وارد فيـــــض صـــــدري

[هادي محسن جليغم]

بسم الله الرحمن الرحيم

أبيات ترحيبية في قدوم الشيخ : عبدالله بن محمد العذل اليامي

في ضيافة ال جليغم :


ياقصيدي ليا مني دعيتك تعال=لاتنكر على شاعرك عقب البطا
استوى نظم قافك يوم جاله مجال=وارد فيض صدري مثل ورد القطا
مايزين قصيدي غير نسج الخيال=في مجالس قصيد ماعليها غطا
عامره بالجلال اللي يعز الرجال=كل منهم على درب الجمايل خطا
مرحبا عد ماساقت مزون الخيال=مرحبا عد من قاد الفرس وامتطا
مرحبا بك يابو خالد عدد مايقال=من قصيد ترده لصواب اسلطا
ياالعذل كل بيت فيك مضرب مثال=انت روح القصيده يابحور العطا
ابلج تستحق المدح في كل حال=شامخ مثل حر مايرب الوطا
كاسب الثنا من يوم بقعا هلال=حي منهو على عزك وطيبك شطا
نادر فيك حكمة من يخفظ الجلال=لااحتمى العسر والوقت المشهب سطا
من سلايل هل الامجاد شم الجبال=واهل العز لاجا للحروب اقلطا
يام حماية التالي نهار القتال=يوم زاد الطحين وفوقه الما غطا
طيبكم يابو خالد مايبي له جدال =للمواقف زحول وللذليل احوطا
في كنفكم يعيش اللي حدته الليال=لانصاكم ومن كن ماوراه حبطا
يارفيق الملوك اهل الصخا والعدال=ماشي درب صفوه مامشوه بسطا
يقتدي بك رجال يكسبون الطوال=قول يرث فعل ماهو بقول عبطا
هاضني نوض برقك يوم روح شمال=عارض يبترم سيله على ماوطا
فالك العود الازرق والشحم والدلال=في ضيافة كريم مامشى في خطا
عند ابو تركي الوافي كريم السبال=حاسبين لكم ومثمنين الخطا
مرحبا عد ماساقت مزون الخيال=مرحبا عد من قاد الفرس وامتطا
هادي بن محسن بن هميجان ال جليغم .

[فهد الهباش]

تجعل لسانك مايتعلثم ياهادي......
شاعر جزل.....ونفتخر فيك.......
تقبل مروري المتواضع....

[علي بن شنان الحبابي]

ياقصيدي ليا مني دعيتك تعال=لاتنكر على شاعرك عقب البطا
استوى نظم قافك يوم جاله مجال=وارد فيض صدري مثل ورد القطا
مايزين قصيدي غير نسج الخيال=في مجالس قصيد ماعليها غطا
عامره بالجلال اللي يعز الرجال=كل منهم على درب الجمايل خطا

ــــــــــــــــــــــــــــ

ارحب يا ابومحسن تراحيب المطر

وافي ومجمل دايم وعلومك غانمة

وتعرف شهادتي فيك

ولا أقول إلا : " لله درك أيها الشاعر المبدع "

اللي يبا يقرأ البيوت الجـــزلة=يقرا قصيد ابن جلــــيغم هادي
أنا أشهد إنه ما يجيب الهزلة=وأنا أشهد إنه مثل نجم بادي

ودمت بخير وتقبل مروري

[هادي محسن جليغم]

مرحبا يافهد الهباش والله لايهينك على المرور

[هادي محسن جليغم]

مرحبا مليون يابو صالح ولاعليك زود يشرفني قراءتك القصيدة وتعليقاتك المهذبه باسلوبك الجم الاديب

[فهد بن محمد الزهيري]

بسم الله الرحمن الرحيم

أبيات ترحيبية في قدوم الشيخ : عبدالله بن محمد العذل اليامي

في ضيافة ال جليغم :


