المساعد الشخصي الرقمي

مشاهدة النسخة كاملة : وين أنت يالشاعر ترى القلب سالي


فهد الهباش
15-11-2010, 10:00 PM
في ليلة(ن) ماهي بمثل الليالي=سلام يأهل الجود وأهل الشهامه
وين أنت يالشاعر ترى القلب سالي= أقلط مع الهبّاش وأفهم كلامه

صالح حسن الكيرعاني
15-11-2010, 10:33 PM
ليلتنا ليلة عيد يا ابن الرجالي *** ويامرحبا بعداد وبل الغمامه
عسى الفرح يتم لين الزوالي *** كم كلمةٍ مااتخلّف الاّ الندامه

فهد الهباش
15-11-2010, 10:52 PM
أهلاااا هلاااا بعداد صرف الريالي
بالشاعر اللّي مايلحّق ملامه
يوم الهبوب تهب شرق وشمالي
وين أنت ياشوق الهنوف وغرامه

صالح حسن الكيرعاني
15-11-2010, 11:23 PM
بك البقا عدد سهوم النبالي *** يا شاعرٍ فرض علي احترامه
وانا ما اقدم حتى يجي لي مجالي *** لكن من دون امطامرات وغشامه

فهد الهباش
15-11-2010, 11:33 PM
هات الجواب ان كان جاك السؤالي@@@@لا هي بلك ولا بليّ الرخامه
البرق يبرق غير زال المخالي@@@@@@ياللي على بالك تريد الزعامه

فهد الهباش
15-11-2010, 11:35 PM
يالله ياصالح تصبح على خير ..".لنا تكملة طبعا....لكن انت عارف بكرة عيد وتعاويد والشيبان ماهم مخلينا نرقد....اشوفك بكرة يالغالي وصح الله لسانك...

صالح حسن الكيرعاني
15-11-2010, 11:46 PM
كم واحدٍ يبني بيوتٍ ثقالي *** ولا يلقى حدن يقدر كلامه
ترى البشر ما اتشوف كود الميالي *** حتى السمحات ماتشوف السلامه

فهد الهباش
16-11-2010, 08:46 AM
يامعربن من بين جدّن وخالي **** كلن بفنّه ينكتبله علامه

ان كان ذا مالك فأنا راس مالي *** يريّح القلب الحزين بمنامه

فهد الهباش
16-11-2010, 08:48 AM
تصبح على خيرِ

صالح حسن الكيرعاني
16-11-2010, 12:44 PM
لاكن ترى ماحفّزك للنّزالي *** واتبيّح المكنون مثل الحمامه
الاّ من اجل امسمّى راع الجزالي *** ولاّ التفات اللي على الخد شامه

فهد الهباش
16-11-2010, 06:10 PM
عزالله ان ماني لهرجك مبالي *** بقابلك ياصاحبي بابتسامه

لبّيه لو أنّك يا صالح قبالي **** بالملعب اللي نلتزم بالتزامه

صالح حسن الكيرعاني
16-11-2010, 11:28 PM
حنّا نبي تقفيل هذا الجدالي *** قبل المساء يضفي علينا ظلامه
ولابد من يومٍ نعيد الوصالي *** وترى رقيب الرجم شاهر حسامه


وفرصه سعيده يابو هباش

فهد الهباش
17-11-2010, 10:03 AM
أسعد الفرص والله يابوحسن....والله لايهينك...وصح لسانك...وبيض الله وجهك...والعذر والسموحة ان حصل تقصير.....تقبل تحياتي وأشواقي..

فلاح راكان العاطفي
17-11-2010, 10:41 AM
يعطيكم العافيه لاهنتوا

فهد الهباش
19-11-2010, 07:04 PM
ولا هان قايل ......يافلاح .....بيض الله وجهك.....بالنيابة عن اخوي صالح......

ناصر آل جمان
10-12-2010, 07:11 PM
كالمعتاد رائع ياباعجب في النظم والقلطة (ملك)
وانت ياصالح بيض الله وجهك ولاهنت....
مشكورين على الابداع الغير مستغرب

محمد بن مسفر بن جليد
12-12-2010, 01:26 PM
بيض الله وجيهكم على هلمساجله الجميله

فهد الهباش
12-12-2010, 01:58 PM
كالمعتاد رائع ياباعجب في النظم والقلطة (ملك)
وانت ياصالح بيض الله وجهك ولاهنت....
مشكورين على الابداع الغير مستغرب
ارحب يابو زياد تراحيب المطر...
لاهنت يالغالي ...على المرور المثالي....
اصالة عن نفسي ونيابة عن صالح...
صح بدنك....ووفقك الله لما تيحبه ويرضاه...

فهد الهباش
12-12-2010, 02:00 PM
بيض الله وجيهكم على هلمساجله الجميله
ووجهك ابيض يابو مسفر...
مشكور على المرور الرائع...
ولا انسى حاجة....
بصراحة توقيعك يامحمد يدل على ذوقك الرائع...شكرا..

صالح حسن الكيرعاني
22-12-2010, 02:14 PM
فهد الهباش و فلاح راكان العاطفي و ناصر حسين آل جمان و محمد بن مسفر ابن جليد

بيض الله وجيهكم على مروركم وتعليقاتكم الذربه