بصبر ولكن لنتهى الصبر وش عاد حرام مايغشى ابن قحطان هامه

[فهد الهباش]

][][§¤°^°¤§][][
السلام عليكم.....
اتمنى القصيدة ...تنال على رضاكم....
تقبلوا تحياتي...فهد الهباش....][][§¤°^°¤§][][

أريد شي ولكن الرب ما راد=يارب عفوك في نهار القيامه
لولا الفقر والدّين يابنت الأجواد=اللي على الهبّاش بنّى خيامه
حقّقت حلم(ن)طاوله هجر وبعاد=مبني على نبع المودّة مقامه
لا تسمعين هروج شامت وحسّاد =هذا طريق(ن)تاليته الندامه
الله يشهد والمخاليق شهّاد=يامهجة القلب الحزين وهيامه
انك ملكتي القلب طوع(ن) بلا عناد=والله ملوم القلب ليه الملامه
يزيد عمرك لكن الزّين يزداد=واللي ذبحني نظرة(ن) وابتسامه
لا ياوجودي في غرامك ليا جاد=نظم القصيد اللي غرامك مرامه
ولاياوجودي وجد من شيل منقاد=ناظر لبوه وقال مع السلامه
حبيس عشر سنين بيديه للأصفاد=في جوف سجن طول قامه بقامه
وحان القصاص اللي على روس الأشهاد=والعبد جاهز في يمينه حسامه
جرّ الونين وقال يارب لا عاد=يوم(ن) غماني من الجهالة غمامه
سبّة وجودي منك ياغض الأنهاد=حيّرتني يالعنبوها رخامه
صبرت صبر ولكن الصبر مافاد=وش حيلتي يأهل الوفا والكرامه
حرمتني من لذّة الشرب والزاد=كنّي مريض ماتشيله عظامه
اسهر مع الهاجوس سرداد مرداد=وابكي كما الطفل الصغير بفطامه
يابنت أنا ماني باللظلم معتاد=الصقر صقر ولا يسمى حمامه
بصبر ولكن لنتهى الصبر وش عاد=حرام مايغشى ابن قحطان هامه
شفهم تراهم يالغضي جمع وأفراد=الله لنا ماعاد فيكم شهامه
الحب كانه لعب لابوه لا عاد=خلّه يولّي لعنبوها رخامه

[فهد الهباش]

مساء الخير يالنشامى..........
ننتظر ردودكم.......................
تحياتي...........

[مشاري بن بتال القحطاني]

ارررررررحب يافهد


صح الله السانك ياذيبان وتسلم يمناك


واللي مثلك ما امره واتعداه


تقبل تحياتي وان كان فيه مجال كلمني في رسايل خاصه ابيك في موضوع انا حاولت ارسل لك رساله خاصه لكن اخوك توه جديد على النت ولا ني بعرف وشلون ارسلها


تقبل تحياتي وانا بنتظارك

[فهد الهباش]

ارررررررحب يافهد


صح الله السانك ياذيبان وتسلم يمناك


واللي مثلك ما امره واتعداه


تقبل تحياتي وان كان فيه مجال كلمني في رسايل خاصه ابيك في موضوع انا حاولت ارسل لك رساله خاصه لكن اخوك توه جديد على النت ولا ني بعرف وشلون ارسلها



تقبل تحياتي وانا بنتظارك


][®][^][®][ارحب يامشاري تراحيب المطر.....
لاهنت يالغالي وصح بدنك.....
وافي يالقرم........
وتراني ارسلتلك خاص مدري وصلت والا لا......][®][^][®][

[فلاح الشدقاء]

الشاعر / فهد الهباش
صح لسانك واعتلا شانك
قصيده جزله ووافيه كصاحبها
دمت بكل خير ولا تحرمنا جديدك

[خالد الجروي]

ارررررررحب يا فهد تراحيب المطر

صح الله لسانك على هذه الرائعه ولكن كما عودنا فهد الهباش يغيب ولا ياتي

الا بالجزل ... قصيده جزله ومن شاعر جزل ... حاولت اقتبس ولكن وش اقتبس

وش اخلي

تقبل مروري واعجابي بكل ما ينزف به قلمك فانت مبدع

[صالح حسن الكيرعاني]

حيه وحي ماجابه


صح الله لسانك يافهد واعتلى شانك


قصيدة جزله ومليانه ونصك من النصوص التي تستحق القراءة فعلاً


وعزالله ان عندك ابيات تكتب بماء الذهب


ولاتبطي بجديدك ياكحيلان

[فهد الهباش]

