قصيده لزميل

[المهلهل الفين وخمسه]

عزي لقلب شايل الهم بحمول=زادت صواديفه وزاد احتماله
رحت القمر عاني وقاصدبه النول= رجعت منه ومنثني باستماله
لقيت حوله صفت الشهب بازمول = وسهيل حارس والجدي عن شماله
تسابقتني بالشرر قبل ماقول = حتي تصيب الي يوردحباله
وقفت عنده حاير الفكر مذهول = من يوم شفت الي بهرني جماله
سبق عطاني هرج واضح ومعسول= واليوم مادري ويش غير مقاله
اسمه بخمس احروف والميم مدبول =ياكبر حظي كان حظي يناله
جيته اشيل امال بالعرض والطول = امشي واناظر صورتن من خياله
واجهة مندوبه بعيدن عن الظول= ناصيه يوم الوقت حد لقباله
بيني وبينه دارت اعلوم وحلول = في ماقف الفندق علي حد بابه
قالولي انسه قلت ماهوب معقول= ياكيف ابنسا من يزيد ابدلاله
لوكان بالطلبه لها سيف مسلول = صبيان عاطف لانتخيت برجاله
هم عزوتي لاوقف الهرج والقول = تاخذ احقوقي منه غصب ابساله

[أبو زيد]

صح لسان الشاعر
ولا هان الناقل

[النايب له ولد]

المهلهل الفين وخمسه

اهلا بك في الشبكه
واهلا بزميلك الشاعر

وان شاء الله يكون القادم احلى

بعض الكلمات بحاجه الى تغيير
وكلمة (بابه) نشاز في القصيده
كما ان هناك تناقض واضح فالشاعر يقول (قابلته بعيد عن الظول)
ثم يقول ( في ماقف الفندق عند بابه) فكيف يكون بعيداُ عن الناس وهو عند باب الفندق

كما ان الوزن مختلف في بعض الابيات
فمثلاُ شطر البيت: سبق عطاني هرج واضح ومعسول
ليس كشطر البيت: لو كان بالطلبه لها سيف مسلول


القصيده في الاجمال بحاجه الى مراجعه


اشكركما

[السيف النادر]

صح لسانك ولسان زميلك

قصيدة جيدة جدا .....

ولكن كان بودي ذكر اسم الشاعر ... خصوصا أنه ذكر اسم قبيلته

اخوك

السيف النادر

[المهلهل الفين وخمسه]

الاخ ابو زيد
الاخ النايب له ولد
الاخ السيف النادر
مروركم زادني شرف لكم شكري الجزيل
اخوي النايب له ولد منكم نتعلم ياطويل العمر وانتقادك افادني انا وزميلي
اما بخصوص بابه الخطاء مني بالكتابه والصحيح على حد جاله
ولا تبخل علينا اخي باقتراحاتك
اكرر شكري الجزيل تقبلو احترامي

[النايب له ولد]

المهلهل الفين وخمسه

تقبلك للنقد يعتبر موهبه بحد ذاتها
وكلنا نتعلم من بعض
اشكرك على رحابة صدرك
والى الامام ان شاء الله