نـاسٍ تنـام مدهـنـة فــي دهــن عــود=ونـاسٍ تـنـام مدهـنـة بـزيـت مـقـري

[رشيدالهديرس]

تعبـت اقـول لضيقتـي سهـود ومهـود=الـيـا مـتـى هالـعـذر بيـكـون عــذري

البـارحـة يــوم اكـثـر الـعـالـم رقـــود=عادت علـي اللـي تجـي منيـن مـدري

الضيـقـة الـلـي كــل مـاراحـت تـعـود=مكـانـهـا مـابـيـن قـلـبــي وصــــدري

نـاسٍ تنـام مدهـنـة فــي دهــن عــود=ونـاسٍ تـنـام مدهـنـة بـزيـت مـقـري

لاواهـنـي الـلـي حـلالـة مــن الـــذود=تسعيـن وضحـى كـل ماضـاق يسـري

يـســج مـعـهـا كـــل مـاهـبـت الـنــود=يتبع مسيـل السيـل فـي القـاع يجـري

ماهوب مثلي من اقرب الناس مجحود=الله يسـامـح مـــن طـعـنـي بـظـهـري

مـن راح ماكنـه علـى القـاع مـوجـود=مـايـدري انــه اول اسـبـاب كـســري

كـل ماطرالـي قلـت مــن قـلـت الـفـود=يالـيـت منـهـو راح مـاعــاد يـطــري

لـو تستحـي مـن فعلهـا ايامـي السـود=كان استحت مبطـي ولا طـال صبـري

قـدمـت بالـمـوجـود لـخـاطـر الـجــود=لـيـن التـفـت ولابـقـى شــي حـــدري

عطيت من عمـري ولا شفـت مـردود=يالـلأسـف للـنـاس ضيـعـت عـمــري

واذا افرحوا واجد علـى طيحـة العـود=هــذا دلـيـل انــه فـعـل شــي يـغــري

بوقـف لحالـي واتبـع الطيـب والـزود=اشـره علـي ان صغـر الوقـت كـبـري

مانـي علـى بعـض المخاليـق مـحـدود=امـــوت مـانـزَلـت لـلـنــاس قــــدري

[علي بن مسفرالحبابي]

رشيد الهديرس


صح الله لسانك علي هذا القصيده الجزاله التي تجبرني علي قرءتها مرات ومرات


وتشرفت ان اكون اول من عانق هذه الرائعه


لاهنت لاهنت يارشيد

[نايف راكان]

بيض الله وجهك يا رشيد وصح لسااااااانك على هذه الدره الجميله



مشكور

[فراس سعيد]

صــح لســانك

[ابراهيم آل بي حبيب الرفيدي]

قصيدة رائعه يارشيد


لاهنت يالغالي على المشاركة الطيبه

[جارف]

رشيد الهديرس يعطيك العافيه على القصيده وصح لسانك على قصيدتك الرائعه

تقبل تحياتي

[المناضل السليماني]

لا هنت يالهديرس وصح لسانك







.

[حمد بن هادي]

تسلم يمناك على هالقصيده ارائعه
ولا هنت يارشيد