الهـاجري
15-10-2005, 07:33 PM
السلام عليكم
مرحبــــــــــااااا ..
حياكم الله ..
انتشرت قصايد في البلوتوث بين ضعاف العقول السب في القبايل واثارت الفتن بين القبايل مع بعضها وهذه قصيدة احد الشعار يرد على هؤلاء
وهي قصيدة مسجلة بالصوت في الجوال ... كتبت كلماتها ..فاسمحولي ان كان فيه خطاء :
يالله ياعالي على كل عالي
يامسيرن بامرك قنوف الخيالي
يامقدرن صرف الزمن والليالي
اطلبك تغفر لي الزلل والخطيه
يالله ترحمني وتغفر ذنوبي
نور بنورك يالهي دروبي
قلبي من هموم الليالي شحوبي
ارجيك باسمك كل صبح وعشيه
ياجامعن خلقك بيوم المواجه
يامعدلن ميل الدهر وانعواجه
ياقاضين للناس حاجه وحاجه
ادخل عليك من القهر والاذيه
ياخالق ارواح ويامفني ارواح
يامبدل الاحزان بامرك بالافراح
خفف مصابي لاتقفتني اجراح
لامن غدا قلبي وسط مهمهيه
اني اساير بالزمن مادهاني
في مفترق بعض الدروب التقاني
اضحى فؤادي بالزمن كم يعاني
كل الجوارح من آلمها غنيه
كنت اجّمل مامضى بامنياتي
احلم بها واصحو على فاجعاتي
صحراء جرداء بها الريح عاتي
ولللسعاده فاقدن للشهيه
عديت اوقات الجهاله مع الطيش
ولانيب تباع العيون المراهيش
درب الزلق ماجيه لو ويش لو ويش
اختار مسلاك الدروب النقيه
اجنح على اللي يبعدون الهقاوي
صلفين فيه وجه المحن والبلاوي
يحرم على راعي الردا مااخاوي
اللي علومه بالمجالس رديه
ياسامعن للقيل هذي قوافي
تمشي على خطن بدون انحرافي
البعض بينته وهو كان خافي
قدلي زمانن اتحرى مجيه
قمت اتخير في مقالي حروفي
سطرن تقفى سطرها في ظروفي
ممااحسه في معاليق جوفي
ماكني الا باحثن عن هويه
غصبن لفا شعري وانا مارجيته
متعودن ياتي ولو مادعيته
حرفن غدا جوفي ملاذه وبيته
الصاحب اللي مايبور بخويه
غارت على الافكار ويا الهواجيس
وظلوع قلبي من سببهن محاميس
يصلن على نار الفكر والوساويس
ازريت اجنبهن ولي مقدريه
وشلون اجنبهن وقلبي على نار
ممايقال اليوم في بعض الاشعار
ذمن وقدح ٍ في طويلين الاشبار
مماجرى يرث على الكبد كيه
كفو حكي الجهال عنا ياعقال
بعض الحكي ياناس ماهوب ينقال
عيب على الرجال في كل الاحوال
يسلك مسالك للدروب الدنيه
واجب على الرجال يحفظ لسانه
فيما مضى قالوا لسانه حصانه
اما وقع به اوثبت عنانه
يفعل فعل لو كان لحمه طريه
نصيحتي يارجال كفو عن القيل
ومنهو كثر حكيه قليل المحاصيل
يمكن يحرّم بالرخوم الرجاجيل
لوكان طيب يوخذ بسو نيه
منهو فعل فعلن يجازى بمثله
يجازى بمثله بدقه وجله
قل للذي شفقن على الشر قله
يابن ادم النيه تراها مطيه
اللي سمعته ظهر الشيب فيني
وانا ترى مانلام يامسلميني
من ينقض المعروف ياعرافيني
يحل نشبات الامور العصيه
الفتنه اللي شعللوها وشبت
من يطفي النيران من يوم قبت