ارررررررحب يا فهد تراحيب المطر

صح الله لسانك على هذه الرائعه ولكن كما عودنا فهد الهباش يغيب ولا ياتي

الا بالجزل ... قصيده جزله ومن شاعر جزل ... حاولت اقتبس ولكن وش اقتبس

وش اخلي

تقبل مروري واعجابي بكل ما ينزف به قلمك فانت مبدع

][®][^][®][البقاء والله ياخالد.....أشهد بالله انك وافي.....
ومرورك العذب يشرح الصدر.....
وكلامك انت الجزل...ولا نجي الا من بعدك.....
وما اقول ....الا الله يصح بدنك....ولا يهينك....ويبيض وجهك....][®][^][®][

[فهد الهباش]

حيه وحي ماجابه


صح الله لسانك يافهد واعتلى شانك


قصيدة جزله ومليانه ونصك من النصوص التي تستحق القراءة فعلاً


وعزالله ان عندك ابيات تكتب بماء الذهب


ولاتبطي بجديدك ياكحيلان

][®][^][®][ارررحب مليون ياصالح.....
صح الله بدنك.....على الاطراء اللي يثلج الصدر....
مرورك وسام على الصدر.....يابوحسن.....
وكلامك واطرائك ....هو الذهب يعلم الله.....
وبيض الله وجهك .....والله لاهينك.......][®][^][®][

[فهد الهباش]

الشاعر / فهد الهباش
صح لسانك واعتلا شانك
قصيده جزله ووافيه كصاحبها
دمت بكل خير ولا تحرمنا جديدك

][®][^][®][ارحب يافلاح ....تراحيب المطر.....
المفروض اني احطك قبل....لكن العتب على النظر....ماشفت الرد وانا خووووك...
الله يصح بدنك....ولا يهينك....ويبيض وجهك.....مرور ذرب كصاحبه الذرب.....
ولا عدمناك يالغالي....تقبل أرق تحياتي......][®][^][®][

[محمد ابن حسين ابو حكام]

ماشاء الله عليك مبدع يافهد وصح الله لسانك

[فهد الهباش]

ماشاء الله عليك مبدع يافهد وصح الله لسانك

][®][^][®][صح بدنك....يأبوحكام......
وشكرا على...... المرور الذواق.....][®][^][®][

[أبو معتز]

اخوي فهد صح والله لسانك وبيض الله وجهك يا لجزل كفو قصيدك كفو

والعذر تأخرت في الرد عليك لأن دخولي قليل , تقبل تحياتي وتقديري لك

[فهد الهباش]

اخوي فهد صح والله لسانك وبيض الله وجهك يا لجزل كفو قصيدك كفو

والعذر تأخرت في الرد عليك لأن دخولي قليل , تقبل تحياتي وتقديري لك
][®][^][®][صح بدنك....ووجهك أبيض يابومعتز......
ماحصل قصور واناخوك....معذور مستور.....وانا اللي يهمني...
رضى اللي مثلك....وشروك......][®][^][®][

[ماجد بن عبدالله بن شغاث]

صح الله لسانك ,,,,,, وبانتظار جديدك

[مشبب الأحامرة ال الصقر]

صح لسانك

[فهد الهباش]

صح الله لسانك ,,,,,, وبانتظار جديدك
صح الله بدنك ...وابشر بسعدك...

[فهد الهباش]

صح لسانك
صح بدنك

[عامر الوهابي]

أررررررحب يافهد الهباش

وصح الله لسانك يالقرم في ذمتي إنك وافي وقصيدك وافي

سبّة وجـودي منـك ياغـض الأنهـاد==حيّرتـنـي يالعنـبـوهـا رخـامــه
الحـب كانـه لعـب لابـوه لا عــاد ==خلّـه يـولّـي لعنبـوهـا رخـامـه


والله ما ألومك يافهد....وترقبوا قريب على الشبكة حول

هذا الموضوع ......تقبل مروري وإعجابي

[فهد الهباش]

أررررررحب يافهد الهباش

وصح الله لسانك يالقرم في ذمتي إنك وافي وقصيدك وافي

سبّة وجـودي منـك ياغـض الأنهـاد==حيّرتـنـي يالعنـبـوهـا رخـامــه
الحـب كانـه لعـب لابـوه لا عــاد ==خلّـه يـولّـي لعنبـوهـا رخـامـه


والله ما ألومك يافهد....وترقبوا قريب على الشبكة حول

هذا الموضوع ......تقبل مروري وإعجابي

][®][^][®][صح بدنك ياعمر...
والله لايهينك على الرد اللي يشرح الصدر...
وافي كعادتك ....وتسلم ياراعي الوفاء....
وبالتأكيد ننتظر جديدك...يالغالي....
واعذرني على التاخير في الرد ...ماخشيت الا اليوم...
][®][^][®][