فيصل بن مهرس
26-10-2010, 06:45 PM
السلام عليكم ورحمة الله وبركاته
أخواني الكرام أعضاء مجالس قحطان
إليكم هذه القصيدة التي تشرفت بإلقاءها في ملتقى شباب قبيلة قحطان بجامعة الملك سعود
الذي أقامة الشيخ علي بن مسعود ابو سكيته العبيدي القحطاني
وعوال الشايب يستاهلون العلم الغانم وهم أهل القالة والطالة
صلوا على النبي ,,
يالله يا علام غيب الليالي = يا فاتح ابواب ٍ ويا مغلق ابواب
ويا مرجع ٍ بالقاع عقب المحالي = من رايح ِ برقه سرى له تعقراب
ارجيك عفوك يا عظيم الجلالي = لأمسيت في قبري وحيد ٍ ومرتاب
واجعل لنا الجنة مقر ونوالي = وأنك تعدينا البلاوي والاسباب
واللي بعدها يا هجوسي تعالي = وهاتي من جزال التماثيل ما طاب
هاتي الجزيله واعتلي في الطوالي = وخلي الهزيله للهزيلين ملعاب
عاداتنا ما ناخذ ألا الجزالي = أليا نزل في السوق شاري وجلاب
طبع ٍ لأبوي وطبع جدي وخالي = نقلط على الجزلة بناب ٍ ومخلاب
ضياغم ٍ لا صك جال ٍ بجالي = أنسابنا تعرف على جد وكتاب
الاد شداد البحور الهوالي = من روس ابا الحارث مقابيس الاكراب
لفتني الدعوة وأنا شف بالي = عرف الرجال اهل المروة والاوجاب
خوة هل الناموس لي راس مالي = واعدها مكسب وهي خير مكساب
وألا الردي يا مال قصف المهالي = عسى الولي يقصف حياته وهو شاب
لا صار ماله فزة ٍ واحتمالي = وعن درب جدانه تجنب تجناب
وش ينبغى باللاش يا هملالي = حتيش لو انه من الربع الاقراب
واليوم مدح الطيبين استوالي = تقول يجذبني على المدح جذاب
سلام يا قحطان والحظ عالي = سلام ما ذعذع من النود هباب
سلام يا مروين حد السلالي = يا اهل الرجوله والبطوله والانساب
وأهل الشحم ومبهرات الدلالي = والعود الازرق والتحايا والاشباب
وأهل البيوت امزبنت كل جالي = اللي تبنى في العلا كنها هضاب
حي البيوت وحي هاك الرجالي = أهل القبول الزين واهل الترحاب
بني مضيم مفتلين الحبالي = روس ٍ تروس الروس ماهم بهياب
وفيهم جزيلات المدايح تقالي = غصب ٍ على حاسد وجاحد وكذاب
قحطان لا ركب الرشاء في المحالي = وجاء للجموع من الحميه تحزاب
والعج ثار وغادي ٍ له ظلالي = وطال النهار وفرعت كل خرعاب
وحمي الطراد وجالهن اجتوالي = وهذي مناحير ٍ وهذيك هراب
كم يتموا في دقلهم من عيالي = وكم شيبوا من واحد ٍ ما بعد شاب
ذباحة الملبس خلاف التوالي = إليا حصل في تالي الجيش ضبضاب
وأليا اعتلوا من فوق مثل الغزالي = قحص المهار مودبات ٍ توداب
واستجنبوا علط الرماح العوالي = وحدب السيوف اللي يقصن الارقاب
ترعابهم وضح البكار الغوالي = ترعى بهيبتهم زماليق الاعشاب
من الجنوب أليا حدود الشمالي = ويا ويل من جوه القحاطين حراب
قوم ٍ سوات مشمرخات الجبالي = ومن هازهم عود معيف ٍ ومنصاب
وإلهم على نجد العريض احتلالي = حامين حدانه من الباب للباب
عنوا سراياهم وساقوا الجمالي = واخذوه عقب مصافق اشناب باشناب
وصفاء جنابه عقب رد العمالي = ومعهم تعشى الطير والذيب ابو ناب
ومن جاء يبى يرعى بهاك المفالي = لابد ما يهدي لهم خيل وركاب
حقايق ٍ ماهيب زيف وهبالي = وعلم ٍ بليا ثبت وشهوله ايجاب
قحطان ساس المجد أول وتالي = وفيهم يليق المدح مع كل هنداب
من غير قاصر في جميع الرجالي = كل ٍ وله تاريخ مثبوت الاطناب
والحق يطلع مثل نور الهلالي = واللي يسب الناس ياعنك ما صاب
هذا منول في السنين الخوالي = يوم الجزيرة كلها حروب واحزاب
واليوم في ظل الملوك الهوالي = آل السعود مهدية روس الاصعاب
ملوكنا اللي يكسبون المعالي = عسى لهم في عروة الله مقضاب
أمن ورخاء والناس صاروا عزالي = ما عاد به بندق ولا فيه مشعاب
تمت وصلوا عد منشي الخيالي = على النبي سيد الصحابه والاعراب
