الظور
26-10-2010, 04:40 PM
بسم الله الرحمن الرحيم
للطفره الحاليه تاثير في سلوكيات البعض وهي الشبعه نحمد الله عليها
ستكون مواضيعي قصص واقعيه دون ذكر اسماء
7
7
كنت في مجلس معزوم مدعوي في مدينه الرياض وكان معزبي عازم شيخ ربعه وهو شيخ على شيخ لكن المشكى على الله
ويوم وصل الشيخ ادخل السياره في الحوش الا يوم قاموا الربع كلهم وعدوا على السياره الي يفتح الباب والي يحب خشمه والي يحب يده على الرغم ان فيه منهو اكبر منه سناً بين المستقبلين
قلت في نفسي شيخهم ويقدرونه لكن الاستقبال يشبه الى حد بعيد الاستقبالات الرسميه ثم اتوا به واوقفوه في وجه المجلس ثم صفوا عليه البقيه سرى للتشرف بالسلام عليه ومواجرته
الحقيقه شانت علي السالفه ان رحت اسلم عليه فقد ارتضى لنفسه الكبر والعلو وساكون انا راس النفاق وان بقيت مكاني فهذا يحرج معزبي
لكن المعزب ماانتبه والله ستر
جلسنا ودارت القهوه والطيب شوي الا يوم تربع ولدت الحلال وجاب قصه يمجد فيها نفسه بانه هاجم احدى الرؤس الكبيره وهزمه ووبخه ولم يذكر لنا اسم هذا الخصم الجهبذ الذي كسر شوكته
قلت في نفسي ياحظهم الشيخ صار رامبو الله يستر لايهجمون به على قبيله ثانيه ويش بيصير
القيت نظره وتفحصت وجيه الحاضرين فرئيت النفاق الجم منقطر النظير اصبحت في مجلس من مجالس جهنم
قررت السكوت فلن ارتاح لسوالف هذه اولاها ومن شخص برتبه شيخ قبيله وبهذه السذاجه كذبه سدت مابين الفم والامعاء عرفتها لانه اخذ يتخبط في تفاصيلها كما يتخبط اجرب الابل في الوحل
تفحصت وجه هذا الشيخ فرئت ظلمت الفجور وعتمته تخرج من بين تجاعيد وجهه ثم ثبت نظري فيه في نظره مستمره لعله يقراء في ثناياها ماهكذا حديث الشيوخ رحمك الله
وبعد ساعه فهم المغزى من نظرتي له فلجا الى خطه لقم الفم تستحي العين فدعى احد الواقفين ثم همس في اذنه همسه لم يسمعها احد فقام المهموس في اذنه المحمول بقدميه
ثم
دار في الحوش شوي ثم اتى الي فقال
يقول الشيخ قاصر عليك شي عينك فيه طول اليل
فقلت
لا بس ودي يعطينا سالفه ثانيه مثل سالفته اول اليل
فقام وحوَم شوي وراح له وانا فكرت انه ماهو قايل له الي قلت لكن الرجال مخلص حتى في النفاق صبها في اذنه
شوي قام الشيخ ودعا المعزب وجاه المعزب وجلس قدامه ثم قام وانا صرفت نظري عنه ولم انظر اليه ثانيه
ويوم تشكرت لمعزبي قلت اشوف الشيخ يسولف لك ويؤشر ناحيتي قال ابد سئل عن اسمك
قلت الله يستر لايلحقني الراس الكبير الي يقول اول اليل ويحطني ملللللللح
7
7
7
هذه النعمه جعلت الناس تتخيل انهم يحطمون كل شي كما يحطمون ظهور الخراف
دمتم بخير
للطفره الحاليه تاثير في سلوكيات البعض وهي الشبعه نحمد الله عليها
ستكون مواضيعي قصص واقعيه دون ذكر اسماء
7
7
كنت في مجلس معزوم مدعوي في مدينه الرياض وكان معزبي عازم شيخ ربعه وهو شيخ على شيخ لكن المشكى على الله
ويوم وصل الشيخ ادخل السياره في الحوش الا يوم قاموا الربع كلهم وعدوا على السياره الي يفتح الباب والي يحب خشمه والي يحب يده على الرغم ان فيه منهو اكبر منه سناً بين المستقبلين
قلت في نفسي شيخهم ويقدرونه لكن الاستقبال يشبه الى حد بعيد الاستقبالات الرسميه ثم اتوا به واوقفوه في وجه المجلس ثم صفوا عليه البقيه سرى للتشرف بالسلام عليه ومواجرته
الحقيقه شانت علي السالفه ان رحت اسلم عليه فقد ارتضى لنفسه الكبر والعلو وساكون انا راس النفاق وان بقيت مكاني فهذا يحرج معزبي
لكن المعزب ماانتبه والله ستر
جلسنا ودارت القهوه والطيب شوي الا يوم تربع ولدت الحلال وجاب قصه يمجد فيها نفسه بانه هاجم احدى الرؤس الكبيره وهزمه ووبخه ولم يذكر لنا اسم هذا الخصم الجهبذ الذي كسر شوكته
قلت في نفسي ياحظهم الشيخ صار رامبو الله يستر لايهجمون به على قبيله ثانيه ويش بيصير
القيت نظره وتفحصت وجيه الحاضرين فرئيت النفاق الجم منقطر النظير اصبحت في مجلس من مجالس جهنم
قررت السكوت فلن ارتاح لسوالف هذه اولاها ومن شخص برتبه شيخ قبيله وبهذه السذاجه كذبه سدت مابين الفم والامعاء عرفتها لانه اخذ يتخبط في تفاصيلها كما يتخبط اجرب الابل في الوحل
تفحصت وجه هذا الشيخ فرئت ظلمت الفجور وعتمته تخرج من بين تجاعيد وجهه ثم ثبت نظري فيه في نظره مستمره لعله يقراء في ثناياها ماهكذا حديث الشيوخ رحمك الله
وبعد ساعه فهم المغزى من نظرتي له فلجا الى خطه لقم الفم تستحي العين فدعى احد الواقفين ثم همس في اذنه همسه لم يسمعها احد فقام المهموس في اذنه المحمول بقدميه
ثم
دار في الحوش شوي ثم اتى الي فقال
يقول الشيخ قاصر عليك شي عينك فيه طول اليل
فقلت
لا بس ودي يعطينا سالفه ثانيه مثل سالفته اول اليل
فقام وحوَم شوي وراح له وانا فكرت انه ماهو قايل له الي قلت لكن الرجال مخلص حتى في النفاق صبها في اذنه
شوي قام الشيخ ودعا المعزب وجاه المعزب وجلس قدامه ثم قام وانا صرفت نظري عنه ولم انظر اليه ثانيه
ويوم تشكرت لمعزبي قلت اشوف الشيخ يسولف لك ويؤشر ناحيتي قال ابد سئل عن اسمك
قلت الله يستر لايلحقني الراس الكبير الي يقول اول اليل ويحطني ملللللللح
7
7
7
هذه النعمه جعلت الناس تتخيل انهم يحطمون كل شي كما يحطمون ظهور الخراف
دمتم بخير