وصدور خلق الله من الغيظ عبت
صاروخ جهل الكل سامع ذويه
هذي مصيبه مابعدها مصيبه
مصيبتن من دون شكن وريبه
ماهي غريبه صدق ماهي غريبه
في وقتنا اللي زيادن فيه غيه
شفت بزمنا ياعرب مايكدر
من كان فوق اليوم قدره يحدر
جور الزمن يمضي عليه ويصدر
جمرة لهيب داخل الجوف حيه
ودي اعبر عن امورن كثيره
يسخى لها راعي العقل وبصيره
اللي مثبت خطوته في مسيره
هذاك له مني سلام وتحيه
ارسل سلامي للرجال الصناديد
بعداد مافي القاع رمل وجلاميد
وعداد مانو ٍ غشى واسع البيد
وعد الليال الحالكه السرمديه
وعداد ماهبت نسايم هبوبه
شمال ولامن هبايب جنوبه
وعداد مايومن تقفى غروبه
وعد السنين الهانيه والشقيه
جاكم سلامي يالقروم المناعير
روس الرجال الطيبه والمشاهير
اللي تعرف الوارده والمصادير
اهل الكفوف المعطيات السخيه
ماهوب من طبعي اذم المخاليق
ولو لحقني من سبايبهم الضيق
اصد واسلى مع جميع الطواريق
مسحوب ولا اطرق السامريه
اسج مع حرفن غدا مثل راعيه
ماوده الا بالليالي يخاويه
في غفوة العربان والنوم جافيه
في مجلسن صبت به الشاذليه
يالي تعذربنا ترانا (( هــوااااجــر ))
قصيرنا بين الهدب والمحاجر
خصيمنا يشكي طعون الخناجر
لامن تعدا الحد يصبح ضحيه
نصبرليامن الزمن جار فينا
نعطي ولانحسب عطايا يدينا
دايم وحنا للنعم معتلينا
الطيب دايما لنا فيه بقيه
حنا هل الطوله ولافيه تشكيك
من عهد ابي سفيان ويا المماليك
نحل عقدات النشب والشرابيك
لادارت ايام الزمن مع رحيه
حنا هل الطولات يوم الوقايع
لاثار دخان الرمك بالشنايع
ولاثارت العجه نسوي الفنايع
فينا على نطح الصعب قابليه
يوم اللقا يحسم بضرب الهنادي
كلن وجيده بين حضر وبوادي
ربعي هل الطوله كعام المعادي
شرفيين شرهين على كل هيه
ظفرين فينا للمراجل تواصيف
اصغرنا اللي ينقل العز والسيف
ماقيل له ياحيف ياحيف ياحيف
ولامن كبر شعلل بفعله ضويه
ياما تذرو في ذرانا مساكين
حنا لهم مثل الهدب يحمي العين
دايم وهم معنا كرامن عزيزين
نعطي ولاقلنا تراها عطيه
رفيقنا مرباعنا هو ربيعه
يامر وينهي والجوارح تطيعه
نودع مضامين المكارم وديعه
بنفوسنا تلقى المرابع مديه
من راس قحطان عريبن نسبنا
لامن نوينا للمعالي كسبنا
في مجلس الطيب الفعل مارسبنا
صفوفنا دايم وهي الاوليه
الله عطانا والشكر والثنا له
اللي فرق ذيب الخلا من اثعاله
نرسي كما ترسي شوامخ جباله
ولا كما ضلعن ثبت بالحويه
قبيلة ترقى على كل نايف
نجعل كبيرات المصاعب عسايف
تضرب بنا الامثال بين الطوايف
وقفاتنا وقت الشدايد قويه
قلته وانا من قوم ذريبين الايمان
اصلي عبيدي مرجعي راس قحطان
نسل تحدر من قروم ٍ وفرسان
نسل الشيوخ اللي تقود السريه
بني هاجر منابع جدودي
انا مخضوبي بالمفاخر نجودي
وقت النقودي ........
