لا تخــاوي من على ابوه بـــــداك

[جباري]

اخواني الأعزاء اعضاء شبكة قحطان (مجلس عذب الكلام):
اضع بين يديكم هذه القصيدة وهي عباره عن خلاصة بعض تجارب الحياة للشاعر أحمد بن عبدالرحمن العريفي الحياة (نديم الحياة). وصلتني على الإيميل وحبيت أن أعرضها عليكم عليها تنال استحسانكم:

لا تفرح إن الوقـت أسعدك واعطاك = لابــد مـا ســود اللـــــــيالي تبكيـــك

دنــــــيا تقلـــب علــها مـــاتــولاك = تمسي عزيز وتصبح من الصعاليك

إلى اقبلت تخفي عيوبك عن اعداك = وإلى ادبرت تظهـر عيوبك لاهاليـك

اغنم من صروف الدهر كانه امداك = قبل اللحد عن ظاهر الارض يخفيك

وترى التشكي للمخاليق يشــــــنـاك = يحط من قدرك ويفـرح امــعــاديـك

وكـثر التـشره يجعـل الناس تجـفاك = ولا عــاد تلـقى بيـنهـم من يخـاويك

ولا تمادى في زعل من ترضــــاك = مادام جاء عاني على شأن يرضيك

ولا تخــاوي من على ابوه بـــــداك = هذاك وان طال الزمان يغدر فـيـــك

والـجـاهل احـذر لاتجـادلـه يـبلاك = في كـلـمة بين الـمخاليـق تعـمـيــك

والهرجه العوجى لو أنه تنصــــاك = حـاول تجـاهـلهـا وخــله تـعـديـــك

ولاتخـيـب هـقـوت اللي تـهـقـــواك = مادام جاء بين المخاليق ناصيـــــك

واحـذر تـهـزا يـافـتـى بخلق مولاك = تـشـوفـها باقـرب قـريـبٍ يوالـيـــك

ولاتفرح بزودٍ على الحق وان جاك = زودك ترى نقصٍ على حق ذوليـك

وخل القناعه ميزةٍ من مزايـــــــاك = مـع الـقـناعـه كــل شـيٍ يـكـفـيـــك

وان جت لك الدنيا على غير مشهاك = اصبر ترى بالصبر تدرك امانيـك

لا تأمـن الدنيــا تـرى الوقـت فتــاك = لجا القـدر كثـر الحـذر ما ينجيـــك


احمد بن عبدالرحمن العريفي
(نديم المجره)