المساعد الشخصي الرقمي

مشاهدة النسخة كاملة : الله يسامح غلاك ويلعن الحاجه...محمد بن فطيس


ابو سعيد الجماني
25-11-2010, 08:33 PM
صبــآح|مساء الخيـر

قصيده الشآعر/ محمـد بن فطيـس المري
.
.
.
.


غيبتك لو هي دقيقـه تعتبـر صـدّه
الوقت دونك سجن وغيابك اسياجـه

لا تعتذر لي ترى ماعـاد فـي شـدّه
اعيد حكي ٍ يكود الصـدر مخراجـه

دامه يوصف بجـود ابيـك وبجـدّه
وشلون تبخل على المجـروح بعلاجـه؟

ووشلون قاوااك قلبـك رده وصـدّه
مع انه بيّن عليـه الضعـف والحاجـه

ياقـو قلبـك بـرد ايميـنـك وردّه
بخلت بمصافحـه وارهيـت بحراجـه

لو ماسقى غيم عينه جرهـدي خـدّه
تـراه يبكـي وقلبـه يلحـق اخلاجـه

ولو شفته يمازحك تـراه مـن جـدّه
الضحك عن درب ضيق الصدر ماعاجه

غير الغلا والولـه عليـك وش حـدّه؟
يـادرب ليلـه ويامسـراه وسراجـه

كنّه يعرفك قبل يلقـاك مـن مـدّه
مع ان مابينـك ومـا بينـه امواجـه

هواك بـدو ٍ نـووا للقلـب بالشـدّه
ورياض قلبي لشوف البـدو محتاجـه

والوصل..بحر ٍ متى انت بتسمح ابمدّه
السيف صبري وبحرك شـح بامواجـه

قصيدي اللي قريتـه واللـي اعـدّه
قديـم لا يزعلـك معنـاه واخراجـه

وفراغ قلبي غلاك ارهى علـى سـدّه
ليتك تشوف الغـلا وابراجـه وعاجـه

اقوى رياح العذل مـا تقـدر تهـدّه
والا الجفا لـو تنفـس هـدم ابراجـه

تغانـم الوصـل لـن البعـد لابــدّه
ياتيك في يوم ثم ياخـذك بادراجـه

اللي لي انك تليـن وتتـرك الشـدّه
واللي لك اني ما سولف بك لهراجـه

ولاني بزعلان واللـي نرتجـي مـدّه
يا بـاب قلبـي ويـا قفلـه ومزلاجـه

زعلة تغلي ومـن تزعلـه مـن قـدّه
ما دام كل ٍ يبـي دربـك ومنهاجـه

غالي وتبخـل علـي وتطّـول الصـدَه

الله يسامـح غـلاك ويلعـن الحـاجـه

!

صالح بن ناعمه
26-11-2010, 12:37 AM
صح لسانك ولسا ابن فطيس

فارس قحطان
26-11-2010, 03:14 PM
صح لسان بن فطيس


والله لا يهيينك على نقل القصيده يابوسلطان

ابراهيم آل بي حبيب الرفيدي
26-11-2010, 05:20 PM
لاهنت يالجماني على النقل الطيب

صح لسانك ولسان ابن فطيس

نايف راكان
03-12-2010, 06:31 PM
بيض الله وجهك ابوسعيد وصح لسان الشاعر ابن فطيس