فيصل بن مهرس
26-12-2010, 08:13 PM
أقام مشايخ وأعيان قبيلة بني الحارث مساء الخميس الموافق 13/6/1431هـ
حفلاً لتكريم خريجي الكليات العسكرية من أبناء القبيلة بقاعة اليخت بالعاصمة الرياض
وقد حضر الحفل صاحب السمو الأمير متعب بن سعود آل سعود والشيخ بندر بن فهد الثنيان
وعدد كبير من مشايخ واعيان قبيلة بني الحارث
وقد تشرفت بإلقاء قصيدة ترحيبية بأسم قبائل بني الحارث بهذه المناسبة
ويشرفني أن أضع قصيدتي بين أيديكم في هذا المنتدى الراقي وأعذرونا على القصور
لا إله إلا الله المعبود علام الخفايا = نبتدي بإسم الإله ونرتجيه ونلتجي له
يالله ارحمنا وثبتنا ليا جينا عرايا = في مواقيف الحساب إليا لقى كل ٍ حصيله
لا أقترب ميزان عدلك وأرجفت كل البرايا = مالنا غيرك ملاذ ولا لنا دونك وسيله
في نهار ٍ تشخص الأبصار وتشيب الصبايا = والخليل اللي منول صافي ٍ ينسى خليله
والحظيظ اللي بغفرانك تعدته البلايا = وأنجته رحمتك وأمسى وسط جنات ٍ ظليله
يا جليل الملك مالي دون تدبيرك حجايا = في رجاك وفي ذراك ومالي بقدرتك حيله
ومن بعدها يا هجوسي هجرسي وأبني بنايا = هجرسي وأبني بنايا وأعتلي راس الطويله
هاتي القاف السمين وجنبي عني الهرايا = عادتي من راس جدي ما نجيب ألا الجزيله
وإن دعى داعي بن الحارث تعلينا المطايا = بالشداد وبالعتاد وبالزناد وبالفتيله
ما تغيّب عن عزاتي يوم نادوا بالحمايا = ولو وعدهم راسمينه من ورى بغداد أجيله
دون ربعي ما تعذرني المعاذير الملايا = حاضر ٍ في صف ربعي في الخفيفه والثقيله
وجعل راس ٍ ما يشوش وينتهض يوم المعايا =يعجل الله دفتنه حدر النصايب والنثيله
يا هبوب النود هبي من ورى عوج الحنايا = وأشعلي هاجوس بالي بالطواريق الجليله
مرحبا في حفلة ابن الحارث القوم الدهايا = الرياجيل الدهاه اللي يفيدون الجميله
مرحبا بأسماء بن الحارث مقابيس المنايا = درع جنبي لبس راسي مرويت حد الصقيله
الولد منا سوات الصقر في روس العلايا = حافظ ٍ سلم الجدود وضاري بكسب النفيله
وللضيوف إليا لفونا طيب وإكرام وتحايا = والشحم والكيف الأشقر مختلط بنه وهيله
وللخصيم أليا تحدانا وكثر في الخطايا = حد سيف ٍ ينزع الأكباد والعايل يزيله
يا وجودي يوم افكر في القدايم والروايا = يشهد التاريخ بالأفعال من جيل ٍ لجيله
كم سهجنا من مراح وكم وردنا من ركايا = وكم شعينا من قطيع وكم حربنا من قبيله
ربع ابن مهرس عقيد القوم زيزوم السرايا = مرهب الأعداء طويل الباع حماي الدبيله
وبن حريش اللي يعشي الطير والسحم الضرايا=وابن عاتق راعي الأمجاد تاريخه كفيله
وابن عايش مزبن المضيوم حلال اللوايا = وبن مريسي وبن هريس اللي فعايلهم جليله
وأبو علّيه وابن ختام أهل طيب وهقايا =وإن تعزوى بن غزال يضيّع الحجة قبيله
