كل بحر شارب منه قرطوح.

[عبدالهادي سعيد المسعودي]

هذه القصيدة لزميل الشاعر/ عبدالله المشعلي

شلتها بصوتي لجمالها أرجو اني قد وفقت في شلتها ولحنها وان يتقبلها

ابو محمد ويعذرني ان كان فيه قصور وعلى بعض الابيات اللتي لم تظهر في الشلة.

http://almshalah.com/up/uploads/files/mshalah192b4b3a54.amr


ما بقى لي بالعمر كثر ما راح=والعمر يمضي مع الوقت ويروح

لا قضى شغلي ولانيب مرتاح=متعب نفسي على غير مصلوح

لكن الدنيا تبي صبر وكفاح=والبشر كل بدنياه مشفوح

والقدر يومي بي اوماي ملواح=والخطر في درب الآمال مطروح

بين الافراح السعيده والأتراح=كل بحر شارب منه قرطوح

أمسي ونومي كوابيس وأشباح=وأصبح وعندي تفاكير وطموح

وأن خذت بي بعض الأفكار مشواح=ودي أزرع لرض وابني بها صروح

وأعبر الغبه على ذات الألواح=لين ترسي بي على جال مسفوح

في رجا اللي بأمره الهم ينزاح=اللي أنجا يوسف ويونس ونوح

بيده الأرزاق وآجال الأرواح=فالقُُُ حب النوى خالق الروح

ما معي لأبواب الأرزاق مفتاح=عند ربي باب الأرزاق مفتوح

والقناعه راس مالي والأرباح=راضي باللي كتب لي على اللوح

لو هوى نفسي مساري ومسراح=سجة فيها شفا كل مجروح

لا جذبني رايح بارقه لاح=قام يلفح بي من الشوق لافوح

وأتبع وسوم الحياء وين ما طاح=وأتغزل في هوى كل مملوح

طير ياللي فوق الأغصان نواح=أطرب وغرّد على سدرة الدوح

يا هنيك يوم لك ريش وجناح=والا أنا لا ضقت مدري وين اروح