المساعد الشخصي الرقمي

مشاهدة النسخة كاملة : سلام الله على ذيب السرايا ذيب بن هدلان


غانم بن هادي
21-10-2005, 06:52 PM
السلام عليكم

الشهر مبارك عليكم

هذه قصيدتها نظمتها بعدما طلب مني المشاركة
في كتاب الشيخ الفارس شالح بن هدلان

وأترككم مع القصيدة



يقــول الـضـيغــمي غانم بـدا بالقاف والألحان = يصـــوغه صــوغة الصايغ لتيجانٍ يسويها
يطـوّعهـا على الممشى ويازنـها على الميزان = ويرفعها مرافــــــيع السحـــابه في علاويها
ولا منّه بدا في عالي الضــلــعــان بـنـيـه زان = تونّس خاطــــره وألفـــت مـــواويله يغنيها
يعــدّلها كـمـا تعــديل رامـي صـــيد في خــدّان = يزيد جفــــال فـــرقٍ شافت المخباط حاديها
تلاويني هــواجيسي وألاويـها بعـض الأحــيان = وشــد الطـارد المطــرود شد القوس باريها
ويومه شاش قام وحاش ناقيها على استحسان = ويقطف من زمـــاليق الــورود اللي منقيها
خذا خصم الجواب وشـاقه المضمون والعنوان = ولا كل البـروق تشــوق للدعــوى محاميها
بعــد ما جــاني المرسـول هيضـني وأنا شفقان = نشـــارك في ثــنـا قـــــومٍ قديماتٍ حسانيها
مـادام القــول في شـالح وشـبله قاهـر العدوان = تعنزت بركــون الكـــــــون وأيقنـت بتعليها
اصارع ضيقة الفرقا وأعايش سـيرة الشجعان = تعـــدّا اللـوم خيـرة قـوم حاضرها بماضيها
زمـان فات فيه المـوت وطّى هــامة السلطـان = تفاهق قادة جيوشٍ خذلــها شـــور غازيها
بغى يكسب مديح بكـثر ما يغزي على العربان = يحوش من الغنــايم والخـلايق ما يراعيها
ولكن الليالي ما توافــق رغــــبة الإنســـــــان = توطــيه الليـــالي مــن عواليها لواطــيهـا
وســبتها ســلايل عــــود لازورٍ ولا بهتـــــان = تزود بفعــلها وانســابها تطلـــــق يمانيها
سـلام الله على ذيب الســرايا ذيب إبن هدلان = تنومســــنا فعــــوله بأول الدنيــــا وتاليها
عساه بجنة الفردوس ولاّ جنــــة الرضـــوان = عوضنا في فراقه شوفة أحفــاده وطاريها
وشالح في زمانه ركّب الشوكه على النيشان = بنى مجـــد ٍ يحير كاتب القصــــة وراويها
رحل يومه زعل سنّد وجندل فـــارس العتبان = لاجل جاره ومقدارة جاب الصفرا يلاحيها
قلعها ذيب راس الطــيب بأول غــزوةٍ له بان = طلع نجمــــه وغيّب باقي نجـــومٍ يباريها
وقـبـلـه الفديع مجــندل الفرســـان والشيخان = سليل المجد ما ردّه رمــد عينه وقـــاذيها
يبيع الروح في حوم الوغى ويشبّع السرحان = يساند شــــــالح ويدفع عن الحلة بلاويها
ألا يا مــال فرقــا العين والله زادت الأحـــزان = بعد روّح عقــيد القـــوم فارسها وحاميها
رحل شــالح بتاريــخ ومجـــده ثابت الأركـان = بنى بيت المعزّة والشجاعة ورث أهاليها
والا منّه قصد شــالح حفظـــنا بيته المـــليان = حلاة الشعر قول وفعل صدقٍ في معانيها
نماري به على الأجناب والعدوان والفرسان = وقـــومٍ تكسب النعمين كل النـاس تغليها
هــذا قــولي لمرســولي وقبله طلبة الرحمن = طــراة القـــول ذكر الله بدايتها ومنهيها
وصــلوا عـدّ ما غنّا الحمـام بعالي الأغصان = هذا صــدق الجواب وباقي الدنيا لواليها



