ضيغم
25-11-2010, 02:43 AM
السلام عليكم ورحمة الله وبركاااته
اما بعد ...
حبيت انقل لكم محاوره يحفظها والدي الشاعر شعيل الهاجري جرت بينه وبين
الشاعر الذي يكن له الوالد كل معزة واحترام الشاعر خليف بن دواس رحمه الله
ورحمة واااسعه واسكنه فسيح جناته
خليف
سلام الله سلامن فيه ماجينا ندور فلوس
على وضح النقا بسم الله الرحمن بسم الله
تهيض ياشعيل وجيب كلامن مثل حد الموس
ابو علم وخبر لعيون من له قذلتن هله
شعيل
ألا يا مرحبا ترحيبتن منها تعز الروس
طلع نور القمر واللعب توه صار في حله
تهرج يا خلف دواس والمعنى معي ملموس
وانا خابرك رجالن تعقد العقد وتحله
خليف
يدوم بك البقا نور القمر ماهو كما الفانوس
ابهرها لنا والنجر مثل مبرقع الدله
امريكا في زيادة جيشها معها خبر مدسوس
ولاهي مستعده للقتال الا من الدله
شعيل
قرينا خطكم ياخليف لو خطكم معكوس
وانا رجال واشوي القرص جوف النار والمله
وامريكا عارفينن علمها وعليمك المحسوس
لكن الغرب كله شركة في الدين والمله
خليف
عسى ينصرك ربي ماتروح والعلم منكوس
واخذ لك جايزه لنكان تقدر تنهب الحله
على وزن الدول مافيه دوله ما لها جاسوس
واثرك الصاحب اللي عارفن الارض محتله
شعيل
لقيت اللي يشيلون المدالي يطلبون الكوس
وانا يا خليف ماغير بجفير مالها سله
وانا بنشدك عن رجال دايم يحلب الجاموس
ادورون اللبن فيها وهو شرب اللبن كله
خليف
سليمان النبي ماسقط عصاه الا ضعيف السوس
لكن الجن ماهو عارف الروح منسله
دخيلك لا تولع بالحليب في غير ديوس
ورد العلم ورده عن مطير عيال عبدالله
شعيل
انا اجيب الخبر مير الخبر تحت الثرا مرموس
وانا من ناس يا دواس ما تصبر على الزله
وانا اظنك بعد حجام ومكلف تشيل ضروس
بعد ما جيت في فلة طبيب يبني الفله
خليف
انا دكتور مثلك لا لقيت الصاحب المضروس
اعرف اعالجه من سقم ضرسه واعرف ارطن له
وانا رجال مؤمن ما تعبدت لملة الهندوس
وربن ما خلقت لجنته ماني مصلن له
لها بقيه ولكن هذا ما يحفظه والدي واتمنى ان تحوز على اعجابكم
اما بعد ...
حبيت انقل لكم محاوره يحفظها والدي الشاعر شعيل الهاجري جرت بينه وبين
الشاعر الذي يكن له الوالد كل معزة واحترام الشاعر خليف بن دواس رحمه الله
ورحمة واااسعه واسكنه فسيح جناته
خليف
سلام الله سلامن فيه ماجينا ندور فلوس
على وضح النقا بسم الله الرحمن بسم الله
تهيض ياشعيل وجيب كلامن مثل حد الموس
ابو علم وخبر لعيون من له قذلتن هله
شعيل
ألا يا مرحبا ترحيبتن منها تعز الروس
طلع نور القمر واللعب توه صار في حله
تهرج يا خلف دواس والمعنى معي ملموس
وانا خابرك رجالن تعقد العقد وتحله
خليف
يدوم بك البقا نور القمر ماهو كما الفانوس
ابهرها لنا والنجر مثل مبرقع الدله
امريكا في زيادة جيشها معها خبر مدسوس
ولاهي مستعده للقتال الا من الدله
شعيل
قرينا خطكم ياخليف لو خطكم معكوس
وانا رجال واشوي القرص جوف النار والمله
وامريكا عارفينن علمها وعليمك المحسوس
لكن الغرب كله شركة في الدين والمله
خليف
عسى ينصرك ربي ماتروح والعلم منكوس
واخذ لك جايزه لنكان تقدر تنهب الحله
على وزن الدول مافيه دوله ما لها جاسوس
واثرك الصاحب اللي عارفن الارض محتله
شعيل
لقيت اللي يشيلون المدالي يطلبون الكوس
وانا يا خليف ماغير بجفير مالها سله
وانا بنشدك عن رجال دايم يحلب الجاموس
ادورون اللبن فيها وهو شرب اللبن كله
خليف
سليمان النبي ماسقط عصاه الا ضعيف السوس
لكن الجن ماهو عارف الروح منسله
دخيلك لا تولع بالحليب في غير ديوس
ورد العلم ورده عن مطير عيال عبدالله
شعيل
انا اجيب الخبر مير الخبر تحت الثرا مرموس
وانا من ناس يا دواس ما تصبر على الزله
وانا اظنك بعد حجام ومكلف تشيل ضروس
بعد ما جيت في فلة طبيب يبني الفله
خليف
انا دكتور مثلك لا لقيت الصاحب المضروس
اعرف اعالجه من سقم ضرسه واعرف ارطن له
وانا رجال مؤمن ما تعبدت لملة الهندوس
وربن ما خلقت لجنته ماني مصلن له
لها بقيه ولكن هذا ما يحفظه والدي واتمنى ان تحوز على اعجابكم