من نوادر الشاعر حمد هادي المسردي [الأرشيف] - شبكة قحطان - مجالس قحطان

ماجد المقبل

11-09-2010, 11:08 PM

[5]من هموم البال غنى يقول المسردي بالعصير معدي في حجا راس اقهره
من هموم حدتني على المرقا حدي ماقدر انزل للوطى دام للشمس اسفره
تردني ورد المنايا على جال المدي لاحدت هاكالنبي يبست كل اشجره
من سبايب صاحب صرت انا عنه امحدي حال دونه شايب واحدن ند اعشره
حال دونه عود مقرود ماهو بجودي حال من دون غظ النهد بمعيره
والله لولا الخوف من حكم خالد لعتدي ونهب المجمول لو كان مافي اخيره

الرجا من الاخوان في المجلس اللي يحفظ شي من نوادر حمد هادي المسردي يسمعنا وهذي من نوادره والجديد قادم ولكم جزيل الشكرi

ابن سراع القحطاني

12-09-2010, 12:17 AM

ارحب ارحب يا ماجد والله يحييك وجبت السمين

الله يرحم الشاعر الكبير حمد المسردي ويسكنه الجنه

وهذه من احدى قصايده

مل قلب(ن) هزه الهم والهاجوس هز=وارتجف عرشه وزلزل وجا فيه اهتزاز
عقب ثلثين من الليل فز القلب فز=مثل فزة حافي(ن) واطي كسرة قزاز
كن بقصى ضامري يا جماعه نار قز=والضلوع يلوعها مثل ضو البوتقاز
وكن قلبي من عراويه بمواس(ن) يحز=من هموم وهواجيس في صدري حزاز
طول ليل البارحه كن في عيني وخز=عن لذيذ النوم كنه يرذبها تراز
من ديار البعد قلب العنا صابه جلز=ومن ديار البعد عز الله ان القلب جاز
راكب اللي من حفيزه على الغايه برز=جمس شكمانين توه جديد آخر طراز
يعجب السواق لا عطا حزم اجرز=وان تحرك يقرب البعد ويشق الغراز
والغدا لي سهل الله مع بدايات الملز=ثم يشيك من محطات موقفة الحجاز
وغادر الديره مع الظهر يومنه نجز=وانتله مرفوع بالوصف كنه اريل جهاز
والعشاء حول السليل مع المغرب نجز=حايفه غمرن(ن) شقردي(ن) عادته النجاز
ثم تحرك والدريول يلز الرجل لز=طول ليله راح مساقط(ن) واجتياز
والونيت يشجع اللي يحبون االلزز=لو يقحص يطلع من القاع ارتواز
كنه السكران لا غزه الشيطان غز=عقب ما خذا غرشتين وطابله الخناز
ينطنخ ويشوش ومن المخاطر ما يكز=شايف(ن) بعض العرب كنهم عنده عفاز
طول ليله حتى سنا الصبح اشرهز=ساري(ن) والصبح في حزم جاش له افتزاز
واشرقت شمس الضحى ولي الونيت بكل عز=واقف(ن) في طرف ديرة بني عم(ن) عزاز

لاهنت على الموضوع يا ماجد

تقديري

ماجد المقبل

12-09-2010, 02:12 AM

ارحب ارحب يا ماجد والله يحييك وجبت السمين

الله يرحم الشاعر الكبير حمد المسردي ويسكنه الجنه

وهذه من احدى قصايده

مل قلب(ن) هزه الهم والهاجوس هز=وارتجف عرشه وزلزل وجا فيه اهتزاز
عقب ثلثين من الليل فز القلب فز=مثل فزة حافي(ن) واطي كسرة قزاز
كن بقصى ضامري يا جماعه نار قز=والضلوع يلوعها مثل ضو البوتقاز
وكن قلبي من عراويه بمواس(ن) يحز=من هموم وهواجيس في صدري حزاز
طول ليل البارحه كن في عيني وخز=عن لذيذ النوم كنه يرذبها تراز
من ديار البعد قلب العنا صابه جلز=ومن ديار البعد عز الله ان القلب جاز
راكب اللي من حفيزه على الغايه برز=جمس شكمانين توه جديد آخر طراز
يعجب السواق لا عطا حزم اجرز=وان تحرك يقرب البعد ويشق الغراز
والغدا لي سهل الله مع بدايات الملز=ثم يشيك من محطات موقفة الحجاز
وغادر الديره مع الظهر يومنه نجز=وانتله مرفوع بالوصف كنه اريل جهاز
والعشاء حول السليل مع المغرب نجز=حايفه غمرن(ن) شقردي(ن) عادته النجاز
ثم تحرك والدريول يلز الرجل لز=طول ليله راح مساقط(ن) واجتياز
والونيت يشجع اللي يحبون االلزز=لو يقحص يطلع من القاع ارتواز
كنه السكران لا غزه الشيطان غز=عقب ما خذا غرشتين وطابله الخناز
ينطنخ ويشوش ومن المخاطر ما يكز=شايف(ن) بعض العرب كنهم عنده عفاز
طول ليله حتى سنا الصبح اشرهز=ساري(ن) والصبح في حزم جاش له افتزاز
واشرقت شمس الضحى ولي الونيت بكل عز=واقف(ن) في طرف ديرة بني عم(ن) عزاز

لاهنت على الموضوع يا ماجد

تقديري
الله لا يهينك يابن سراع وابيض وجه لكن ترى يمكن اني اعرف من قصايد حمد هادي 90 بالمئه ولكن انا طلبت القصائد النادره جدااا لاني من من لا يعجبه شعر ولا شاعر كما يعجبني الشاعر حمد هادي
ولك مني جزيل الشكر على المشاركه

صالح حسن الكيرعاني

13-09-2010, 12:26 AM

صحت اللسنتكم واعتلى شانكم ولسان المسردي

لاعدمتكم

فهد الهباش

13-09-2010, 01:13 AM

انا اعرفك ياماجد زين ............ تموت في شعر شاعر اسمه حمد هادي ..........وتحفظه عن ظهر غيب ......... لذا كل القصايد اللي عندي اتوقع انك تعرفها وتحفظها............... لكن أوعدك وأوعد أعضاء لو تحصلت على قصائد نادرة
للمسردي..... راح اوردها .... بإذن الواحد الأحد...............والله لا يهينك يا بوعلي.

تركي المهداني

13-09-2010, 08:17 AM

بيض الله وجهك

ابن شرعا

13-09-2010, 03:44 PM

حكومتنا الرشيده تحبس الرجال لين يتوب
رضيت السجن ولا مارضيته يالفلبيني

الله يرحمه واموات المسلمين اللهم آمين

ماجد المقبل

13-09-2010, 10:14 PM

انا سمعت من ناس ان فيه محاوره بين حمد هادي وخلف بن هذال العتيبي فأرجو من الاخوه اللي يحفظ منها شي
لا يبخل علينا او ان كانت تباع في محل او استيريو فليبلغنا وله جزيل الشكر
ووعد مني لسمعكم ريديه للمسردي مع شاعر اخر عمركم ماسمعتوهـــــــــــــــــــــــــــــــــــــــا
ولكن تكفون نبي شي جديد للمسردي ولكم جزيل الشكر

سعيد الضيغمي

13-09-2010, 11:34 PM

بيض الله وجهك ورحم الله المسردي

مشاري بن بتال القحطاني

15-09-2010, 02:08 AM

الله الله الله

الله يرحم المسردي ويبيحه عزالله انه بحر

والله لا يهيينكم يا بن سراع ويا ماجد المقبل

تقبلوا مروووري