من قايل هذا البيت

[عايذ]

إن عشت ياراسي كسيتك عمامه ---------------- وإن مت ياراسي فدتك العمايم




من قايل هذا البيت واذا تعرف باقي القصيده اكتبها لاهنت


انا ماكتبت هذا البيت إلا لختلاف الناس قي قاليها

[ابراهيم آل بي حبيب الرفيدي]

قايل هذا البيت هو بن سرار احد شيوخ شهران

حاليا القصيدة غير موجوده عندي ولكن اعدك بالبحث

[عايذ]

الله يجزاك الخير ياجلحاب الرفيدي
وهذا إلي متوقعه إنها لاحد شيوخ شهران



ولا عليك امر وش مناسبت القصيده لاهنت

[النايب له ولد]

هذه القصيده لابن سرار من شيوخ قبيلة بني منبه شهران




ان عشت ياراسي كسيتك عمامه = وان مت ياراسي فدتك العمايم
ياراس شيبك ما بدا بك مذله = والشيب تكرم به كبار اللمايم
الاجواد يكرم شيبها في مشيبها =نقالة القالة محوص الصرايم
ياما نطحنا في الصبا من قبيله= يوم الصبا والكيف للرمح رايم
وياما خذينا تونا من كسابه= بسيوفنا راحت تقسم غنايم
وياما نسفناهم على جال وادي= وياما نحونا فوق سود الشكايم
اربعمائة خيال جونا مسيره= جونا يبون الغرس حلو الطعايم
وقالو يسار الغرس والايمينه= امس لكم واليوم جاء فيه سايم
وقلنا لهم من دونه الموت حامي = اليوم نهدي الروح نخشى اللوايم
وثنيتها لعيون غرس بكاير= يثمر بهيبتنا غصونه نعايم
واخذت اطاردهم وانا فوق قباء= مثل الهدود اللي عن العشب صايم
تلحق ليا غارت ولا يلحق بها= شقراء ولا ضريتها للهزايم
من يوم بان الفجر ليا اعتلا الضحى =وحنا نقلط للمسير عزايم
والله عطانا منصب الحظ والظفر= يوم التقت بين القروم الولايم
يوم اسلموا للمنع واسندت عنهم=لياهم كما عشب لفح به سمايم
هذا اسير وهذاك يومه دنا به =وهذاك مكسور وهذاك شايم
هذا زمان فات ما ينفع المنا= يوم اذكر الماضي تزيد العظايم
الراس شاب وثالثه رجلي العصاه =الله يوقض قلب من كان نايم
انا ابن سرار علومي قديمه= محي عسرها طيب الليالي القدايم
وانا في رجاء عمر وعمر وراء الشفاء =عساه اليا جانا ترد اللزايم
لعل قبل الموت نسمع بشيره= بجاه من يحي العظام الرمايم
لو ان غالي حبنا في بلادنا= غنيمه تحضى الغنا والغنايم
لكن غالي حبنا في لداده= سحيمسة قشراء وجات ابهايم
لولا لحاهم قلت ذولا من النساء= عيون الحبارى شافت الصقر حايم
وصلاه ربي عد ما ذعذع الهواء =على النبي واصحابه اهل الكرايم


وعندما وصلت القصيده الى ابنه عمرارسل له بالرد التالي




ياشيخ تعذر غايبك مثل ما غاب= والذنب ذنبك يوم تطلق ازمامه
ان كاني من نسكم يوم غلاب = بنيت بيتك في طويل العدامه
والصيت يرجع لك ولك فيه مظراب = صيت ابن سرار حسب ما يرامه
والله ان يمر القوم ما مر الاحزاب =لو صار من بين الفريق انقسامه
والبل ترجع لك على عد واحساب = ابل القصير للي عزيز مقامه
بيوم به الغران ياتون شياب= الا انهم يبغون درب السلامه
حلفت دينه فيه مانب كذاب = يا جارك انه يهتني في منامه
والبل وصرتها مع العقل تنجاب= اوكد من اللي قيم في صيامه
وانا لحوض الموت وارد وشراب = لعيون من وصا بقصة ابهامه
وترى الوعد ما بيننا ثجر واغراب = كلا على الموعد يشاور عمامه
وانا شويري سيف هند له انصاب = ورمح مزهينه بريش النعامه


منقول من منتديات شهران

[عايذ]

ما قصرت ياالنايب له ولد

[أبن مجمش]

عزالله انك ماقصرت يالنايب له ولد كفيت ووفيت بيض الله وجهك

[أبو صقر]

شكرا وبيض الله وجهك والحاضرين

[ابن شطفان]

الأخ النايب له ولد ...

بيض الله وجهك على ايراد القصيدتين و لا هنت ...

و فيه شاعر عندنا في الامارات قال له قصيدة و تضمنت قصيدته هذا البيت بدون أي تنويه ان البيت مهوب له و بدون ذكر اسم صاحب البيت ..



مشكورين جميع و لا هنتوا ...

[أبوحماد]

ماقصرتوا جميع

الأخ /النايب له ولد : فيه بيت نرجوا حذفه من المراقب ودقق في القصيده قبل إيرااادها!!!؟؟؟

شـاكر مجهودك يالغالي