بين الشاعر / شايع بن صالح بن عمرة وبندر بن سعيد ال الجابر..

[ردعان]

حصلت على هذه الابيات وهي عبارة عن ردية من عدة مرادات بين الشاعرين


الكبيرين : شايع بن صالح بن عمرة ال الجابر الحبابي والشاعر/ بندر بن سعيد



الجابري..


يقول بندر/




يابن عمرة نظرة الحر معروفه= وأنت حر مزبنه روس الجبالي

الكفو جور الزمن يخلف شفوفه= والليالي بين مر وبين حالي

والردي جعله يروّح في ذلوفه= دام كفه من ندى المعروف خالي

ازبن بضلع ٍ طويلات ٍ طفوفه = لاترسّيها على جرف ٍ هيالي



وكان رد الشاعر شايع بن عمرة/



مرحبا بالخط واللي في حروفه= مرسله شيخ ٍ يورّدها الزلالي

الكفو ذا الوقت مازانت ظروفه=وقتنا اللي خيّب قروم الرجالي

ماعلى الانذال والدنيا حسوفه=وان بغينا ديرة ٍ ماحن نمالي

اعتنز والراس ثابت في كتوفه= فدوتك ياصاحبي حالي ومالي



وسلامتكم..

[سفر بن مبارك]

بارك الله فيك وفي الشعراء رائع ماأخترت ,,,

[فلاح آل راكان]

الله الله ..

صح الله السنتهم ولاهنت على النقل يا القرم ..

تقبل مروري ياكحيلآن ..