الوقت ياخالد (مجاراه للشاعر خالد الجروي )

[ناصر بن هذال ال شري]

يقول خالد الجروي
والموضوع بهذا الرابط :
http://www.qahtaan.com/vb/showthread.php?t=64272


يا سعود لا تكثر علـي المشاريـه=وأنا عن الشرهات نفسي حشيمه
هد الزمن يا أخوك ما كنت بانيـه=وشعيل قاود للرسـن والصريمـه
تعبت أراض الوقت الأقشر وأداريه=حتى غدا شوري بلا أيات قيمـه
حدتني الدنيا على شي مـا أبيـه=لين أصبحت الأمال عندي عقيمه
أسير في دربي وأنا أخايـل التيـه=وأدخل متاهات العصور القديمـه
يدعيني الماضي وألد النظـر فيـه=ينشد عن خصال" بقلبـي مقيمـه
أجاوبه وأزعلـه وأرد وأرضيـه=وأرصد بشتـان فكـري هزيمـه
هذا وأنا أللي معلن بهـا تحديـه=بأني عما عين النفـوس السقيمـه
لكن أشوف الوقت شانت تواليـه=يالله عسا باق العواقـب سليمـه
عز الرجال يسام ويبـاع بجنيـه=السوق حامي والضحيـه بهيمـه
وأللي شريته غيرك أن زاد يشريـه=بمساندات أقوال حـزب النميمـه
كل" يبي يعتاش والفقـر حاديـه=وعلى الردا يبني علاقـه حميمـه
صار الرجل ما عاد يستامن أخيـه=يمكن يدينـه بإرتكـاب الجريمـه
وتلقا الفقير الكلب ما أحد" يدانيه=لأنه فقير بـدون قيمـه وشيمـه
وأن كثر ماله قيل يا شيخ خاويـه=لا تضيع الفرصه تراهـا غنيمـه
رح قبل أيده وأنس فقره وماضيـه=يابوك ذا سيد الرجـال الفهيمـه
قل شيخته كسب" وذي شيخة أبيه=أللي نتبها من على شـداد ريمـه
جامله وأحرص يالسنافي تراضيـه=بيعارض الغشمان ناس" غشيمـه
يمكن تمد بكل مـا فـي مخابيـه=لأن الكرم طبع الشيوخ الحليمـه
وإما عطاك البيه فأسحب على البيه=و غيره تنق مـن البهايـم بهيمـه
هذي فقط نبذه عن إللي نقسايـه=يالله تثبتنـا بصـبـر وعزيـمـه


فقلت :


بعض القصيد العذب لاوحيت طاريه=كني غنمت من الغنايم غنيمه
يطرب لها سمعي وودي اجاريه= واجعل مع وسمه لنفسي وسيمه
الوقت ياخالد عسى الله يجازيه=ابحث خفاك وبين اللي كنينيه
واللي تعاني يابن عمي نعانيه=والله ..مابه نفس منه سليمه
هذا جرح قلبه وهذا يداويه=وهذاك يشكي من جروح ن اليمه
واضعف عزوم القرم واخلف هقاويه=الا من علوم ن وذكرى قديمه
تاريخ فخر ن سيف الامجاد بانيه =ويمنى على ماقيل يمنى ن كريمه
واكبر مصايب ذا الزمان وبلاويه = كل شي بالدنيا تحول لقيمه
وانتج لنا اشكال وانواع واوجيه = وشيوخ واجد منفعتهم عديمه
والواحد اللي ماتغير مباديه =دايم على مر الدهر مستقيمه
هذاك جعل الله على الخير يحييه = ومن كان مثله في حياة ن نعيمه

وسلامتكم

[فهد آل سلمان]

صح لساااااااااااانك صح لسااااااااااااااااااااانك

وبارك الله فيك .........

[فلاح آل راكان]

الله الله ..

مجاراه رائعه وجزله ..

