المساعد الشخصي الرقمي

مشاهدة النسخة كاملة : قصيده ((حثلان وعمير )) للشاعر حسين بن شتوي الحبابي


علي بن مسفرالحبابي
23-11-2010, 09:25 PM
قصيده جديده للشاعر / حسين بن شتوي الحبابي
بعنوان ((حثلان وعمير )) صوتيه وكتابيه




ياهل الملايين ياحثـلان وعميـر=ياسعد مـن تربطـه فيكـم علاقـه
ياللي جمعتـوا ملاييـن ومغاتيـر=وصيت ومكانه وناموس وطلاقـه
جمعتوا الوضح واطربتوا الجماهير=وشاف المشاهد بعد طول اشتياقـه
وضـح ماشبهتهـا الا بالغناديـر=ولاكما الموج لازاد اصتفاقه
في الجهل عربونها روس المناعير=واليوم عربونها شيك وبطاقه
ورجال الاعمال تلعب بالدنانير=وستين مليون نقطه الانطلاقه
العام هذا عن اعوام مضت غير=السوق غالي ول اللناس طاقه
والمشكله من هل البل والهوامير=واللي لما قيل سوق المال ساقه
من كثر ماله مايدري بالمخاسير=زود وتباهي مايشريها عشاقه
والعصرعصر انفتاح وعصر تطوير=بث فضائي ومورث وعراقه
والاعلام له جانب سلبـي وتاثيـر=من بعد ما كان شوف الابل شفاقه
وعند السنافي لماجوه المسايير=حليـب خلفاتها حلو مـذاقه
يقوله اللي سـرى ليلـه تفاكير=يدعي على الفقر ويـدور افراقه
موظف راتبه ياتيه تقطـير=والراس مرخيه لامواس الحلاقه
آجار وديـون واقسـاط وفواتيـر=انـا وهي كلها ربع ورفاقه
قلته وانا مقتنع بالشـر والخير=ولاقلتها مـن حسد ولاحماقه
رزقي علي ربي اللي يرزق الطير=باب على الله فتحه وانغلاقه
ابغي قضاء الدين ياحثلان وعمير=وعندي تساوي لها لكزس وناقه



http://www.youtube.com/watch?v=mAKiJbajcV4

علي بن حيان
27-11-2010, 02:11 PM
ارحب يابو فيصل

صح لسان حسين وسسلمت يمينك

علي بن مسفرالحبابي
27-11-2010, 06:53 PM
ارحب يابو فيصل

صح لسان حسين وسسلمت يمينك


هلا وغلا ابوحيان ولاهنت علي المرور

حمد ال جميح
28-11-2010, 01:03 AM
لاهنت يابو مسفر وصح اللسان ابن شتوي

علي بن مسفرالحبابي
29-11-2010, 07:53 AM
لاهنت يابو مسفر وصح اللسان ابن شتوي
اخوي الغالي
لاهنت علي المرور

علي بن مسفرالحبابي
05-12-2010, 11:35 PM
يعطييييييييييييييييييييك العافيه جميعا

سعدالحبابي
11-12-2010, 12:21 AM
بيض الله وجهك يابوفيصل

وبيض الله وجه ابن شتوي

قصيده فوق الوصف وتحكي الواقع

الله يسدد ديننا ودين ابوفارس

عادل الشبلي
17-12-2010, 11:10 AM
صح الله لسان ابن شتوي

قصيده في محلها ولاهنت ياعلي

وحسين شاعر فوق الاشاده والاطراء

علي بن مسفرالحبابي
01-01-2011, 12:54 PM
بيض الله وجهك يابوفيصل

وبيض الله وجه ابن شتوي

قصيده فوق الوصف وتحكي الواقع

الله يسدد ديننا ودين ابوفارس
حياك الله اخي الغالي

انا سعيد بمرورك علي مشاركتي

دمت بكل الود

علي بن نملان
01-01-2011, 06:58 PM
بيض الله وجه الشاعر والناقل
والمعاناه وحده