الا الحب وشهو وش مصيره =

قلت انا استاهل وانا كل السبايب

ماجزا اللي حب له طفله صغيره =

غير قبر و ضحكها فوقه نصايب


وسلامتكم

ابن شويه
03-11-2004, 12:05 AM
يمه اللي حب له طفلـه صغيـره

ويش يسوي لاغدا فيهـا مصايـب

صدق شاعرنا ناصر وصح الله لسانه

علي احسنت الاختيار جعلني ماعدمك

اخوك / ابن شويه

خالد آل مطرف العاطفي
04-11-2004, 04:31 PM
صح لسان اللي قالها ..وعاش من نقلها ..

كنت اسميهـا العنـود المستذيـره =ليت اهلها العـام سموهـا عجايـب

كنت اجيها مثل الامطار الغزيـره =كنت اضيع بجوها مثـل الهبايـب

وادعي الله هي متى تصبح كبيره =تفهم اشلون المكان يصيـر ذايـب

لاهنت والله يالقحطاني علي ...وافي والله وافي .. على نقل مثل هذه الرائعه للرائع ناصر القحطاني
وبيض الله وجهك على الجهد الغير عادي ..ومشاركاتك في جميع المجالس ...

خوك
خالد