وآل خالد والخشارم ربعنا بعاد النهايا = يشهد بتاريخهم ترج وهضابه والمسيله
عزوتي نو ٍ تحدر من ثقيلات الرفايا = عزتي للي قعد في دقل سيله عزتيله
كم عقيد ٍ حولوبه يوم عجات السبايا = يوم دقلات الجموع أمست تناعيه الحليله
ودون سرفات البكار إلنا مفاعيل وهوايا = نردع الطامع ويرجع مغتشي وجهه فشيله
وإن لمع برق الحياء سقناله الوضح الخلايا = يرتع بهيباتنا ذود ٍ تواصيفه جميله
وفي جنبها خيل ورجال ٍ مداغيش ٍ فدايا = والرصاص اللي عظام الروس يودعها هليله
ولا نهضم حقوق خلق الله من كل النحايا = القبائل ما يهضم حقوقها كود الهضيله
كلبونا شعب واحد من بدو وألا قرايا = في ذرا الله ثم ذرا آل السعود أهل الفضيله
يا بروج العاصمة أرسي ولو هبت هبايا = أثبتي بالله وهيبات الملوك المستحيله
عاش أبو متعب صليب الراس حلال القضايا =المليك العادل المقدام حراب الرذيله
وأبو خالد مشبع الجيّاع رواي الظمايا = عضد أخوه ودرع جنبه في الملمات الجليله
يا عيال اللي خذا حكمه بسلات الصلايا = لأعتزى بنورة يروع قلوب فرسان الكحيله
الإمام مجري الهيّاب ممدوح السجايا = كبد داواها وكبد ٍ فوقها شب المليله
لين حتى تحت حكمه طاعت الروس الطغايا = يا عسى الفردوس منزاله ويشرب سلسبيله
والمراجل ما تهيا بالتمني والحكايا = كود من جرب وذاق الحالية والحنظليله
والسلام ختام وأصلي على سيد البرايا = عد ما هل الهلال ودن رعاد المخيله
فيصل بن زايد بن نايف بن شرار بن مهرس
حفلاً لتكريم خريجي الكليات العسكرية من أبناء القبيلة بقاعة اليخت بالعاصمة الرياض
وقد حضر الحفل صاحب السمو الأمير متعب بن سعود آل سعود والشيخ بندر بن فهد الثنيان
وعدد كبير من مشايخ واعيان قبيلة بني الحارث
وقد تشرفت بإلقاء قصيدة ترحيبية بأسم قبائل بني الحارث بهذه المناسبة
ويشرفني أن أضع قصيدتي بين أيديكم في هذا المنتدى الراقي وأعذرونا على القصور
لا إله إلا الله المعبود علام الخفايا = نبتدي بإسم الإله ونرتجيه ونلتجي له
يالله ارحمنا وثبتنا ليا جينا عرايا = في مواقيف الحساب إليا لقى كل ٍ حصيله
لا أقترب ميزان عدلك وأرجفت كل البرايا = مالنا غيرك ملاذ ولا لنا دونك وسيله
في نهار ٍ تشخص الأبصار وتشيب الصبايا = والخليل اللي منول صافي ٍ ينسى خليله
والحظيظ اللي بغفرانك تعدته البلايا = وأنجته رحمتك وأمسى وسط جنات ٍ ظليله
يا جليل الملك مالي دون تدبيرك حجايا = في رجاك وفي ذراك ومالي بقدرتك حيله
ومن بعدها يا هجوسي هجرسي وأبني بنايا = هجرسي وأبني بنايا وأعتلي راس الطويله
هاتي القاف السمين وجنبي عني الهرايا = عادتي من راس جدي ما نجيب ألا الجزيله
وإن دعى داعي بن الحارث تعلينا المطايا = بالشداد وبالعتاد وبالزناد وبالفتيله
ما تغيّب عن عزاتي يوم نادوا بالحمايا = ولو وعدهم راسمينه من ورى بغداد أجيله