فيصل بن زايد آل مهرس الشداّدي الحارثي
أخواني الكرام أعضاء مجالس قحطان
إليكم هذه القصيدة التي تشرفت بإلقاءها في ملتقى شباب قبيلة قحطان بجامعة الملك سعود
الذي أقامة الشيخ علي بن مسعود ابو سكيته العبيدي القحطاني
وعوال الشايب يستاهلون العلم الغانم وهم أهل القالة والطالة
صلوا على النبي ,,
يالله يا علام غيب الليالي = يا فاتح ابواب ٍ ويا مغلق ابواب
ويا مرجع ٍ بالقاع عقب المحالي = من رايح ِ برقه سرى له تعقراب
ارجيك عفوك يا عظيم الجلالي = لأمسيت في قبري وحيد ٍ ومرتاب
واجعل لنا الجنة مقر ونوالي = وأنك تعدينا البلاوي والاسباب
واللي بعدها يا هجوسي تعالي = وهاتي من جزال التماثيل ما طاب
هاتي الجزيله واعتلي في الطوالي = وخلي الهزيله للهزيلين ملعاب
عاداتنا ما ناخذ ألا الجزالي = أليا نزل في السوق شاري وجلاب
طبع ٍ لأبوي وطبع جدي وخالي = نقلط على الجزلة بناب ٍ ومخلاب
ضياغم ٍ لا صك جال ٍ بجالي = أنسابنا تعرف على جد وكتاب
الاد شداد البحور الهوالي = من روس ابا الحارث مقابيس الاكراب
لفتني الدعوة وأنا شف بالي = عرف الرجال اهل المروة والاوجاب
خوة هل الناموس لي راس مالي = واعدها مكسب وهي خير مكساب
وألا الردي يا مال قصف المهالي = عسى الولي يقصف حياته وهو شاب
لا صار ماله فزة ٍ واحتمالي = وعن درب جدانه تجنب تجناب
وش ينبغى باللاش يا هملالي = حتيش لو انه من الربع الاقراب
واليوم مدح الطيبين استوالي = تقول يجذبني على المدح جذاب
سلام يا قحطان والحظ عالي = سلام ما ذعذع من النود هباب
سلام يا مروين حد السلالي = يا اهل الرجوله والبطوله والانساب
وأهل الشحم ومبهرات الدلالي = والعود الازرق والتحايا والاشباب
وأهل البيوت امزبنت كل جالي = اللي تبنى في العلا كنها هضاب
حي البيوت وحي هاك الرجالي = أهل القبول الزين واهل الترحاب
بني مضيم مفتلين الحبالي = روس ٍ تروس الروس ماهم بهياب
وفيهم جزيلات المدايح تقالي = غصب ٍ على حاسد وجاحد وكذاب
قحطان لا ركب الرشاء في المحالي = وجاء للجموع من الحميه تحزاب
والعج ثار وغادي ٍ له ظلالي = وطال النهار وفرعت كل خرعاب
وحمي الطراد وجالهن اجتوالي = وهذي مناحير ٍ وهذيك هراب
كم يتموا في دقلهم من عيالي = وكم شيبوا من واحد ٍ ما بعد شاب
ذباحة الملبس خلاف التوالي = إليا حصل في تالي الجيش ضبضاب
وأليا اعتلوا من فوق مثل الغزالي = قحص المهار مودبات ٍ توداب
واستجنبوا علط الرماح العوالي = وحدب السيوف اللي يقصن الارقاب
ترعابهم وضح البكار الغوالي = ترعى بهيبتهم زماليق الاعشاب
من الجنوب أليا حدود الشمالي = ويا ويل من جوه القحاطين حراب
قوم ٍ سوات مشمرخات الجبالي = ومن هازهم عود معيف ٍ ومنصاب
وإلهم على نجد العريض احتلالي = حامين حدانه من الباب للباب
عنوا سراياهم وساقوا الجمالي = واخذوه عقب مصافق اشناب باشناب
وصفاء جنابه عقب رد العمالي = ومعهم تعشى الطير والذيب ابو ناب
ومن جاء يبى يرعى بهاك المفالي = لابد ما يهدي لهم خيل وركاب
حقايق ٍ ماهيب زيف وهبالي = وعلم ٍ بليا ثبت وشهوله ايجاب
قحطان ساس المجد أول وتالي = وفيهم يليق المدح مع كل هنداب
من غير قاصر في جميع الرجالي = كل ٍ وله تاريخ مثبوت الاطناب
والحق يطلع مثل نور الهلالي = واللي يسب الناس ياعنك ما صاب
هذا منول في السنين الخوالي = يوم الجزيرة كلها حروب واحزاب
واليوم في ظل الملوك الهوالي = آل السعود مهدية روس الاصعاب
ملوكنا اللي يكسبون المعالي = عسى لهم في عروة الله مقضاب
أمن ورخاء والناس صاروا عزالي = ما عاد به بندق ولا فيه مشعاب
تمت وصلوا عد منشي الخيالي = على النبي سيد الصحابه والاعراب
فيصل بن زايد آل مهرس الشداّدي الحارثي