عبدالهادي سعيد المسعودي
15-09-2010, 05:42 PM
هذا القصيدة من قصائدي القديمة كتبتها قبل حوالي 20سنه
أتمنا ان ترقا الى ذايقتكم.
بادي باسم الولي منشـي الهميـل=واحد يعطي العطا مـده جزيـل
عالم ما كـان تخفيـه الصـدور=خالق المخلـوق وبرزقـه كفيـل
قابل التوبة من العبـد الضعيـف=يستجيب دعـاه لـو ذنبـه ثقيـل
باسـطٍ ارضـه لحيـه والجمـاد=مالكٍ الملك ذو العـرش الجليـل
استعيذه من زلل نطـق اللسـان=لايـذٍ بحمـاه وبجاهـه دخـيـل
سايلـه يـوم الملاقـا والحسـاب=غيـر ظلـه مالنـا ظـل ظليـل
قلتها من هاجـس لـج بحشـاي=لـج قمـريٍ تلاحـا بالهـديـل
او لـج الـذود بيـن مقسمـيـن=خلفها لجـت وقـام لهـا عويـل
لا غفا السالي جفت عيني المنـام=اقتلب كنـي علـى جمـرٍ كليـل
من زمانٍ بـان عيبـه والدمـار=للرجال اهل الكرم خيـره قليـل
قاصرٍ الخير من سعد الضيـوف=وكاثرٍ خيره على اللاش البخيـل
صايرٍ فيـه النمـر مالـه وقـار=والحصيني صايرٍ باعـه طويـل
رافعٍ راسه على النمر الفـروس=عقب عاداتـه وجحـره والنثيـل
والحرار اللـي مخالبهـا حـداد=اصبحت تخشى من البط الهزيـل
حول القرناس من عالي الوكـور=واعتلى نسر الوطى راس الوحيل
شفت وقتٍ صايرٍ فيـه اختـلاف=صار فيه اللي من اول مستحيـل
استدار وسـار واخطـا الاتجـاه=يا زمان البيـن ضيعـت الدليـل
من كثر ماله غـدا قـدره كبيـر=وقلد العبسي بسيـفٍ لـه صليـل
لو نطق بالكذب قالوا له صـدوق=قام كلٍ فـي سنـع شفـه يميـل
صار هو راعي المنصه والشـداد=يامر وينهى ولـو ساسـه رذيـل
والكريم وان قل مالـه والحـلال=قل قدره عنـد ربعـه والعميـل
وكذبوه الناس لو قـال الصحيـح=وعذربوا فيه وبنـوا قـولٍ وقيـل
وان حداه الوقت واعتاز الرفيـق=ما بدا من فزعته مومـي شليـل
فعزتـي للـي تحـداه الـزمـان=وضاع معروفه وهو راعي الجميل
يفعل المعروف لا جا لـه مجـال=فاللوازم موقفـه يبـري الغليـل
ردته دنيـاه عـن مـا يشتهيـه=لين طـاوع شفهـا كنـه ذليـل
فزارع المعروف بالشخص اللئيـم=مثل زراع السبخ يبغى الحصيـل
وزارع المعروف بالناس الكـرام=مثل ما عل المطر خصب المسيل
تثمر اشجـاره ويزهـا بالنبـات=يستـوي نبتـه ويصلـح للنزيـل
قبلنـا قالـه رجـال مجربـيـن=والردي قد بذ جيـلٍ بعـد جيـل
فبانصح اللـي للنصايـح قابليـن=ومن تقبل للنصايـح مـا يعيـل
النصيحة قبل ما تمشـي طريـق=اخذها لو كان من عابـر سبيـل
بأنصحك جنب ردييـن العـزوم=الطحالـب لا تغـرك بالمغـيـل
بالرخا ياتون لـك فيمـا بغيـت=وان حدتك المعضله كثر الجفيـل
وابتعد من موكـراً فيـه الفسـاد=فيه لنسور الخنـا ممسـا ومقيـل
ينقلون الهـرج مـن هـذا لـذاك=كل منهم بالحكـي يهـذل هذيـل
يشعلون النار من بيـن الرفـاق=لين تقبـس بينهـم قبـس الفتيـل
باردين الحيل ما منهـم صـلاح=جنسهم جعله مـن الدنيـا يزيـل
ولا يغرك بالجمل كثـر الهديـر=بالجمال هزال مـا تقـدر تشيـل
ولا تغرك خضرة اشجار الضريع=خضرة تزهـى ولا منهـا ذبيـل
التعب فيهـا خسـارة راس مـال=من رجا منها الجنا قلبـه هبيـل
وقوس غبات البحر قبل العبـور=وان نزلت الدار فاحسب للرحيـل
وان كرهك الحي واظهر لك جفاه=فاتركه وارحل ودور لـه بديـل
بـدل الاوطـان باوطـان جـداد=في مناحي الارض طـبٍ للعليـل
وان نساك الخل في وقت اللـزوم=خله وتلقا عوضـه ميـئة خليـل
والعسـر لابـد بعـده الانفـراج=والفرج ماحدٍ علـى بابـه وكيـل
والختم صلوا على صفوة قريـش=عد ما هب الهوا وانشى المخيـل
واسمحولي في نهايـات المطـاف=اختتم باسم الولي منشـي الهميـل
عبدالهادي سعيد المسعودي
أتمنا ان ترقا الى ذايقتكم.
