المساعد الشخصي الرقمي

مشاهدة النسخة كاملة : يالله يالله ياللي تسـمع الداعي..مصافحة اولي


هادي عبدالله القحطاني
29-09-2010, 01:33 AM
السلام عليكم ورحمة الله وبركاته

اقد لكم هذه القصيده كمصافحه اولي
وهي من قلمي



القلب من كثرة التفكير ملتاعي=والعين من نومها تطرد وممنوعه


همً يقفي وهم جاي فزاعي=ماهمها اللا تحوس القلب وتلوعه


فالصبح تسرح وترجع مالها راعي=وباليل تمرح بوسط الجاش وضلوعه


لاجيت بين العرب جتني بلا داعي=اجامل وهي بوسط القلب مزروعه


طالت بي وطولت بهموم واوجاعي=راحت حياتي وانا في ضيقه ولوعه


يالله يالله ياللي تسمع الداعي=ياعالم الحال مضمونه وموضوعه


انت العلي القوي معطي ومناعي=وايدين عبدك لوجهك دوم مرفوعه


تفرج لعبدك وهو في دبرتك ساعي=يطلب رضاك برضاه وتذرف دموعه


بامرك يكون السبب وتهون الاوضاعي=ويبين حال السعد في شكله ونوعه


بامرك رفعت السماءومبسط القاعي=لاقلت كلمتك كاف ونون مسموعه


اغفر لنا في نهار فيه الارواعي=واكتب لنا الستر منك وهون الروعه

غشام ال مهدي
29-09-2010, 08:09 AM
صح لسانك ولاهنت يالغالي


*** مع تمنياتي لكم بالتوفيق***

ابن عياف
29-09-2010, 09:25 AM
لاهنت على القصيدة الطيبة والوافية


مصافحة جميلة

أبو معتز
29-09-2010, 01:08 PM
عشت وعاش قلمك يا هادي رائع , تقبل مروري

عبدالله بن محمد ال شداد
29-09-2010, 02:53 PM
قصيده رائعه
يعطيك العافيه

مشاري بن بتال القحطاني
29-09-2010, 03:13 PM
مرحبا ومسهلا حيه وحي ماجاب



الله يصح السانك ولاهنت


وبيض الله وجهك


وحنا بنتظار جديد اللي مثلك وشرواك


تقبل مروري