وصحت السنتكم والله اني صادز ..

تقبلوا مروري ..

[خالد الجروي]

ارحب يا ناصر وصح الله لسانك والله يرحم شيبانك

ويشهد الله ان مجاراتك لقصيدتي تعني لي الكثير

وخذ ردها يالغالي

سعود يا ناصر تشره على اخيه=ولا درا باللي سكن في صميمه
واسندت له قافي وجاريتني فيه=بيبيوت شعر(ن) كنها وبل غيمه
قاسيت وقتي واثر غيري يقاسيه=كل(ن) من الدنيا جرع سم نيمه
اللاش جعل امه ضحا العيد تبكيه=اللي فعوله ما تعدت حريمه
شيخ(ن) يحسب ان شيخت الختم تكفيه=مثله لا منه كف ربعه جريمه
جعله افدا جاش المسما وراعيه=هذاك والله اللي ما يفرح خصيمه
شيخ(ن) لزومك قبل تاتيه يقضيه=انا اشهد ان به شيخ قيمه وشيمه
كم من سجين(ن) ضيقة الصدر تكويه=فكه لوجه الله عسا الله يديمه
وكم من يتيم(ن) ماتت امه وواليه=اضفا عليه بمد خطلاً كريمه
فما دام جاش ودام ابو ناصر(ن) فيه=فش لك وش لشيخ(ن) يدينه عقيمه

[ناصر بن هذال ال شري]

أرحبو جميع

والله ما ابي الا اللي يجوز لكم ويوسع خطركم .

خالد الجروي:
صح لسانك مره اخرى ودام ابداعك .

تحياتي

[مشاري بن بتال القحطاني]

ارررررحب ياناصر


الله يصح السانك على كل حال العذر من الله ثم منك


انا ياخوك جديد في عالم النت وقصيدتك ماهي موجوده عندي ولا تظهر


انا شفق على المجاراه وان تعرف وشلون اظهرها علمني الله يهيينك

[ذيب العبيدي]

صح اللسانك


ولاهنت


وافيه من وافي



تحياتي لك


العبيدي

[ناصر بن هذال ال شري]

البقا يا مشاري

انت ثاني واحد يقول القصيده ماطلعت.....عموما هذا الرد وشكرا :
بعض القصيد العذب لاوحيت طاريه
كني غنمت مـن الغنايـم غنيمـه
يطرب لها سمعـي وودي اجاريـه
واجعل مع وسمه لنفسـي وسيمـه
الوقت ياخالد عسـى الله يجازيـه
ابحث خفاك وبيـن اللـي كنينيـه
واللي تعاني يابـن عمـي نعانيـه
والله ..مابه نفـس منـه سليمـه
هـذا جـرح قلبـه وهـذا يداويـه
وهذاك يشكي من جروح ن اليمـه
واضعف عزوم القرم واخلف هقاويه
الا من علـوم ن وذكـرى قديمـه
تاريخ فخر ن سيف الامجاد بانيـه
ويمنى على ماقيل يمنى ن كريمـه
واكبر مصايب ذا الزمان وبلاويـه
كـل شـي بالدنيـا تحـول لقيمـه
وانتج لنا اشكال وانـواع واوجيـه
وشيوخ واجـد منفعتهـم عديمـه
والواحـد اللـي ماتغيـر مبـاديـه
دايم علـى مـر الدهـر مستقيمـه
هذاك جعل الله على الخيـر يحييـه
ومن كان مثله في حيـاة ن نعيمـه

[عامر الوهابي]

أررررررررحب يابن شري

وصح الله لسانك أنت وخالد الجروي وبيض الله وجيهكم

قصائد قمة وطرق جزل ولا عدمتكم

تقبل مروري......

[صالح حسن الكيرعاني]

حيه وحي ماجابه

وصح لسانك يابوهذال ولسان خالد الجروي

ونصوص استمتعت بقراءتها امرار

ولاهنتو