قصيدة في شيخ شمل قبايل قحطان ووادعة الشيخ فهد بن عبدالله بن دليم

[القادري الشريفي]

هذه قصيدة للشاعر مهدي بن سالم بن دومان ال سلمان عبيدة

في الشيخ فهد بن عبدالله بن محمد ال دليم شيخ شمل قبائل قحطان ووادعة



سلام ياشيخ قحطان اللي يذرينا ذراه
شيخ اقحطان وادعه من عصر ماضينا القديم

ابرك ليالي العمر شوفه من يشرفنا نباه
حظ المعزب جيتك والنور بالحفله مقيم

قصيدتي بنت تغطرف باللحون وبالعباه
بنات فكري تعشق المطلق وللهابي عقيم

فيك القصايد ماتوفى والمشاعر والدواه
اسم كبير فالجزيرة لازهم في ابن دليم

اهل بيرق واهل شيخه وهل فعل وهل غناه
بالمعرفه والسيف الاملح جالكم مجد عظيم

انتو ورثتوا الطيب فالدنيا على ظهر الحياه
ماهي بعارة غير من جد لجد لزعيم

انتو عمى عين العداء وانتو ملينه العصاه
ياكم رجال من فعايلكم شكو هم وضيم

انته يابو خالد حكيم الرأي ماتشقر عصاه
حلال صعبات الدعاوي لانوا خصم خصيم

بين الصفوف العوج ماينشب لسانه في جماه
ولايلتفت في هرجه الخامل ولاهرج الغشيم

اللي يعد افضالكم يتعب وياكثر الرواه
ياحاتم مدته تغني وتجلي كل غيم



تقديري

[أبو دعلان]

بيض الله وجهك ويستاهل بن دليم كل تقدير واحترام

[فلاح آل راكان]

اررحب يا القادري ..

صح الله السانك والسان بن دومان مدد بلا عدد ..

وبن دومان كفوو وبن دليم يستاااااااااااهل ..

تقبل مروري يا القرم ..