دون ربعي ما تعذرني المعاذير الملايا = حاضر ٍ في صف ربعي في الخفيفه والثقيله
وجعل راس ٍ ما يشوش وينتهض يوم المعايا =يعجل الله دفتنه حدر النصايب والنثيله
يا هبوب النود هبي من ورى عوج الحنايا = وأشعلي هاجوس بالي بالطواريق الجليله
مرحبا في حفلة ابن الحارث القوم الدهايا = الرياجيل الدهاه اللي يفيدون الجميله
مرحبا بأسماء بن الحارث مقابيس المنايا = درع جنبي لبس راسي مرويت حد الصقيله
الولد منا سوات الصقر في روس العلايا = حافظ ٍ سلم الجدود وضاري بكسب النفيله
وللضيوف إليا لفونا طيب وإكرام وتحايا = والشحم والكيف الأشقر مختلط بنه وهيله
وللخصيم أليا تحدانا وكثر في الخطايا = حد سيف ٍ ينزع الأكباد والعايل يزيله
يا وجودي يوم افكر في القدايم والروايا = يشهد التاريخ بالأفعال من جيل ٍ لجيله
كم سهجنا من مراح وكم وردنا من ركايا = وكم شعينا من قطيع وكم حربنا من قبيله
ربع ابن مهرس عقيد القوم زيزوم السرايا = مرهب الأعداء طويل الباع حماي الدبيله
وبن حريش اللي يعشي الطير والسحم الضرايا=وابن عاتق راعي الأمجاد تاريخه كفيله
وابن عايش مزبن المضيوم حلال اللوايا = وبن مريسي وبن هريس اللي فعايلهم جليله
وأبو علّيه وابن ختام أهل طيب وهقايا =وإن تعزوى بن غزال يضيّع الحجة قبيله
وآل خالد والخشارم ربعنا بعاد النهايا = يشهد بتاريخهم ترج وهضابه والمسيله
عزوتي نو ٍ تحدر من ثقيلات الرفايا = عزتي للي قعد في دقل سيله عزتيله
كم عقيد ٍ حولوبه يوم عجات السبايا = يوم دقلات الجموع أمست تناعيه الحليله
ودون سرفات البكار إلنا مفاعيل وهوايا = نردع الطامع ويرجع مغتشي وجهه فشيله
وإن لمع برق الحياء سقناله الوضح الخلايا = يرتع بهيباتنا ذود ٍ تواصيفه جميله
وفي جنبها خيل ورجال ٍ مداغيش ٍ فدايا = والرصاص اللي عظام الروس يودعها هليله
ولا نهضم حقوق خلق الله من كل النحايا = القبائل ما يهضم حقوقها كود الهضيله
كلبونا شعب واحد من بدو وألا قرايا = في ذرا الله ثم ذرا آل السعود أهل الفضيله
يا بروج العاصمة أرسي ولو هبت هبايا = أثبتي بالله وهيبات الملوك المستحيله
عاش أبو متعب صليب الراس حلال القضايا =المليك العادل المقدام حراب الرذيله
وأبو خالد مشبع الجيّاع رواي الظمايا = عضد أخوه ودرع جنبه في الملمات الجليله
يا عيال اللي خذا حكمه بسلات الصلايا = لأعتزى بنورة يروع قلوب فرسان الكحيله
الإمام مجري الهيّاب ممدوح السجايا = كبد داواها وكبد ٍ فوقها شب المليله
لين حتى تحت حكمه طاعت الروس الطغايا = يا عسى الفردوس منزاله ويشرب سلسبيله
والمراجل ما تهيا بالتمني والحكايا = كود من جرب وذاق الحالية والحنظليله
والسلام ختام وأصلي على سيد البرايا = عد ما هل الهلال ودن رعاد المخيله
فيصل بن زايد بن نايف بن شرار بن مهرس