أبو معتز
22-10-2010, 01:21 PM
هذه الابيات موجهه لشاعرنا الخلوق سعيد ال فارع المعمري الشاعر معنا في هذا المنتدى ويشرفني ذلك
ورجو تنال رضاكم
(سلام يا ابو ميس)
اعداد ما غرد على الغصن من طير=واعداد ما هب الشمـال ونسيمـه
سلام يا ابوميس والسالفه غيـر=كثرو هل الغلطات واهل النميمـه
وانا تراني ذا السنه ماني بخيـر=من بعد قرب اللي فراقـه غنيمـه
همً يقلطني على الضيقه عصيـر=ويأسً يحطمني وغـش وظليمـه
وشيً يصير وشيً ما عمره يصير=زمع السوالف والقلوب السقيمـه
اشؤم عنها وابتعـد والتباشيـر=في وجه زيزوم الامور العظيمـه
وانا صبرت سنين والسر في بير=والقلب صادق والنوايـا سليمـه
والغلطه اللي جات من غير تبرير=مشيتها لو كـان ماهـي يتيمـه
ماهوب ودي بس لجل المناعيـر=اللي لهم عنـدي حقـوق قديمـه
واللي يبي له حاجه ويدهن السير=يضيع قـدره والغـلا والحشيمـه
وانا لي الله والحمل شالـه بعيـر=وظليمه الاجـواد اكبـر ظليمـه
لكن سلامي عد ما غـرد الطيـر=واعداد ماهب الشمـال ونسيمـه
عليك يا بو ميس والسالفه غيـر=حلفت ما يفـرح صبـي النميمـه
ارحب يابو معتز
يامرحبـا بعـداد ورد النواويـر=لاعلها الوسمي مع كـل غيمـه
ارحب يابو معتز حشمه وتقديـر=لك قيمتن غطت على كـل قيمـه
وكل إلهك واعلم انهـا مقاديـر=كلن تلقَى طعنتن فـي صميمـه
الظلم والبهتـان مامنـه تاثيـر=على النفوس الواعيه والحكيمـه
طويق يبقى طويق ماجاه تغييـر=لو ان وجه الوقت مافيه شيمـه
والصبر مفتاح الفرج واخره خير=يرقى به الرجال لشـداد ريمـه
بعض العرب مامنّه الا مخاسيـر=الطبع ثابـت والعلاقـه حميمـه
خله يولي وانت قد جاك تقريـر=حرر له من فنون صمتك قسيمه
ارسم على وجه الانافه تعابيـر=تثبت بها ان الصمت ماهو هزيمه
يجيه من غيرك مكيـده وتدبيـر=لاهو غريمن لك ولاانت بغريمـه
من له على درب الكرامه مشاوير=مايستفيد الا شمـوخ وعزيمـه
ماطاح من حاز النوايا المغاتيـر=ماطاح غير اهل النوايا العتيمـه
واعيدها واقـول ترهـا مقاديـر=كلن تلقّى طعنتن فـي صميمـه
وسلامتكم باسمي وباسم شاعرنا الغالي سعيد ال فارع
ورجو تنال رضاكم
(سلام يا ابو ميس)
اعداد ما غرد على الغصن من طير=واعداد ما هب الشمـال ونسيمـه
سلام يا ابوميس والسالفه غيـر=كثرو هل الغلطات واهل النميمـه
وانا تراني ذا السنه ماني بخيـر=من بعد قرب اللي فراقـه غنيمـه
همً يقلطني على الضيقه عصيـر=ويأسً يحطمني وغـش وظليمـه
وشيً يصير وشيً ما عمره يصير=زمع السوالف والقلوب السقيمـه
اشؤم عنها وابتعـد والتباشيـر=في وجه زيزوم الامور العظيمـه
وانا صبرت سنين والسر في بير=والقلب صادق والنوايـا سليمـه
والغلطه اللي جات من غير تبرير=مشيتها لو كـان ماهـي يتيمـه
ماهوب ودي بس لجل المناعيـر=اللي لهم عنـدي حقـوق قديمـه
واللي يبي له حاجه ويدهن السير=يضيع قـدره والغـلا والحشيمـه
وانا لي الله والحمل شالـه بعيـر=وظليمه الاجـواد اكبـر ظليمـه
لكن سلامي عد ما غـرد الطيـر=واعداد ماهب الشمـال ونسيمـه
عليك يا بو ميس والسالفه غيـر=حلفت ما يفـرح صبـي النميمـه
ارحب يابو معتز
يامرحبـا بعـداد ورد النواويـر=لاعلها الوسمي مع كـل غيمـه
ارحب يابو معتز حشمه وتقديـر=لك قيمتن غطت على كـل قيمـه
وكل إلهك واعلم انهـا مقاديـر=كلن تلقَى طعنتن فـي صميمـه
الظلم والبهتـان مامنـه تاثيـر=على النفوس الواعيه والحكيمـه
طويق يبقى طويق ماجاه تغييـر=لو ان وجه الوقت مافيه شيمـه
والصبر مفتاح الفرج واخره خير=يرقى به الرجال لشـداد ريمـه
بعض العرب مامنّه الا مخاسيـر=الطبع ثابـت والعلاقـه حميمـه
خله يولي وانت قد جاك تقريـر=حرر له من فنون صمتك قسيمه
ارسم على وجه الانافه تعابيـر=تثبت بها ان الصمت ماهو هزيمه
يجيه من غيرك مكيـده وتدبيـر=لاهو غريمن لك ولاانت بغريمـه
من له على درب الكرامه مشاوير=مايستفيد الا شمـوخ وعزيمـه
ماطاح من حاز النوايا المغاتيـر=ماطاح غير اهل النوايا العتيمـه
واعيدها واقـول ترهـا مقاديـر=كلن تلقّى طعنتن فـي صميمـه
وسلامتكم باسمي وباسم شاعرنا الغالي سعيد ال فارع