المساعد الشخصي الرقمي

مشاهدة النسخة كاملة : مهوب كل ابن عم ينفع في وقت الشده


أل لحي السحيمي
21-10-2005, 03:00 AM
ياشباب انا بقول لكم قصتي مع ابن عمي لكن والله اني تعلمت حتى في وقت الشده محد ينفعك لاامك ولاابوك لكن اسمعو قصتي اول واحكمو مره من الايام في اخر الليل منسدح على فراشي والا اسمع جوالي يدق واطالع الجوال الاهو ولد عمي وانا قلت اكيد فيه بلى ورديت يوم رديت الا يقول لي تكفى الحقني انا انصدمت قلت وش فيك قال انا صادم ومنحاش وموتري مايمشي قلت اهم شى انت سالم قال ايه سالم قلت خلاص بجيك بس وصف لي المحل اللي انت فيه الحين ووصف لي واروح له والله ولااشاره وقفت عندها واعينه واقف عند الموتر والموتر وجهيته رايحها قلت له والله مافي الا حل واحد نسحب الموتر بقنص ونوقفه بيتكم ونقول للشيبان انك صادم وانت واقف عند البيت ومشت السالفه يومين ودرو الشيبان وانا اللي كليتها لكن تحملت سب الشيبان ومره الايام وصلح الموتر وجاء يوم ودق علي ورديت قال انا مغرز وابيك تجيني قلت خلاص واجي واطلع موتره لكن طلع في الموتر ان الديتر يخر ولايقدر يمشي واجيب له سطحه ودخلته الورشه وجاء يوم من الايام وطلبته في شى صغير والله مايستاهل لكن يتصدد ولايعطيني وجه والله العظيم يالربع اني ماكذبت اخر مره قالها في وجهي ياخي ماابي اخدمك وانقهرت وقلت فيه كم بيت


كنه يتغصب لاظهر منه ترحيب = يظن كل الناس ترجى سلامه
مايدري ان بالوقت دوره دولايب=ماشئ في الدنيا يطول دوامه
ان مالفاه الموت ياتي له الشيب=امر مقدره الولي في نظامه
نهايه الانسان حفره من الغيب= اما شقى والا سعد في منامه
وبكره ينادي عند فك المطاليب =ويلقى الجزا الوافي بيوم القيامه
والمشكله انه ابن عمي مهوب غريب= لكن في ذا الزمن حتى ابن العم مايسوى القمامه

ابراهيم بن مريع
22-10-2005, 03:41 PM
الله يصلح حالنا وحالك


في الصدور ولا في القبور يامال الشحم .

فارس الشواطي
22-10-2005, 04:05 PM
مثل ما قال ابو مريع الله يصلح الحال

وأصابع يدك وأنا خوك ماهي بسوى والرجال لامن نوى ينخى رجال ولاّ يطلبه
فلا يبي له شان إلين ما يعرف وشنهو من لحيه

مروان
23-10-2005, 12:38 AM
السلام عليكم ورحمة الله وبركاته

عانك الله يا السحيمي

اصبر لابن عمك و ادمح زلاته فان الدنيا لا صكت عليك مالك بعد الله الا بني عمك الادنين

ملاحظه: البيت الأخير مقاسه غير و كنه ضاربه مدفع!

مروان

دحماني
25-10-2005, 10:58 PM
جمل الله حالك يالسحيمي وترى فزعتك لولد عمك مارا حت وتراا ثابته عند الله ،ولا تشيل هم وانا خوك لازم في كل عشره من عايله يطلع واحد منهم زكاه

كحيلان
29-10-2005, 07:35 AM
أرحب يالسحيمي

والله يعينك أن كانك صاااااادز وأنا أخووووووووووك



وأنشالله بيرجعللك وردله الحال وقله أبشر بالفزعه وذكره بالحال أن مافزعللك

وأنا أخووووك

مهدي بن مسفر الحبابي
31-10-2005, 07:30 PM
صح لسااااانك وبيض الله وجـهـك

سلمت ودمـــت



قصيده جزله ورايعه من شاعر جزل


انا اقول ان الاخو وابن العم ما يعوض مال وعند الشدايد ما ينفع المال ما ينفع اللى الرجال طال عمرك

انت وافي ووفيته وكفيت معه


وابن عمك أخطا ولكن عند الشدات ابشر به


لك وللجميع خالص تحياتي وتقديري