المساعد الشخصي الرقمي

مشاهدة النسخة كاملة : محاوره قويه بين ضيدان بن قضعان وحبيب العاومي


سلطان العبيدي
23-10-2005, 04:19 AM
هذه من اقوى الحاورات بين الشاعر/حبيب العازمي والشاعر/ضيدان بن قضعان
ويبدا حبيب ويقول:
سلام رديه على بـــحر الــــــعرب000وانته يابن قضعان سباح البـــــحر
يما تجيب من البــحر دره ثميـــنه000والا تجيب من البحر وجبة عــــــشا
ارسلتلك مرسولنا حسب الطلب000لكن طال الوقت ماجــــانـــــا خبـــــر
واليا صبرنا يا معين الصابرين000ماصابر الا مايريد الــــلــــه واشـــــــا

رد ضيدان:
يامرحبا ترحيبة مثل الذهب000بالشاعر اللي صاير ضـــابــــط خــــــفر
والى سكن عين البراحه والقرين000يدري عن اللي ســـاكن دار الرشا
يالعازمي تبت يدين ابو لهب000لكـــــن لا يدريبــــــها زيــــد وعـــــمر
والارنب اللي مالها الا نصف عين000صارت نصيب الطرقي اللي ما مشا

حبيب:
ضيدان بن منصور مفتول الشنب000لكن لا يزعل على نــــــايـــف صقر
ماله طريق لا يسار ولا يمين000بين الضلوع اللي على وجــــه الحشـــا
الصمت حكمه والصحيح من الادب000ان احترام الرجل لثـــــاني فـــخر
وانا عطيتك فالبدايه كلمتين000وان قلت كررها ما اكـــــــررها حشا
ضيدان:
ياحبيب والموضوع مشروه وعتب000وانتبه تبي توليعها مــــوت حمر
لكن طعني لا تضر المسلمين000ياناصر الواشي ليا منـــــــــــــه وشا
الكلمتين اخفاف والمطلب وجيه000لو يستحي وجه الغنـــــاه من الفقر
واللي يدور فالحويه جغمتين000ماهوب لاقي لا محـــــــــال ولا رشـا
حبيب:
ترى الرضا يغلق شرايين الغضب000مثل السلامه تنزع جـــــذور الخطر
وبليس رايه يقسم الواحد ثنين000ويحرض الراشي على اللي ما ارتشا
فزعت بالمنشار ابا قص الخشب000واثر الخشب يابس وديكوره خضـر
يلي وردت العد وين العد وين000يمكن من السرعه على عينك غشـــا
ضيدان:
حاسبت ياحبيب بعد طاح الحطب000لو تعتذر ما عاد نقــــــــبلك عذر
لكن هذا فعل دورات السنين000يلي تصلون الفجر قبل العـــــــــــشا
ياللي تعجب ماعلى الدنيا عجب000لو ينشب المنشار فغصون الشجر
وان كان ما بقالك الا شجرتين000لعل يسقيها السحاب اللي نــــــشا

وسلامتكم

ولـد ام القبـايل
23-10-2005, 05:23 AM
لاهنت ياسلطان العبيدي وبيض الله وجهـــك اكثر من رائعه والله نحتري مثل ذا المشاركات الي تحمس وفيها تسلية من ارقى ما يجعلنا نغيب عن الوعي من كثر الحماس ونحن نسمعها وان بعض مايقال فيها شبيه بالحكمه لولا انها تثير العصبيه القبليه وياحلوهااا لو يرتقي فكر الشباب من جميع القبايل ويعلمون انها تواصل لموروث يجب ان نحافظ عليها فهو من يوقد بنا شرارة الحنين الى عادتنا وتقاليدنا المستمده من الدين الحنيف تحت راية التوحيد وفي طاعة ولاة امورنا جزاهم الله عنا خير الجزاء ومن فكر بعكس هذا اقوله((والله لو ياتي علم(ن) غير ذا العلم ان يبكون على ذا الأمن والراحه والسلامه والإسلام اللهم لك الحمد والشكر ))

واريد ان اقول اني من اشد المعجبين بشعر حبيب ومحاوراته وطريقة تحايله على خصمه وحمدت الله اني سمعت من احرج خبرته اي حبيب وهو صاحب خبره وصاحب لسان وفصاحه وشاعر مطلع ومتعلم ولكن بيض الله وجه بن قرقااااح ولبيييه يالسيف الصارم انا اشهد انه صارم الخبره وجامع الحكمه وعلى الناقمين نقمه مع احترامي وتقديري لحبيب العازمي.

سوري فديتك طلعت عن مسار الموضوع ولكن ماحبيت اتعدى إلا ماقدرت اتعدى الجبال الزحل ولا احد بيقدر يتعدى القرقاح ومشاءالله عليه والله يحفظه ويحفظ له حكمته ودينه التي هي عصمة امره وياليل العنا عليكم ياشعار القلطه مادام قرقاااااح قحطـــان وفــــلاح قحطان بالساحه الله يطول بعمره وجعله ياخذ من اعمار كل اقحطان وتزاد له يارب.

تقبل تحياتي والشكر موصول جعلني فداك

ولــ ام القبـايل ــد

الساطور
12-11-2005, 07:41 PM
شكرا على هذي المشاركة والله يعطيك العافيه