اهل المعالي والفخر والحميه
ثم من بفارس منبعي والرجوعي
ابن اشهوان اللي يدك الجموعي
الضيغمي مشبع بطونن تجوعي
ورث فعول السلطة الضيغميه
كل الجزيرة شاهده ماقوله
ارض المفاخر والكرم والبطوله
يشهد ثراها وعرها مع سهوله
يوم الليالي اللي تقفت زريه
يوم العرب من بين طاعن ومطعون
والسيف من جنب الرجاجيل مسنون
والموت برقه لايحن في سما الكون
نارد حياض طافحه بالمنيه
واليوم في امنن عسى الله يديمه
امن وامان ٍ مع حياة كريمه
والحمد للي منشين كل ديمه
اللي اصطفى محمد رسوله نبيه
انا افتخر والحق عندي وعندي
قومي بياض افعال جدي وعدي
ماهو غرور او كبر او تحدي
ماهوب لاهذي ولاذي وذيه
والمدح واجب في جميع القبايل
من اليمن الين من بعد حايل
كلن وحقه كم قال قايل
كانو حنابل او مع الشافعيه
قلت اللذي مكنون باقى ضميري
يلهب بقلبي مثل لهب السعيري
صاير مع موجة فؤادي خشيري
كاوي معاليقي ثمانين كيه
واختم كلامي والنهايه سلامي
للكل في شبه الجزيرة وشامي
الكل له عندي قدر واحترامي
خصوص راعيين النفوس التقيه
وصلو على اللي تابعين طريقه
بعداد ماشفنا مسره وضيقه
وعد البحور الواسعات العميقه
وعداد ماشفت بعيونني يديه
وعداد زخات المطر والهبايب
وعد الجروح الخافيات العطايب
وبكثر مافي وقتنا من مصايب
وعداد ماشمس اشرقت بضحويه
للشاعر: محمد بن ناصر القريني الشهواني الهاجري
مرحبــــــــــااااا ..
حياكم الله ..
انتشرت قصايد في البلوتوث بين ضعاف العقول السب في القبايل واثارت الفتن بين القبايل مع بعضها وهذه قصيدة احد الشعار يرد على هؤلاء
وهي قصيدة مسجلة بالصوت في الجوال ... كتبت كلماتها ..فاسمحولي ان كان فيه خطاء :
يالله ياعالي على كل عالي
يامسيرن بامرك قنوف الخيالي
يامقدرن صرف الزمن والليالي
اطلبك تغفر لي الزلل والخطيه
يالله ترحمني وتغفر ذنوبي
نور بنورك يالهي دروبي
قلبي من هموم الليالي شحوبي
ارجيك باسمك كل صبح وعشيه
ياجامعن خلقك بيوم المواجه
يامعدلن ميل الدهر وانعواجه
ياقاضين للناس حاجه وحاجه
ادخل عليك من القهر والاذيه
ياخالق ارواح ويامفني ارواح
يامبدل الاحزان بامرك بالافراح
خفف مصابي لاتقفتني اجراح
لامن غدا قلبي وسط مهمهيه
اني اساير بالزمن مادهاني
في مفترق بعض الدروب التقاني
اضحى فؤادي بالزمن كم يعاني
كل الجوارح من آلمها غنيه
كنت اجّمل مامضى بامنياتي
احلم بها واصحو على فاجعاتي
صحراء جرداء بها الريح عاتي
ولللسعاده فاقدن للشهيه
عديت اوقات الجهاله مع الطيش
ولانيب تباع العيون المراهيش
درب الزلق ماجيه لو ويش لو ويش
اختار مسلاك الدروب النقيه
اجنح على اللي يبعدون الهقاوي
صلفين فيه وجه المحن والبلاوي
يحرم على راعي الردا مااخاوي
اللي علومه بالمجالس رديه
