علي بن شنان الحبابي
16-12-2010, 02:02 AM
السلام عليكم ورحمة الله وبركاته
وكل سنة وانتم طيبين
هذه مشاركتي في شاعرالعرب بدولة الكويت
في هذا الموسم الثالث وقد ارسلت لهم المشاركة
قبل الحضور على المسرح بيومين ولكني حصل عندي
ظرف صعب جدا جدا منعني من الحضور وأعتذرت منهم
نهائيا واتوقع البعض يدري بظروفي اللتي حصلت لي
وقدر الله وما شاء فعل والإنسان يرضى بما كتب الله.
ولا أقول إلا (حسبي الله ونعم الوكيل).
(( الشعر ديوان العرب))
الشعر له شان ومكان وساحة=قدحت زنده وأشتعل مصباحه
جينا نشارك في مقام" سامي=ماهوب مقصد تسلية وسياحة
منبر قصيد وصرح شعر" شامخ=بناه ابن دمخ وهواه إنجاحه
أعاد ذكر عكاظ وقت ماضي=والحاجز اللي في كل طريقه زاحه
هنا عيون الشعر ما هي تنضب=بأعذب ينابيع الفكر نضّاحه
وإبداع مسرح سينما غرناطة=جاوب بصوته مسرح المفتاحه
وسيف العرب رمز الأدب و شعاره=والسيف ما كسبه يجي بالراحة
نضفى على شعرالجزالة ثوبه=وفي حبكة إبداعه زهاه وشاحه
ميعادنا فارض الكويت الحرة=دار تعز الضيف والسواحة
دار تحت هيبة صباح الاحمد=حر تعلى النايفة ملواحه
واللي دخل فالسوق عنده سلعة=لابد يعرف سلعته وأرباحه
حنا على العد الروى ورّاده=و العدّ له شرّابه و ميّاحه
اللي ورد للعد يدلي دلوه=ودلوه يجب الماء لما إنّه ماحه
كل" من الفرسان يسرج خيله=و للمعركة لازم يسل سلاحه
كل يبي يرمي الهدف و يصيبه=لكن يبين اليوم زرق رماحه
وأنا بربي دايم" متوكّل=ونفسي على كسب العلا طمّاحه
أسرجت خيل الشعر في واجبها=و روّضتها لو إنّها جمّاحه
الشعر ناداني وأنا جاوبته=وزرعت له وسط الضماير واحة
ما زال ديوان العرب من ماضي=تراثنا اللي نفتخر بإيضاحه
ما يسكن إلا في ضمير الشاعر=وإن حرّكه هاجس تهبّ رياحه
نسايمه تنساب داخل صدري=أرق والطف من نسيم الباحة
بحر" غزير و فيه در" غالي=ما يقدر يغوصه سوى سباحه
سبحت فيه وغصت حتّى قاعه=لو يغرق الربان والملاحه
غصته وجبت الدر من غباته=واللي بذل جهده يبين كفاحه
يعبر عباب البحر مركب شعري=حتى لو أمواج البحر طفّاحه
كن المشاعر روضة ممطورة=زهورها عقب المطر فوّاحه
قطفت منها كل جزل" مثمر=وجاوبت صوت طيورها الصدّاحه
شرد المعاني من بنات أفكاري=و مشاعري بأبداعها بواحه
مشاعري صندوقها في صدري=ملكي وبيدي قفله ومفتاحه
عساني أجعل فالشعر لي بصمة=بإبداع شعر نستحق أمداحه
الله يجملني بهذا الموقف=وأجمل أهل الشعروأهل الساحة
وأجمل إخواني وأبوي وربعي=والدولة اللي للهدى نصاحه
في ظل أبومتعب ملكنا العادل=دون الوطن والشعب بان إصلاحه
أنا سعودي و الخليج أحبه=دار" عسى ربي يديم أفراحه
حنّا خليجين عز و هيبة=مجد تليد و راية وضاحه
الله يجمعنا و لا يفرقنا=على الوفاء و نفوسنا مرتاحه
أخوكم/ علي بن صالح بن عرفان آل شنان الحبابي
"الشاعرالطرقي"
وكل سنة وانتم طيبين
هذه مشاركتي في شاعرالعرب بدولة الكويت
في هذا الموسم الثالث وقد ارسلت لهم المشاركة
قبل الحضور على المسرح بيومين ولكني حصل عندي
ظرف صعب جدا جدا منعني من الحضور وأعتذرت منهم
نهائيا واتوقع البعض يدري بظروفي اللتي حصلت لي
وقدر الله وما شاء فعل والإنسان يرضى بما كتب الله.