بادي باسم الولي منشـي الهميـل=واحد يعطي العطا مـده جزيـل
عالم ما كـان تخفيـه الصـدور=خالق المخلـوق وبرزقـه كفيـل
قابل التوبة من العبـد الضعيـف=يستجيب دعـاه لـو ذنبـه ثقيـل
باسـطٍ ارضـه لحيـه والجمـاد=مالكٍ الملك ذو العـرش الجليـل
استعيذه من زلل نطـق اللسـان=لايـذٍ بحمـاه وبجاهـه دخـيـل
سايلـه يـوم الملاقـا والحسـاب=غيـر ظلـه مالنـا ظـل ظليـل
قلتها من هاجـس لـج بحشـاي=لـج قمـريٍ تلاحـا بالهـديـل
او لـج الـذود بيـن مقسمـيـن=خلفها لجـت وقـام لهـا عويـل
لا غفا السالي جفت عيني المنـام=اقتلب كنـي علـى جمـرٍ كليـل
من زمانٍ بـان عيبـه والدمـار=للرجال اهل الكرم خيـره قليـل
قاصرٍ الخير من سعد الضيـوف=وكاثرٍ خيره على اللاش البخيـل
صايرٍ فيـه النمـر مالـه وقـار=والحصيني صايرٍ باعـه طويـل
رافعٍ راسه على النمر الفـروس=عقب عاداتـه وجحـره والنثيـل
والحرار اللـي مخالبهـا حـداد=اصبحت تخشى من البط الهزيـل
حول القرناس من عالي الوكـور=واعتلى نسر الوطى راس الوحيل
شفت وقتٍ صايرٍ فيـه اختـلاف=صار فيه اللي من اول مستحيـل
استدار وسـار واخطـا الاتجـاه=يا زمان البيـن ضيعـت الدليـل
من كثر ماله غـدا قـدره كبيـر=وقلد العبسي بسيـفٍ لـه صليـل
لو نطق بالكذب قالوا له صـدوق=قام كلٍ فـي سنـع شفـه يميـل
صار هو راعي المنصه والشـداد=يامر وينهى ولـو ساسـه رذيـل
والكريم وان قل مالـه والحـلال=قل قدره عنـد ربعـه والعميـل
وكذبوه الناس لو قـال الصحيـح=وعذربوا فيه وبنـوا قـولٍ وقيـل
وان حداه الوقت واعتاز الرفيـق=ما بدا من فزعته مومـي شليـل
فعزتـي للـي تحـداه الـزمـان=وضاع معروفه وهو راعي الجميل
يفعل المعروف لا جا لـه مجـال=فاللوازم موقفـه يبـري الغليـل
ردته دنيـاه عـن مـا يشتهيـه=لين طـاوع شفهـا كنـه ذليـل
فزارع المعروف بالشخص اللئيـم=مثل زراع السبخ يبغى الحصيـل
وزارع المعروف بالناس الكـرام=مثل ما عل المطر خصب المسيل
تثمر اشجـاره ويزهـا بالنبـات=يستـوي نبتـه ويصلـح للنزيـل
قبلنـا قالـه رجـال مجربـيـن=والردي قد بذ جيـلٍ بعـد جيـل
فبانصح اللـي للنصايـح قابليـن=ومن تقبل للنصايـح مـا يعيـل
النصيحة قبل ما تمشـي طريـق=اخذها لو كان من عابـر سبيـل
بأنصحك جنب ردييـن العـزوم=الطحالـب لا تغـرك بالمغـيـل
بالرخا ياتون لـك فيمـا بغيـت=وان حدتك المعضله كثر الجفيـل
وابتعد من موكـراً فيـه الفسـاد=فيه لنسور الخنـا ممسـا ومقيـل
ينقلون الهـرج مـن هـذا لـذاك=كل منهم بالحكـي يهـذل هذيـل
يشعلون النار من بيـن الرفـاق=لين تقبـس بينهـم قبـس الفتيـل
باردين الحيل ما منهـم صـلاح=جنسهم جعله مـن الدنيـا يزيـل
ولا يغرك بالجمل كثـر الهديـر=بالجمال هزال مـا تقـدر تشيـل
ولا تغرك خضرة اشجار الضريع=خضرة تزهـى ولا منهـا ذبيـل
التعب فيهـا خسـارة راس مـال=من رجا منها الجنا قلبـه هبيـل
وقوس غبات البحر قبل العبـور=وان نزلت الدار فاحسب للرحيـل
وان كرهك الحي واظهر لك جفاه=فاتركه وارحل ودور لـه بديـل
بـدل الاوطـان باوطـان جـداد=في مناحي الارض طـبٍ للعليـل
وان نساك الخل في وقت اللـزوم=خله وتلقا عوضـه ميـئة خليـل
والعسـر لابـد بعـده الانفـراج=والفرج ماحدٍ علـى بابـه وكيـل
والختم صلوا على صفوة قريـش=عد ما هب الهوا وانشى المخيـل
واسمحولي في نهايـات المطـاف=اختتم باسم الولي منشـي الهميـل
عبدالهادي سعيد المسعودي