ياسامعن للقيل هذي قوافي
تمشي على خطن بدون انحرافي
البعض بينته وهو كان خافي
قدلي زمانن اتحرى مجيه
قمت اتخير في مقالي حروفي
سطرن تقفى سطرها في ظروفي
ممااحسه في معاليق جوفي
ماكني الا باحثن عن هويه
غصبن لفا شعري وانا مارجيته
متعودن ياتي ولو مادعيته
حرفن غدا جوفي ملاذه وبيته
الصاحب اللي مايبور بخويه
غارت على الافكار ويا الهواجيس
وظلوع قلبي من سببهن محاميس
يصلن على نار الفكر والوساويس
ازريت اجنبهن ولي مقدريه
وشلون اجنبهن وقلبي على نار
ممايقال اليوم في بعض الاشعار
ذمن وقدح ٍ في طويلين الاشبار
مماجرى يرث على الكبد كيه
كفو حكي الجهال عنا ياعقال
بعض الحكي ياناس ماهوب ينقال
عيب على الرجال في كل الاحوال
يسلك مسالك للدروب الدنيه
واجب على الرجال يحفظ لسانه
فيما مضى قالوا لسانه حصانه
اما وقع به اوثبت عنانه
يفعل فعل لو كان لحمه طريه
نصيحتي يارجال كفو عن القيل
ومنهو كثر حكيه قليل المحاصيل
يمكن يحرّم بالرخوم الرجاجيل
لوكان طيب يوخذ بسو نيه
منهو فعل فعلن يجازى بمثله
يجازى بمثله بدقه وجله
قل للذي شفقن على الشر قله
يابن ادم النيه تراها مطيه
اللي سمعته ظهر الشيب فيني
وانا ترى مانلام يامسلميني
من ينقض المعروف ياعرافيني
يحل نشبات الامور العصيه
الفتنه اللي شعللوها وشبت
من يطفي النيران من يوم قبت
وصدور خلق الله من الغيظ عبت
صاروخ جهل الكل سامع ذويه
هذي مصيبه مابعدها مصيبه
مصيبتن من دون شكن وريبه
ماهي غريبه صدق ماهي غريبه
في وقتنا اللي زيادن فيه غيه
شفت بزمنا ياعرب مايكدر
من كان فوق اليوم قدره يحدر
جور الزمن يمضي عليه ويصدر
جمرة لهيب داخل الجوف حيه
ودي اعبر عن امورن كثيره
يسخى لها راعي العقل وبصيره
اللي مثبت خطوته في مسيره
هذاك له مني سلام وتحيه
ارسل سلامي للرجال الصناديد
بعداد مافي القاع رمل وجلاميد
وعداد مانو ٍ غشى واسع البيد
وعد الليال الحالكه السرمديه
وعداد ماهبت نسايم هبوبه
شمال ولامن هبايب جنوبه
وعداد مايومن تقفى غروبه
وعد السنين الهانيه والشقيه
جاكم سلامي يالقروم المناعير
روس الرجال الطيبه والمشاهير
اللي تعرف الوارده والمصادير
اهل الكفوف المعطيات السخيه
ماهوب من طبعي اذم المخاليق
ولو لحقني من سبايبهم الضيق
اصد واسلى مع جميع الطواريق
مسحوب ولا اطرق السامريه
اسج مع حرفن غدا مثل راعيه
ماوده الا بالليالي يخاويه
في غفوة العربان والنوم جافيه
في مجلسن صبت به الشاذليه
يالي تعذربنا ترانا (( هــوااااجــر ))
قصيرنا بين الهدب والمحاجر
خصيمنا يشكي طعون الخناجر
لامن تعدا الحد يصبح ضحيه
نصبرليامن الزمن جار فينا
نعطي ولانحسب عطايا يدينا
دايم وحنا للنعم معتلينا
الطيب دايما لنا فيه بقيه
حنا هل الطوله ولافيه تشكيك
