المساعد الشخصي الرقمي

مشاهدة النسخة كاملة : مع السلامه روح ماعاد لي فيك


رائد نملان الحبابي
12-10-2010, 12:50 AM
لعيونكم من جديدي






مع السلامه روح ماعاد لي فيك


ماعاد ابي قربك ولا عاد اباكا


خلاص يكفي ذكرياتك وماضيك


باعيش باقي العمر وانسا هواكا


اتعبتني واحرجتني وش تواليك


وهزيت عرش الحب بين الشراكا


حطمت قلب" طول عمره يناجيك


خمسة عشر عام ادور رضاكا


في داخلي تحيا وتهمس معانيك


وأشوف وجهك كل ساعه واراكا


وانا معك مابين واقع وتشكيك


أحس بك وآقول ماني معاكا


اغيب عنك اسنين وارجع والاقيك


يحدني هم السنين ال قاكا


كل عام تتجدد وتكثر بلاويك


متمركز " في ذا وهاذا وذاكا


اشعلت نار الحرب واحرقت خافيك


وسببت ضجه للبشر وارتباكا


فتحت بيبان التعاسه باياديك


ياما نهوني هيك عنك وهاكا


أشغلتني عن واقعي دون تحريك


تلعب بفكري دون تبدي حراكا


حسبي على اللي بارخص اللبس كاسيك


وحسبي على سود الليالي معاكا


اسمع خلاص اليوم بابعد واجافيك


ماعاد ابي قربك ولا عاد اباكا


ابو نملاااااان

مشاري بن بتال القحطاني
12-10-2010, 01:26 AM
رايد بن نملان



يسعدني ويشرفني اني اكون اول من يرد على قصيدك


الله يحييك ومرحبا ومسهلا



قصيد جزل من شاعر جزل


تسلم يارايد وصح الله السانك مليوووون على هالرايعه

تقبل مرور اخوك

أبو معتز
12-10-2010, 05:30 AM
في داخلي تحيا وتهمس معانيك


وأشوف وجهك كل ساعه واراكا


وانا معك مابين واقع وتشكيك


أحس بك وآقول ماني معاكا



رائد بن نملان صح لسانك رائع قصيده معبره على قوافي صعبه لايجيدها الا شاعر متمكن وعلى طريقة رائد الخاصه , تحياتي وتقبل مروري وتمنى لك مزيدا من الابداع

محمد بن حربوش ال عاطف
14-10-2010, 12:44 AM
ارررررررحب يبن نملااان وصح لسانك واعتلى شانك

وقصيده كفو من شاعر كفو وننتظر جديدك

وتقبل مروري

المناضل السليماني
14-10-2010, 05:43 AM
ارحب يابن نملان وصح لسانك واعتلى شانك

وقصيده جزلة من شاعر كفو وننتظر جديدك

وتقبل مروري بكل ود

صالح حسن الكيرعاني
14-10-2010, 04:26 PM
صح الله لسانك يابو نملان واعتلى شانك


قصيدة جزله ومليانه وشهادتي فيك مجروحه


ودائماً تأتي بالقصائد اللتي تستحق القراءة فعلاً

رائد نملان الحبابي
14-10-2010, 10:10 PM
اخي الكريم

مشاااااري

الله يبقيك وانا اااااخووووك

ومرورك وردودك على رااااااسي ومحسوووووووب

محمد بن مسفر بن جليد
14-10-2010, 10:42 PM
ارحب يابن نملان وصح لسانك واعتلى شانك

وقصيده جزلة من شاعر كفو وننتظر جديدك

وتقبل مروري بكل ود

رائد نملان الحبابي
18-10-2010, 01:13 AM
اخي الغااالي

ابو معتز

الابداااع بحد ذااااته مرورك وردك الوااافي ياواااافي

لاعدمتك وانا اخووووك

رائد نملان الحبابي
22-10-2010, 01:06 PM
ارررررررحب يبن نملااان وصح لسانك واعتلى شانك

وقصيده كفو من شاعر كفو وننتظر جديدك

وتقبل مروري


ماعليك زود ياااامحمد

ومرورك غاااالي وانت اغلا

رائد نملان الحبابي
26-10-2010, 06:39 PM
الله يبقيك اخي الغااالي

المناااضل

وتواجدك في متصفحي

شرف لي

ذيب العبيدي
02-11-2010, 09:16 PM
في داخلي تحيا وتهمس معانيك


وأشوف وجهك كل ساعه واراكا


وانا معك مابين واقع وتشكيك


أحس بك وآقول ماني معاكا


قلبك اخضر


صح والله لسانك يالوافي



وهذا طبعك وافي لاهنت



تحياتي لك



العبيدي

رائد نملان الحبابي
12-12-2010, 10:08 PM
شكرا من القلب للجميع

هادي فارس السنحاني
15-12-2010, 03:50 PM
اخوي رايد
بيض الله وجهك قصيدة جزلة وجعلك سالم

عبدالله مجاد الغربي العرجي
18-12-2010, 09:43 AM
بيض الله وجهك

ولاهنت

وصح الله لسانك

تقبل مروري