ولا أقول إلا (حسبي الله ونعم الوكيل).
(( الشعر ديوان العرب))
الشعر له شان ومكان وساحة=قدحت زنده وأشتعل مصباحه
جينا نشارك في مقام" سامي=ماهوب مقصد تسلية وسياحة
منبر قصيد وصرح شعر" شامخ=بناه ابن دمخ وهواه إنجاحه
أعاد ذكر عكاظ وقت ماضي=والحاجز اللي في كل طريقه زاحه
هنا عيون الشعر ما هي تنضب=بأعذب ينابيع الفكر نضّاحه
وإبداع مسرح سينما غرناطة=جاوب بصوته مسرح المفتاحه
وسيف العرب رمز الأدب و شعاره=والسيف ما كسبه يجي بالراحة
نضفى على شعرالجزالة ثوبه=وفي حبكة إبداعه زهاه وشاحه
ميعادنا فارض الكويت الحرة=دار تعز الضيف والسواحة
دار تحت هيبة صباح الاحمد=حر تعلى النايفة ملواحه
واللي دخل فالسوق عنده سلعة=لابد يعرف سلعته وأرباحه
حنا على العد الروى ورّاده=و العدّ له شرّابه و ميّاحه
اللي ورد للعد يدلي دلوه=ودلوه يجب الماء لما إنّه ماحه
كل" من الفرسان يسرج خيله=و للمعركة لازم يسل سلاحه
كل يبي يرمي الهدف و يصيبه=لكن يبين اليوم زرق رماحه
وأنا بربي دايم" متوكّل=ونفسي على كسب العلا طمّاحه
أسرجت خيل الشعر في واجبها=و روّضتها لو إنّها جمّاحه
الشعر ناداني وأنا جاوبته=وزرعت له وسط الضماير واحة
ما زال ديوان العرب من ماضي=تراثنا اللي نفتخر بإيضاحه
ما يسكن إلا في ضمير الشاعر=وإن حرّكه هاجس تهبّ رياحه
نسايمه تنساب داخل صدري=أرق والطف من نسيم الباحة
بحر" غزير و فيه در" غالي=ما يقدر يغوصه سوى سباحه
سبحت فيه وغصت حتّى قاعه=لو يغرق الربان والملاحه
غصته وجبت الدر من غباته=واللي بذل جهده يبين كفاحه
يعبر عباب البحر مركب شعري=حتى لو أمواج البحر طفّاحه
كن المشاعر روضة ممطورة=زهورها عقب المطر فوّاحه
قطفت منها كل جزل" مثمر=وجاوبت صوت طيورها الصدّاحه
شرد المعاني من بنات أفكاري=و مشاعري بأبداعها بواحه
مشاعري صندوقها في صدري=ملكي وبيدي قفله ومفتاحه
عساني أجعل فالشعر لي بصمة=بإبداع شعر نستحق أمداحه
الله يجملني بهذا الموقف=وأجمل أهل الشعروأهل الساحة
وأجمل إخواني وأبوي وربعي=والدولة اللي للهدى نصاحه
في ظل أبومتعب ملكنا العادل=دون الوطن والشعب بان إصلاحه
أنا سعودي و الخليج أحبه=دار" عسى ربي يديم أفراحه
حنّا خليجين عز و هيبة=مجد تليد و راية وضاحه
الله يجمعنا و لا يفرقنا=على الوفاء و نفوسنا مرتاحه
أخوكم/ علي بن صالح بن عرفان آل شنان الحبابي
"الشاعرالطرقي"