من عهد ابي سفيان ويا المماليك
نحل عقدات النشب والشرابيك
لادارت ايام الزمن مع رحيه
حنا هل الطولات يوم الوقايع
لاثار دخان الرمك بالشنايع
ولاثارت العجه نسوي الفنايع
فينا على نطح الصعب قابليه
يوم اللقا يحسم بضرب الهنادي
كلن وجيده بين حضر وبوادي
ربعي هل الطوله كعام المعادي
شرفيين شرهين على كل هيه
ظفرين فينا للمراجل تواصيف
اصغرنا اللي ينقل العز والسيف
ماقيل له ياحيف ياحيف ياحيف
ولامن كبر شعلل بفعله ضويه
ياما تذرو في ذرانا مساكين
حنا لهم مثل الهدب يحمي العين
دايم وهم معنا كرامن عزيزين
نعطي ولاقلنا تراها عطيه
رفيقنا مرباعنا هو ربيعه
يامر وينهي والجوارح تطيعه
نودع مضامين المكارم وديعه
بنفوسنا تلقى المرابع مديه
من راس قحطان عريبن نسبنا
لامن نوينا للمعالي كسبنا
في مجلس الطيب الفعل مارسبنا
صفوفنا دايم وهي الاوليه
الله عطانا والشكر والثنا له
اللي فرق ذيب الخلا من اثعاله
نرسي كما ترسي شوامخ جباله
ولا كما ضلعن ثبت بالحويه
قبيلة ترقى على كل نايف
نجعل كبيرات المصاعب عسايف
تضرب بنا الامثال بين الطوايف
وقفاتنا وقت الشدايد قويه
قلته وانا من قوم ذريبين الايمان
اصلي عبيدي مرجعي راس قحطان
نسل تحدر من قروم ٍ وفرسان
نسل الشيوخ اللي تقود السريه
بني هاجر منابع جدودي
انا مخضوبي بالمفاخر نجودي
وقت النقودي ........
اهل المعالي والفخر والحميه
ثم من بفارس منبعي والرجوعي
ابن اشهوان اللي يدك الجموعي
الضيغمي مشبع بطونن تجوعي
ورث فعول السلطة الضيغميه
كل الجزيرة شاهده ماقوله
ارض المفاخر والكرم والبطوله
يشهد ثراها وعرها مع سهوله
يوم الليالي اللي تقفت زريه
يوم العرب من بين طاعن ومطعون
والسيف من جنب الرجاجيل مسنون
والموت برقه لايحن في سما الكون
نارد حياض طافحه بالمنيه
واليوم في امنن عسى الله يديمه
امن وامان ٍ مع حياة كريمه
والحمد للي منشين كل ديمه
اللي اصطفى محمد رسوله نبيه
انا افتخر والحق عندي وعندي
قومي بياض افعال جدي وعدي
ماهو غرور او كبر او تحدي
ماهوب لاهذي ولاذي وذيه
والمدح واجب في جميع القبايل
من اليمن الين من بعد حايل
كلن وحقه كم قال قايل
كانو حنابل او مع الشافعيه
قلت اللذي مكنون باقى ضميري
يلهب بقلبي مثل لهب السعيري
صاير مع موجة فؤادي خشيري
كاوي معاليقي ثمانين كيه
واختم كلامي والنهايه سلامي
للكل في شبه الجزيرة وشامي
الكل له عندي قدر واحترامي
خصوص راعيين النفوس التقيه
وصلو على اللي تابعين طريقه
بعداد ماشفنا مسره وضيقه
وعد البحور الواسعات العميقه
وعداد ماشفت بعيونني يديه
وعداد زخات المطر والهبايب
وعد الجروح الخافيات العطايب
وبكثر مافي وقتنا من مصايب
وعداد ماشمس اشرقت بضحويه
للشاعر: محمد بن ناصر القريني الشهواني الهاجري