سعيد آل فارع
25-11-2010, 05:22 PM
يابو سعد عندي سفر للمنامه=اذا سمحت ابغى ربوع ومعه سبت
انصى الكريم اللي يحب الكرامه =والخايب اعديه واقول له خبت
الامر في يدك وتملك زمامه =لا اعذرت غبت وكان مااعذرت ماغبت
اكل حلال الجهد مااكل حرامه=واذا دعاني داعي العز وجبت
ترى الموظف مايخلي دوامه= الا لا لحقه من ظروف الزمن كبت
الهم عاملني بجل اهتمامه=وكنه ينثرني بعد ماترتبت
واطوح اعقالي واطش العمامه=يوم اتذكر ماضي(ن) عنه ماتبت
اثر على طرفي وقذى منامه=هو ماتجنبني وانا ماتجنبت
لولا الهبوب اللي تسوق الغمامه=ماترجع الديره وماينبت النبت
شي(ن)نظامي مايخالف نظامه=شرقت له في كل ديره وغربت
اجيه من خلفه واجيه امن امامه=ولو دونه اطوال المسافات ماهبت
لي صاحب(ن) بيني وبينه علامه=لا جاتني منه على طول زهبت
اقارب الطيب وراعي الشهامه=ولا الردي لو يقترب ماتقربت
والمحترم يفرض علي احترامه=ومن قال لي ياطيب اقول له طبت
انصى الكريم اللي يحب الكرامه =والخايب اعديه واقول له خبت
الامر في يدك وتملك زمامه =لا اعذرت غبت وكان مااعذرت ماغبت
اكل حلال الجهد مااكل حرامه=واذا دعاني داعي العز وجبت
ترى الموظف مايخلي دوامه= الا لا لحقه من ظروف الزمن كبت
الهم عاملني بجل اهتمامه=وكنه ينثرني بعد ماترتبت
واطوح اعقالي واطش العمامه=يوم اتذكر ماضي(ن) عنه ماتبت
اثر على طرفي وقذى منامه=هو ماتجنبني وانا ماتجنبت
لولا الهبوب اللي تسوق الغمامه=ماترجع الديره وماينبت النبت
شي(ن)نظامي مايخالف نظامه=شرقت له في كل ديره وغربت
اجيه من خلفه واجيه امن امامه=ولو دونه اطوال المسافات ماهبت
لي صاحب(ن) بيني وبينه علامه=لا جاتني منه على طول زهبت
اقارب الطيب وراعي الشهامه=ولا الردي لو يقترب ماتقربت
والمحترم يفرض علي احترامه=ومن قال لي ياطيب اقول له طبت