ياقصيدي ليا مني دعيتك تعال=لاتنكر على شاعرك عقب البطا
استوى نظم قافك يوم جاله مجال=وارد فيض صدري مثل ورد القطا
مايزين قصيدي غير نسج الخيال=في مجالس قصيد ماعليها غطا
عامره بالجلال اللي يعز الرجال=كل منهم على درب الجمايل خطا
مرحبا عد ماساقت مزون الخيال=مرحبا عد من قاد الفرس وامتطا
مرحبا بك يابو خالد عدد مايقال=من قصيد ترده لصواب اسلطا
ياالعذل كل بيت فيك مضرب مثال=انت روح القصيده يابحور العطا
ابلج تستحق المدح في كل حال=شامخ مثل حر مايرب الوطا
كاسب الثنا من يوم بقعا هلال=حي منهو على عزك وطيبك شطا
نادر فيك حكمة من يخفظ الجلال=لااحتمى العسر والوقت المشهب سطا
من سلايل هل الامجاد شم الجبال=واهل العز لاجا للحروب اقلطا
يام حماية التالي نهار القتال=يوم زاد الطحين وفوقه الما غطا
طيبكم يابو خالد مايبي له جدال =للمواقف زحول وللذليل احوطا
في كنفكم يعيش اللي حدته الليال=لانصاكم ومن كن ماوراه حبطا
يارفيق الملوك اهل الصخا والعدال=ماشي درب صفوه مامشوه بسطا
يقتدي بك رجال يكسبون الطوال=قول يرث فعل ماهو بقول عبطا
هاضني نوض برقك يوم روح شمال=عارض يبترم سيله على ماوطا
فالك العود الازرق والشحم والدلال=في ضيافة كريم مامشى في خطا
عند ابو تركي الوافي كريم السبال=حاسبين لكم ومثمنين الخطا
مرحبا عد ماساقت مزون الخيال=مرحبا عد من قاد الفرس وامتطا
هادي بن محسن بن هميجان ال جليغم .


ابو محسن
صح الله لسانك
مبدع بكل ما تحمله هذه الكلمه ، قصيده جزله ووافيه
الجزل ما يجيب الا الجزل
تقبل تحياتي واعجابي

[فيصل بن مهرس]

اررررحب يابو محسن وصح لسانك

كلامك ذرب وشعرك جزل ودايم مكمل ومجمل

لاهنت ولاهان غليك

[هادي محسن جليغم]

ارحبو كلكم فهد الزهيري و فيصل بن مهرس والله يعافيكم يشرفني مروركم وقراءتكم وردكم

[ابو سلطان العبيدي]

اررررررررحب ياوجه شداد

وصح الله لسانك

والله يبيض وجهك

تقبل مرور اخوك

[هادي محسن جليغم]

البقا البقا مليووووووووون يابو سلطان ولاهنت على المرور

[أبو عساف]

ارحب يابو محسن وصح لسانك وتفعل الطيب والعذل يستاهل

انت وافي وقصيدك وافي ودايم تنومس ربعك جعلك تسلم

وشهادتي فيك مجروحه ولكن أقول الشاعر هادي بن محسن القادم بقوه

فأنتظروه

تحياتي وتقديري

[ابو ساق اليامي]

صح الله لسانك والممدوح يستاهل ..

[حامد القريشي]

هادي محسن جليغم .. مبدع كعادتك صح لسانك وبيض الله وجهك على الابيات الجزلة .. تقبل مروري

[رائد الكيرعاني]

صح لسانك يابن هميجان وبيض الله وجهك



مثل ما امتعتنا يالوافي



إعجابي

[عامر الوهابي]

أرررحب يابو محسن تراحيب الحيا

أبو محسن شاعر جزل ووافي ومطنوخ ومافيه حيلة

وجعل يومي قبل يومك يابو محسن ....

[هادي محسن جليغم]

ارحب يابو عساف - ارحب يابو ساق اليامي- ارحب ياحامد القريشي-ارحب يارايد الكيرعاني -ارحب ياعامر الوهابي - الله يطول عماركم ويحفظكم ويرعاكم ولايخيب مسعاكم ويكثر شرواكم يشرفني مروركم ويسعدني حضوركم ويزودني اعجابكم عاشت ايامكم

[ناصر آل جمان]

تقبل مروري بكل تحيه وازكى الأحترام

قصيده جميله بك ما تحمله الكلمه من معنى--

واعتبر اشادتي بها كمن يهدي الصدف الى صاحب الدرر
شكرآ على الأبداع أبو زياد