غانم بن هادي

محمد بن مسفر القويفل
21-10-2005, 09:58 PM
][®][^][®][صح السانك يا أبو سعود مليون ولا يكفون ][®][^][®][


قصيده شامخه في فارس يستاهل المدح والثناء


من شاعر مبدع ومتمكن




عتبنا عليك يا ابو سعود قلت مشاركاتك الشعريه وانشالله انك بتسعدنا بمشاركات قريبه



القصيده ثريه بالمعاني ثرائك بالجزاله

توثيقيه بمخزونك المعرفي بتاريخ قحطان وفرسانهم وشعرائهم


وهي اظافه في تاريخك الشعري الزاخر بمشاركاتك الفعاله في دواوين قحطان والكتب المعنية بتاريخ قحطان


يعطيك العافيه على هالمجهووود الطيب والمشاركه الفعالة ولاهي بغريبة على (( أبو سعود ))





تقبل تحياتي


اخوك


محمد القويفل

محمد القويفل
21-10-2005, 11:14 PM
ابو سعود صح السانك

قصيدة رائعة من شاعر كبير


ولا تحرمنا من ابداعك وجديدك

السيف النادر
22-10-2005, 12:00 AM
صح لساااانك يا غانم .... وسلمت يمينك

يعجز اللسان عن اطراء ومدح هذه القصيدة الرائعة...

ويستاهل الشيخ شالح بن هدلان رحمه الله رحمة واسعة هو واخوه الفديع وابنه ذيب ومن مات من هذه العائلة الشامخة بأفعالها ....

أكرر شكري يا غانم .... وأتمنى منك التواصل المستمر معنا ....

اخوك

السيف النادر

الهـاجري
22-10-2005, 12:15 AM
يستاهلون ال هدلان

نوماس لقحطان

محمد بن جفين
22-10-2005, 05:27 AM
اخوي غانم
صح الله لسانك

حقيقه القصيده فوق الوصف

رائعه وجزله
بارك الله فيك

وانا اشهد انها كتبت في من يستاهلها

والله يرحم بن هدلان ويجعله في الجنه

الضياغم
22-10-2005, 11:35 PM
صح السانك يا الضيغمي
وبيض الله وجهك
مهما قيلت الاشعار في ال هدلان ما توفيهم حقها

سلطان العبيدي
23-10-2005, 02:23 AM
صح السانك يا ابو هادي

ومليون نعم في ال هدلان

فارس قحطان
27-10-2005, 08:46 AM
السلام عليكم ورحمة الله وبركاته

صح لسانك يابوسعود

دائم تعودنا بالجزاله
ولا خرج الا القصائد المميزه
انت شاعر تملك ألفاظ قويه مميزه
لله درك من شاعر

ومليووووون نعم في آل هدلان
يستاهلون المدح والطيب
من اول وتالي



.

طير حوران
07-11-2005, 01:57 PM
قصيدة رائعة من شاعر مبدع في شخصية بارزة و مشهوره يفخر به كل قحطاني

و شهادتي في ابو سعود مجروحة ونتطلع الى المزيد

النجم اللآمع
07-11-2005, 11:20 PM
انت يا ابو سعود جزل دايم

وآل هدلان يستاهلون الثناء والمدح من أول وهالحين.

غانم بن هادي
15-11-2005, 08:49 PM
أشكرك جزيل ألشكر 0 وألقادم أحلى

غانم بن هادي
15-11-2005, 08:54 PM
كان ألشكر ألسابق للاخ محمد ألقويفل

غانم بن هادي
15-11-2005, 09:05 PM
اشكر ألاخ ألقويفل نائب ألمراقب ألعام والى ألامام0